საქართველოს საპრეზიდენტო არჩევნები 2018 დასრულდა. “ქართული ოცნება – დემოკრატიული საქართველოს” დაკვეთით, “ფსიქოპროექტის” მიერ ჩატარებული ეგზიტპოლის თანახმად, არჩევნებში ხმათა უმრავლესობა დამოუკიდებელმა საპრეზიდენტო კანდიდატმა სალომე ზურაბიშვილმა მიიღო – 52.3%
მეორე ადგილზე – გრიგოლ ვაშაძე 28.1%
მესამე ადგილზე – დავით ბაქრაძე 9.2%
მეოთხე ადგილი – ზურაბ ჯაფარიძე 3.3%
“ქართული ოცნების” ცნობით, მათი ეგზიტპოლის შედეგების ცდომილება 2.6%-ია.
ტელეკომპანია “რუსთავი 2”-ისა და “ნაციონალური მოძრაობის” დაკვეთით, კომპანია “Edison Research”-ის მიერ ჩატარებული ეგზიტპოლის შედეგებით, საპრეზიდენტო არჩევნებში 40-40% სალომე ზურაბიშვილმა და გრიგოლ ვაშაძემ მიიღეს. “რუსთავი 2”-ის ცნობით ეგზიტპოლის ეს მონაცემები 16:00 საათისთვის არის ცნობილი. დანარჩენი კანდიდატების შედეგები ასეთია:
დავით ბაქრაძე – 10%
შალვა ნათელაშვილი – 3%
დავით უსუფაშვილი – 2%
ზურაბ ჯაფარიძე – 2%
ეგზიტპოლი ასევე “ევროპული საქართველოს” დაკვეთით, BCG Research–მა ჩაატარა. მისი შედეგები ასეთია: გრიგოლ ვაშაძე – 37%; სალომე ზურაბიშვილი – 34%, დავით ბაქრაძე – 17%; შალვა ნათელაშვილი – 5%, სხვა კანდიდატები – 7%.
