საგარეო საქმეთა სამინისტროს ინფორმაციით, საგარეო საქმეთა მინისტრის პირველ მოადგილედ დანიშვნამდე, მიხეილ ჯანელიძეს საქართველოს ეკონომიკისა და მდგრადი განვითარების მინისტრის მოადგილის თანამდებობა ეკავა. მას ასევე აქვს საგარეო საქმეთა სამინისტროში მუშაობის გამოცდილება, კერძოდ, 2003-2004 წლებში, მიხეილ ჯანელიძე სამინისტროს საგარეო პოლიტიკის ანალიზისა და კველვის ცენტრში საქმიანობდა.
ამ პოსტზე მიხეილ ჯანელიძემ დავით დონდუა შეცვალა.

The post აგარეო საქმეთა მინისტრის პირველ მოადგილედ მიხეილ ჯანელიძე დაინიშნა appeared first on TTimes.GE.

როგორც “თბილისი თაიმსს” საგარეო უწყებიდან აცნობეს, სიგელების ასლების გადაცემის შემდგომ ელჩსა და მინისტრს შორის პირველი შეხვედრა გაიმართა. გიორგი კვირიკაშვილმა და იენ კელიმ განიხილეს საქართველოსა და ამერიკის შეერთებული შტატების სტრატეგიული პარტნიორობის ყველა მნიშვნელოვანი საკითხი.

„ტრადიციისამებრ, ამერიკის შეერთებულმა შტატებმა საქართველოში მოავლინა ერთ-ერთი ყველაზე გამოცდილი დიპლომატი, 30 წლიანი გამოცდილებით.  დარწმუნებული ვარ, რომ ბატონი კელის ძალიან ღრმა დიპლომატიური გამოცდილება, როგორც ორმხრივი ასევე მრავალმხრივი დიპლომატიის მიმართულებით, კიდევ უფრო გააღრმავებს ჩვენს შორის, ჩვენს ქვეყნებს შორის არსებულ სტრატეგიულ პარტნიორობას. ამერიკის შეერთებულ შტატებთან მუშაობთ ბევრი მიმართულებით, მათ შორის ამერიკის შეერთებული შტატების სახელმწიფო დეპარტამენტთან, კონგრესთან, არასამთავრობო ორგანიზაციებთან, მედიასთან, კვლევით ინსტიტუტებთან და ჩვენი მიზანია, რომ კიდევ უფრო გავაღრმავოთ ეს ურთიერთობა. ამერიკის შეერთებული შტატები, ტრადიციულად არის საქართველოს ყველაზე ძლიერი მხარდამჭერი  ევროპული და ევრო-ატლანტიკური მისწრაფებებში. ჩვენ ვისაუბრეთ ამ მიმართულებით  ჩვენი ურთიერთობების კიდევ უფრო ინტენსიფიკაციაზე მომავალში.

ძალიან დიდი მნიშვნელობა ენიჭება აშშ-სთან ეკონომიკური ურთიერთობის კიდევ უფრო გაღრმავებას.  დარწმუნებული ვართ, რომ ის პარტნიორობა, რომელიც ჩვენ გვაქვს, ძალიან მნიშვნელოვანი პოლიტიკური დიალოგის სახით, სტრატეგიული პოლიტიკური დიალოგის სახით, კიდევ უფრო გაღრმავდება.

ჩვენი სამინისტროს სახელით, მინდა სრული მხარდაჭერა აღვუთქვა ბატონ კელის მის საქმიანობაში“-განაცხადა გიორგი კვირიკაშვილმა აშშ-ს ელჩთან იენ კელისთან შეხვედრის დასრულების შემდეგ.

The post გიორგი კვირიკაშვილი: “აშშ-მ საქართველოში მოავლინა ერთ-ერთი ყველაზე გამოცდილი დიპლომატი“ appeared first on TTimes.GE.

საგარეო სამინისტროს ინფორმაციით, შეხვედრაზე მხარეებმა განიხილეს ორ ქვეყანას შორის არსებული სტრატეგიული პარტნიორობის ფარგლებში მიმდინარე თანამშრომლობა, ისაუბრეს საქართველოსა და აშშ-ს შორის ორმხრივი ურთიერთობების გაღრმავების საკითხებზე.

საუბრისას მხარეებმა აგრეთვე ყურადღება დაუთმეს რეგიონული უსაფრთხოებისა და ეკონომიკური თანამშრომლობის თემებს, მიმოიხილეს გაეროს გენერალური ასამბლეის 70-ე სხდომაზე საქართველოს მხარის მონაწილეობის საკითხი. კიდევ ერთხელ ხაზგასმით აღინიშნა თბილისის „აბრეშუმის გზის“ ფორუმის ჩატარების მნიშვნელობა, რომელიც მიმდინარე წლის ნოემბერშია დაგეგმილი.

