2014 წლის საბიუჯეტო პროექტით, ჯანდაცვის სამინისტროს დაფინანსება მიმდინარე წელთან შედარების 355 მილიონით იზრდება და ჯამში, 2 მილიარდ 700 მილიონ ლარი ხდება. ეს კი მთლიანი საბიუჯეტო ხარჯების 30%-ს შეადგენს.
ერთ-ერთ ყველაზე პრიორიტეტულ მიმართულებად, მომავალი წლისათვის ჯანდაცვის სამინისტრო რჩება.
“2014 წელს გაგრძელდება 2013 წელს დაწყებული ახალი პროგრამების დაფინანსება. პენსიების, სოციალური დახმარებების გაზრდა, რაც 2013 წელს დაიწყო, მომავალ წელს სრულად, 12 თვის განმავლობაში დაფინანსდება, რამაც სამინისტროს დაფინანსების მნიშვნელოვნად ზრდა განაპირობა. სოციალური დაცვის და საპენსიო უზრუნველყოფისთვის 1 მილიარდ 902 მილიონი ლარი გამოიყოფა, საყოველთაო ჯანდაცვის პროგრამებისთვის 300 მილიონი ლარი, მოსახლეობის სხვადასხვა კატეგორების დაზღვევისთვის 280 მილიონი ლარამდე იქნება მიმართული. ჯანდაცვის სხვა პროგრამებისთვის ჯამურად, 130 მილიონი ლარის ფარგლებში იქნება გამოყოფი” – აცხადებს ფინანსთა მინისტრის მოადგილე გიორგი თაბუაშვილი.
მომავალი წლის საბიუჯეტო პროექტის განხილვა საპარლამენტო კომიტეტში დღეს დაიწყო.
08.10.13
