მსახიობი მერაბ ნინიძე პოპულარულ ამერიკულ სერიალ Homeland-ში მონაწილეობს.
პირველი არხის ექსკლუზიური ინფორმაციით, მსახიობი სერიალის გადაღებებზე იმყოფება.
ქართველი მსახიობი სერიალის მეშვიდე სეზონის მეცხრე სერია Useful Idiot-ში მონაწილეობს. ამ სერიაში ჯერჯერობით მერაბ ნინიძის პერსონაჟის სატელეფონო საუბარი ისმის. მერაბ ნინიძე რუსი დაზვერვის მაღალჩინოსნის მიროვის როლს ასრულებს და მომდევნო სერიებში მაყურებელი მას სერიალის სხვადასხვა სცენებში იხილავს.
მერაბ ნინიძე უკვე გამოჩნდა IMDB-ზე სერიალში მონაწილე მსახიობთა გუნდში.
ამასთან, დიდი ბრიტანეთის შემდეგ, BBC One-ისა და AMC-ს ერთობლივ სერიალ „მაკმაფიას“, რომელშიც მერაბ ნინიძემ ერთ-ერთი მთავარი როლი შეასრულა, აშშ-ში, AMC-ზე აჩვენებენ.