საგარეო საქმეთა მინისტრმა და აშშ-ის ელჩის მოვალეობის შემსრულებელმა ასევე განიხილეს საქართველოს ევროატლანტიკური ინტეგრაციის პროცესთან დაკავშირებული საკითხები.

The post გიორგი კვირიკაშვილი საქართველოში აშშ-ის ელჩის მოვალეობის შემსრულებელს შეხვდა appeared first on TTimes.GE.

ლიტვის საგარეო საქმეთა მინისტრი ლინას ლინკევიჩიუსი 7-8 სექტემბერს  მონაწილეობას მიიღებს თბილისში გამართულ საერთაშორისო კონფერენციაში, რომლის დროსაც  განიხილება მსოფლიოში არსებული ახალი გეოპოლიტიკური სიტუაცია. ვიზიტის ფარგლებში დაგეგმილია ორმხრივი  შეხვედრები საქართველოს პრეზიდენტთან, პრემიერ მინისტრთან და საგარეო საქმეთა მინისტრთან.

როგორც “თბილისი თაიმსს” ლიტვის საელჩოდან აცნობეს, კონფერენცია „ევროპის ახალი გეოპოლიტიკური ლანდშაფტი: უსაფრთხოება, ეკონომიკური შესაძლებლობები, თავისუფლება და ადამიანური ღირსება ფრონტის ხაზზე არსებულ სახელმწიფოებში“ ერთად უმასპინძლებს პოლიტიკურ ლიდერებს, ექსპერტებს, აკადემიკოსებს როგორც საქართველოდან ასევე ევროპიდან და ამერიკიდან.

ორმხრივი შეხვედრების დროს მხარეები ორმხრივ ურთიერთობებსა და საქართველოს ევროკავშირსა და ნატოში ინტეგრაციის საკითხებს განიხილავენ. ვიზიტის ფარგლებში მინისტრი ასევე ეწვევა ევროკავშირის სადამკვირვებლო მისიას, სადაც გაეცნობა საოკუპაციო ხაზზე არსებულ ვითარებას.

მინისტრი თბილისში 7 სექტემბერს ჩამოვა.

The post საქართველოს ლიტვის საგარეო საქმეთა მინისტრი ეწვევა appeared first on TTimes.GE.

2015 წლის 5 სექტემბრიდან ძალაში შევიდა საქართველოს მთავრობასა და  არგენტინისრესპუბლიკის მთავრობას შორის სავიზო მოთხოვნის გაუქმების შესახებ შეთანხმება.  

როგორც “თბილისი თაიმსს” საგარეო უწყებიდან აცნობს, აღნიშნული შეთანხმების თანახმად, ორივე ქვეყნის  ორდინალური პასპორტის მქონე მოქალაქეებს შესაძლებელობა აქვთ უვიზოდ გაემგზავრონ და 90 დღის განმალობაში დაჰყონ ორივე სახელმწიფოს ტერიტორიაზე.

ქვეყნებს შორის უვიზო მიმოსვლის შესახებ შეთანხმებას ხელი 2015 წლის   ივნისში მოეწერა.

The post საქართველოსა და არგენტინის რესპუბლიკას შორის უვიზო მიმოსვლა ამოქმედდა appeared first on TTimes.GE.

საქართველოს სახელმწიფო უსაფრთხოების სამსახურის უფროსი ვახტანგ გომელაური ამერიკის შეერთებული შტატების ელჩის მოვალეობის შემსრულებელს ნიკოლას ბერლინერს შეხვდა.

როგორც “თბილისი თაიმსს” სახელმწიფო უსაფრთხოების სამსახურიდან აცნობეს, მხარეებმა განიხილეს საქართველოსა და ამერიკის შეერთებულ შტატებს შორის ორმხრივი ურთიერთობების ასპექტები და დასახეს მომავალი სტრატეგიული თანამშრომლობის გაღრმავების პერსპექტივები. შეხვედრაზე  ვახტანგ გომელაურმა ისაუბრა სახელმწიფოს  წინაშე არსებულ გამოწვევებზე და უსაფრთხოების სამსახურის განვითარების ძირითად მიმართულებებზე. შეხვედრისას ხაზი გაესვა ამერიკელ სტრატეგიულ პარტნიორებთან საქართველოს სახელმწიფო  უსაფრთხოების სამსახურის თანამშრობლობის აუცილებლობასა და მნიშვნელობას.

საქართველოში აშშ-ის ელჩის მოვალეობის შემსრულებელმა დაადასტურა ორმხრივ ფორმატშიაშშ-ის მხრიდან თანამშრომლობის მზადყოფნა და გამოხატა საქართველოს მიერ არჩეული განვითარების კურსის მტკიცე მხარდაჭერა ქვეყნის სუვერენიტეტის, ტერიტორიული მთლიანობის, დემოკრატიული განვითარების და ევროატლანტიკური ინტეგრაციის შესაბამისი მიმართულებებით.

