აჭარის ავტონომიური რესპუბლიკის მთავრობის თავმჯდომარემ ზურაბ პატარაძემ თანამდებობა დატოვა. ამის შესხაებ მან რამდენიმე წუთის წინ გამართულ ბრიფინგზე განაცხადა.
ბრიფინგზე პატარაძემ აჭარაში განოხრციელებული პროექტები შეაჯამა და საქართველოს მთავრობას, ჟურნალისტებსა და არასამთავრობო ორგანიზაციებს მადლობა გადაუხადა.
მისი თქმით, არის პროექტები, რომელიც დასასრულებელია და აჭარის მთავრობის ახალი თავმჯდომარე მას აუცილებლად განახორციელებს.
პატარაძის თქმით, ის “ქართული ოცნების” გუნდში რჩება.
„მივიღე გადაწყვეტილება, დავტოვო აჭარის მთავრობის თავმჯდომარის თანამდებობა. გადაწყვეტილება მიღებულია გუნდურად, ვიყავი და ვრჩები „ქართული ოცნების“ წევრად, მადლობა მინდა ვუთხრა „ქართულ ოცნებას“, რომ მომცა საშუალება, მეზრუნა ჩვენი კუთხისთვის. მინდა, ყველაზე დიდი მადლობა გადავუხადო ხალხს, ჩემს აჭარას, ჩემს მაღალმთიანეთს“, – განაცხადა ზურაბ პატარაძემ.
