ჩინეთის ეკონომიკური ზრდის მაჩვენებელი ბოლო 25 წლის მანძილზე მინიმუმამდეა შემცირებული და გასულ ორ წელში 6.9% შეადგინა. ბევრი ექსპერტი სკეპტიკურად უყურებს მომავალი წლის მაჩვენებლებს, ვინაიდან,როგორც ცნობილია 2018 წლის აპრილი-მაისის მონაცემებით შემცირებულია ექსპორტისა და ინვესტიციების რაოდენობა. ექსპერტების აზრით, წლის ბოლოს ეკონომიკური ზრდის მაჩვენებელი 6.5%-მდე დაიწევს. შესაძლოა, აშშ-სა და ევროპისთვის ეს ციფრები სასიხარულო იყოს, თუმცა ამ მონაცემებზე დაყრდნობით, შეგვიძლია ვივარაუდოთ,რომ აზიური განვითარებადი ქვეყნების უმეტესი ნაწილის ეკონომიკური ზრდა კითხვის ნიშნის ქვეშ დადგება.
რაც მთავარია, ჩინეთის ეკონმიკის შემცირება მსოფლიო პირველ რიგში, ნედლეულის ფასით იგრძნობს, ეს შენელება ნედლეულის ფასებზე პირდაპირ უარყოფითად აისახება. ექსპერტები ფიქრობენ,რომ ქვეყანა მომავალში უფრო ნაკლები რაოდენობით ნედლეულს მოიხმარს, რაც პროდუქციის ფასების შემცირებას იწვევს. ქვეყანაში ეკონომიკური ზრდამ 2003 წელს მნიშვნელოვან ზღვარს მიაღწია, ქვეყანამ 53 მილიარდი დოლარის პირდაპირი უცხოური ინვესტიცია მიიღო. უნდა აღინიშნოს, რომ ეს ციფრი პირდაპირი ინვესტიციების საერთო მოცულობის 8,2%-ს შეადგენდა. ეს კი ყველაზე მაღალი მაჩვენებელი იყო იმ დროის მსოფლიოში.
ეკონომიკური შემცირების მიზეზი ბირჟების ვარდნაა,რომელიც ჯერჯერობით ყველა სექტორზე არ გადასულა, ექსპერტების მხრივ, მოსალოდნელია წლის ბოლომდე სხვა სექტორების კრიზისი, თუმცა „ჩინეთი ამას ვერ იგრძნობს“- წერენ დასავლური გამოცემები.
ჩინეთმა ეკონომიკური რეფორმების დასაწყისში პოზიციონირება დაიწყო, როგორც გლობალურმა ეკონომიკურმა ქვეყანამ. მშპსა და ინვესტიციების ზრდამ, რომელიც ძირითადად წარმოებას ეხმარებოდა საგრძნობლად მოიმატა. უნდა ითქვას,რომ მთავრობა დღემდე ძირითადად ინვესტიციებს ინფრასტრუქტურაში (გზები, პორტები, ენერგეტიკა) ახორციელებს, ჩინური ინფრასტრუქტურა მსოფლიოში ცნობილია,როგორც იაფი საშუალება.
მრავალი ჩინური კომპანია, რომელიც მსოფლიოს სხვადასხვა ქვეყანაში ინვესტიციებს ახორციელებს სახელმწიფო დახმარების ხარჯზე არსებობს. ამ საკითხზე ხშირად დაობენ და მოიხმობენ ინდოეთის მაგალითს, სადაც სახელმწიფო ასეთი დოზით არ ერევა. აქ ყველაზე ძლიერი კომპანიები მაგალითად ისეთ დარგებში კონცენტრირდებიან, სადაც წარმატებული განვითარებისთვის მსხვილი კაპიტალდაბანდება საჭირო არაა.
ექსპერტთა მეორე ნაწილი ფიქრობს,რომ ეკონომიკური ზრდის შემცირების მთავარი მიზეზი ინვესტიციების ნაკლებობაა. მათი აზრით, ქვეყანაში მრავალი საერთაშორისო კომპანიის არსებობის გამო მთავრობის წინაშე არ დგას თავისუფალი მეწარმეობის და ეკონომიკური ზრდის ხელშემწყობი ინსტიტუტების განვითარებისა და რეფორმირების საკითხი.
ნათია კეკენაძე
