საქართველოს პარლამენტის განათლების, მეცნიერებისა და კულტურის კომიტეტის თავმჯდომარე, მარიამ ჯაში განათლებისა და მეცნიერების მინისტრთან, მიხეილჩხენკელთან ერთად ბირთვული კვლევების ევროპულ ცენტრში (CERN)-ის გენერალურ დირექტორს, დირექტორთა საბჭოს წევრებს და „ატლასისა“ და CMS-ისექსპერიმენტების ხელმძღვანელობას შეხვდა.
შეხვედრაზე მხარეებმა თანამშრომლობის მემორანდუმის გაფორმების შესაძლებლობაზე იმსჯელეს. მემორანდუმი ქართველ მეცნიერებს შესაძლებლობას მისცემსსრულფასოვნად ჩაერთონ ცენტრის კვლევით პროექტებში. მხარეები შეთანხმდნენ, რომ სამომავლოდ “ატლასისა” და CMS-ის ექსპერიმენტებში უფრო მეტი ქართველიმაგისტრანტი და დოქტორანტი ჩაერთვება.
„საამაყოა ბოლო 26 წლის მანძილზე ქართველი მეცნიერების მოღვაწეობა CERN-ში. ბირთვული კვლევების ევროპული ცენტრის ხელმძღვანელები საქართველოსმადლობას უხდიან ქართველი ფიზიკოსების მიერ შეტანილი წვლილისათვის მსოფლიო მასშტაბის ორ პროექტში – CMS და ATLAS-ის ექსპერიმენტებში. დღეს ჩვენგვჭირდება ახალ ეტაპზე ერთობლივი თანამშრომლობის გადაყვანა, რომ უფრო მეტ ქართველ მეცნიერსა და სტუდენტს მიეცეს საშუალება ეწვიოს CERN-ს და ჩაერთოსმაღალი ენერგიების ფიზიკის წამყვან ექსპერიმენტებში. ამ მიზნით, საქართველოს მთავრობა გააძლიერებს ჩვენი ფიზიკოსების მხარდაჭერას და CERN-თანთანამშრომლობა ქართველ მეცნიერებთან ერთად ახალ ეტაპზე გადავა. ჩვენი სამომავლო, გრძელვადიანი მიზანი არის საქართველოს ბირთვული კვლევებისევროპული ცენტრის ასოცირებული წევრობა, რაზეც ჩვენ მეცნიერებთან ერთად აქტიურად ვიმუშავებთ როგორც საქართველოში, ასევე ჟენევის პლატფორმიდან“, -აღნიშნა განათლების, მეცნიერებისა და კულტურის კომიტეტის თავმჯდომარემ.
შეხვედრის ბოლოს, მარიამ ჯაშმა და მიხეილ ჩხენკელმა „ატლასისა“ და CMS-ის ხელმძღვანელებს ქართველი მეცნიერების მხარდაჭერისთვის მადლობა გადაუხადესდა იმედი გამოთქვეს, რომ CERN-ში საქართველოს ასოცირებული წევრობის სამომავლო პერსპექტივაზე საუბარი შედეგის მომტანი იქნება.
