NDI-ის კვლევის თანახმად, კითხვაზე – ვის ისურვებდით საქართველოს შემდეგ პრეზიდენტად, გამოკითხულთა 39%-მა გიორგი მარგველაშვილი დაასახელა.
მეორე ადგილზე 18 პროცენტით არის დავით ბაქრაძე, ხოლო მესამეზე – ნინო ბურჯანაძე 7 პროცენტით, შემდეგ ადგილებზე შალვა ნათელაშვილი – 3 პროცენტით, გიორგი თარგამაძე – 3 პროცენტით, არ ვიცი – 16 პროცენტი, სხვა – 4 პროცენტი.
NDI-ის საქართველოს ოფისის ხელმძღვანელის ლუის ნავაროს თქმით, “სხვა” მოიცავს სალომე ზურაბიშვილს, რომელსაც 2 პროცენტი ასახელებს და კობა დავითაშვილს, რომელსაც 1 პროცენტი ასახელებს. სხვა კანიდატების მაჩვენებელი 1 პროცენტზე ნაკლებია.
NDI-ის კვლევის საველე სამუშაოები 18 აგვისტოდან 3 სექტემბრის პერიოდში ჩატარდა. საქართველოს მასშტაბით პირისპირ ინტერვიუს წარმომადგელობითი შერჩევის საფუძველზე 3 838 ადამიანი გამოიკითხა. NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (SIDA) და ატარებს კავკასიის კვლევითი რესურსების ცენტრი (CRRC).
26.09.13
