დღეს ფაშიზმზე გამარჯვების დღეა. ომის ვეტერანები, წელსაც ვაკის პარკში შეიკრიბებიან და უცნობი ჯარისკაცის საფლავს პატივს მიაგებენ.
ვაკის პარკში მივლენ საქართველოს მთავრობისა და პარლამენტის წევრებიც. ვაკის პარკში მისვლას ოპოზიციის წარმომადგენლებიც გეგმავენ.
ფაშიზმზე გამარჯვების დღეს ომის ვეტერანებს პრემიერმინისტრი გიორგი კვირიკაშვილი, საქართველოს პრეზიდენტი გიორგი მარგველაშვილი და საქართველოს პარლამენტის თავმჯდომარე მიულოცავენ.
დღეს მეორე მსოფლიო ომის დასრულებიდან 73 წელი გავიდა. საქართველოდან მეორე მსოფლიო ომში 700 000 ადამიანი წავიდა, აქედან ნახევარი უკან არ დაბრუნებულა.
1945 წლის 8 მაისს გერმანიის მიერ კაპიტულაციის გამოცხადების შემდეგ, მეორე მსოფლიო ომი დასრულდა, 9 მაისი კი ფაშიზმზე გამარჯვების დღედ გამოცხადდა.
