აშშ-ის პრეზიდენტმა ბარაკ ობამამ განაცხადა, რომ იგი, სანამ წარმომადგენელთა პალატა არ მიიღებს კანონპროექტს, რომელიც მთავრობასათვის გარკვეული პერიოდით ფინანსების გამოყოფას უზრუნველყოფს, რესპუბლიკელებთან ”ვაჭრობას” არ გამართავს.
კონგრესის ლიდერებთან გასამართ შეხვედრამდე ობამა ამერიკულ მედიას ესაუბრა და განაცხადა, რომ მთავრობის ჩიხში შეყვანა საჭირო არ არის.
მისივე თქმით, მას აღაშფოთებს ბიუჯეტის საკითხის გაურკვევლობა, რომელიც გავლენას ახდენს 20 მილიონი ამერიკელის ჯანდაცვის დაზღვევაზე.
ობამამ აღნიშნა, რომ წარმომადგენელთა პალატაში მთავრობის არსებული სახით ფუნქციონირების უზრუნველმყოფი კანონპროექტის მიღების შემთხევაში შეუძლია ხანგრძლივი განხილვები გამართოს ბიუჯეტის საკითხზე.
ამერიკის პრეზიდენტის განცხადებით, ბიუჯეტის საკითხის გაურკვევლობის ერთადერთი მიზეზი Obamacare-ს სახელწოდებით ცნობილი ჯანდაცვის ახალი რეგულაციებია.
04.10.13