The post სახელმწიფო უსაფრთხოების სამსახურის უფროსი აშშ-ის ელჩის მოვალეობის შემსრულებელს შეხვდა appeared first on TTimes.GE.

The post გიორგი მარგველაშვილმა 3 ახალი ელჩი დანიშნა appeared first on TTimes.GE.

საელჩოს ცნობით, ელჩმა ნორლანდმა იან კელის თანამდებობაზე დამტკიცება მიულოცა და საქართველოდან გასამგზავრებლად მზადება დაიწყო. “სადაც არ უნდა ვიყოთ, საქართველო და ქართველები მუდამ  მერის და ჩემ გულებში დარჩებიან”, – აცხადებს ელჩი ნორლანდი.

The post რიჩარდ ნორლანდის შემცვლელი იან კელი იქნება appeared first on TTimes.GE.

როგორც “თბილისი თაიმსს” საქართველოს საგარეო საქმეთა სამინისტროდან აცნობეს, საზეიმო ღონისძიებას ადგილობრივი ხელისუფლების წარმომადგენლები, მათ შორის, ჰორსენსის მერი პიტერ სორენსენი და ჰორსენსის ბიზნეს საბჭოს თავმჯდომარე ტორბენ ბუსკი დაესწრნენ, ასევე, დანიის საგარეო საქმეთა სამინისტროს, ადგილობრივი ბიზნეს წრეების, მედია საშუალებების წარმომადგენლები და დანიაში მცხოვრები ქართველები.
დამსწრე საზოგადოებას სიტყვით მიმართა ჰორსენში საქართველოს საპატიო კონსულმა, საქართველოს საგანგებო და სრულუფლებიანმა ელჩმა ნიკოლოზ რთველიაშვილმა.

“გამოსვლაში, საქართველოს საპატიო კონსულმა მარიანე ბოლსმა ყურადღება გაამახვილა დანიის ქალაქ ჰორსენსა და საქართველოს ამბროლაურის მუნიციპალიტეტს შორის არსებულ თანამშრომლობაზე და საქართველოში უკვე განხორციელებულ პროექტებზე. დანიის სამეფოში საქართველოს ელჩმა კი სიტყვით გამოსვლისას ორ ქვეყანას შორის სხვადასხვა სფეროში არსებული წარმატებული თანამშრომლობა აღნიშნა, რასაც კიდევ უფრო ხელს შეუწყობს საპატიო საკონსულოს საქმიანობა. განსაკუთრებული ყურადღება დაეთმო ამბროლაურისა და ჰორსენსის მუნიციპალიტეტებს შორის არსებულ მჭიდრო ბიზნეს კავშირებს, ასევე კულტურის, განათლებისა და ტურიზმის სფეროებში სამომავლო თანამშრომლობის პერსპექტივებს. აგრეთვე, ელჩმა ჰორსენსის მერსა და ქალაქის ბიზნეს საბჭოს თავმჯდომარეს რაჭა-ლეჩხუმისა და ქვემო სვანეთის რეგიონში სახელმწიფო რწმუნებულის სახელით საქართველოში ოფიციალური მოწვევის წერილები გადასცა”, – აცხადებენ საგარეო უწყებაში.

მათივე ინფორმაციით, ჰორსენსის მერმა პიტერ სორენსენმა, მადლობა გადაუხადა ელჩსა და სახელმწიფო რწმუნებულს მოწვევისათვის და განაცხადა, რომ დიდი სურვილი აქვს ესტუმროს საქართველოს. საუბრისას, მან ასევე აღნიშნა, რომ ბიზნეს-სექტორში არსებულ ძალზედ წარმატებულ ურთიერთობებს, რომელსაც უკვე გააჩნია ხელშესახები შედეგები, მხარეებს შორის სხვა მნიშვნელოვან სფეროებში ურთიერთობის გაღრმავების მეტად ეფექტური საშუალებაა. გამოსვლის დასასრულს, პიტერ სორენსენმა იმედი გამოთქვა, რომ ჰორსენში საქართველოს წარმომადგენლობის გახსნით კიდევ უფრო გაღრმავდება არსებული კავშირები და გაფართოვდება მხარეებს შორის თანამშრომლობის სფეროები.

სამინისტროს ცნობით, ღონისძიებაზე მიწვეულმა სტუმრებმა ქართული ღვინო და ტრადიციული ქართული კერძები დააგემოვნეს.

The post დანიაში საქართველოს საკონსულო გაიხსნა appeared first on TTimes.GE.

The post ირაკლი ღარიბაშვილი: “გადავწყვიტეთ, რომ აბუ-დაბიში გავხსნათ საელჩო, დუბაიში კი გენერალური საკონსულო” appeared first on TTimes.GE.