„იდეა გაჩნდა ერთი წლის წინ, თუმცა, მისი განხორცილება წელს გახდა შესაძლებელი და უკვე რამდენიმე თვეა, ქართულ ბაზარზე ჩვენი პროდუქცია გამოჩნდა, საკმაოდ დიდი გამოხმაურება მოყვა, რაც ძალიან სასიხარულოა ჩვენთვის. ვფიქრობ, ეს განაპირობა მაღალმთიან რეგიონში საქმიანობის წამოწყებამ, პროდუქციის ხარისხმა, შეფუთვამ. ზოგადად, ნებისმიერიქართული წარმოების დაწყება ძალიან დასაფასებელია“.

დეტალურად, რას აწარმოებთ და რა წარმოადგენს პროდუქტის უპიდატესობას.

მაღალთიან რეგიონში, ლეჩხუმში ვაწარმოებთ  უწამლი ტყის ვაშლისგან  ძმარს, რომელიც  გამოირჩევა როგორც გემოვნური, ასევე, სამკურნალო თვისებებით, ხელს უწყობს საჭმლის მონელებას, ამაღლებს სისხლის შედედების უნარს, აჯანსაღებს სისხლძარღვებს, ხელს უწყობს სისხლის წითელი ბურთულების წარმოქმნას. ძმრის ყველაზე მნიშვნელოვანი ღირსება კალიუმის მაღალი შემცველობაა, ის აუცილებელია ენერგიის გამომუშავებისათვის, ასევე, ნერვული სისტემის დასამშვიდებლად. არის ბუნებრივი ანტისეპტიკი, კლავს მიკრობებს და ხელს უშლის ლპობის პროცესს. ასევე, ხელს უწყობს წონის კლებას.

აღსანიშნავია, რომ პროდუქცია არ შეიცავს კონსერვანტებს, მხოლოდ უწამლი ვაშლის წვენიგან მზადდება  ტრადიციული მეთოდით ძმრის დედოს მეშვეობით. ამიტომ, მისი გამოყენება შესაძებელია როგორც კულინარიში, ასევე, სამკურნალოდ.

იდეის შესახებ გვიამბეთ – რატომ მიიღეთ აღნიშნული გადაწყვეტილება?

ჩემს მეუღლეს, ლექსო თოთაძეს  (ის არისლეჩხუმიდან და მასთან ერთად მოვხვდი პირველად აქ ) აქვს 15-წლიანი სტაჟი ლუდსახარშისაწარმოო გამოცდილიებით. მეც რამდენიმე წელი ღვინის ქარხანაში ვიმუშავე და ამ წლებმა საკმაოდ დიდი გავლენა იქონია ჩვენს სამომავლო გეგმებზე, ოცნებებზე. 

ზოგადად, წარმოება იმდენად ცოცხალი და საინტერესო პროცესია, რომ  შეუძლებელია, არ შეგიყვარდეს. ჩვენც ყოველთვის გვინოდა საოჯახო საქმინობის დაწყება, ამიტომ, წელს გადავდგით პირველი ნაბიჯები, მოვიპოვეთ მცირე გრანტი, რისთვისაც დიდი მადლობა მინდა, გადავუხადო ფონდ „აფხაზინტერკონტს“

ჩვენი პროდუქტით მუდმივად ვახდენთ რეგიონის პოპულარიზაციას და ჩვენი პატარა წვლილი შეგვაქვს მის განვითარებაში.

ძმრის გარდა, თუ გეგმავთ, სხვა პროდუქტიც აწარმოოთ?

დიახ, განვითარება ჩვენთვის ყველაზე მნიშვნელოვანია. სამომავლოდ დიდი გეგმები გვაქვს. სულ მალე ქართულ ბაზარზე გამოჩნდება ლეჩხუმური ნუგბარი „ არტი ფრუტი“ (ART FRUIT )ბრენდით. რომელიც გააერთიანებს ვაშლის ძმრის, ჩირისა და ხილის ჩაის წარმოებას. აგრეთვე,განავითრებს ჩვენს რეგიონში აგროტურიზმს და  დაასაქმებს ადგილობრივ მოსახლეობას.  

მასალა მოამზადა : მარიამ ტიელიძემ

The post „ლეჩხუმში ვაწარმოებთ  უწამლი ტყის ვაშლისგან  ძმარს, რომელიც გემოვნური და სამკურნალო თვისებებით გამოირჩევა“  appeared first on TTimes.GE.

დეტალურად, რას მოიცავს “ექსპერიმენტორიუმი”?

“ექსპერიმენტორიუმი” არის ინტერაქტიული სამეცნიერო მუზეუმი, სადაც წარმოდგენილია ფიზიკის 80-მდე ექსპონატი და ქიმიის ლაბორატორია. თვალსაჩინო ექსპონატებითა და პრაქტიკული ცდებით, მუზეუმი მეცნიერების პოპულარიზაციას უწყობს ხელს.
“ექსპერიმენტორიუმი” არის პირველი ინტერაქტიული მუზეუმი საქართველოში, რომელიც ექსპონატებთან შეხების, მათი გამოცდის, მუზეუმში შეუზღუდავი გადაადგილების, სიცილის, სურათების გადაღებისა და ყვირილის საშუალებასაც იძლევა.
მუზეუმი 2016 წელს დაარსდა თბილისში და უკვე მეექვსე წელია, მეცნიერებით დაინტერესებული (და არამარტო) ბავშებისა და ზრდასრული ვიზიტორების გაოცებას იწვევს.

რა აქტივობებს ითვალისწინებს ის?

მუზეუმში წარმოდგენილი, ფიზიკის ინტერაქტიული ექსპოზიციისა და ქიმიური ცდების გარდა, მუზეუმი სასკოლო ჯგუფებს სთავაზობს საგანმანათლებლო პროგრამებს, არდადეგების პერიოდში კი მუზეუმის საგანმანათლებლო აქტივობებით „ჰოგორტსის სკოლას“.
მუზეუმში წარმოდგენილი ექსპოზიცია და საგანმანათლებლო პროგრამები ჩვენ გარშემო მიმდინარე მოვლენების მარტივად ახსნის საშუალებას იძლევა და ბევრ შეკითხვაზე პასუხს დასაბუთებული მეცნიერებით იძლევა.
ამასთანავე, მუზეუმში შესაძლებელია დაბადების დღის ან სხვადასხვა სახის ღონისძიების აღნიშვნა.
გარდა მუზეუმისა, “ექსპერიმენტორიუმი” დაინტერესებული ადამიანებისა და ორგანიზაციებისთვის მეცნიერული სანახაობის სხვადასხვა ლოკაციაზე გამართვის საშუალებასაც იძლევა, რაც მეცნიერებას კიდევ უფრო ხელმისაწვდომსა და სანახაობრივს ხდის.

რა ასაკობრივ კატეგორიაზეა ის მორგებული?

“ექსპერიმენტორიუმს” არ აქვს ასაკობრივი შეზღუდვა. სამეცნიერო მუზეუმში სტუმრობა შეუძლია ნებისმიერი ასაკის ადამიანს. ზოგადად, მუზეუმში რაც უფრო ადრეული ასაკიდან დავიწყებთ სტუმრობას, მით უკეთესია ბავშვისთვის.
თუმცა, ეს არ ნიშნავს იმას, რომ 3 და 4 წლის ბავშვებისთვის შეიძლება, სრულებით გასაგები იყოს, რაც სამეცნიერო მუზეუმში ხდება. შედარებით უმცროსი ასაკის ვიზიტორებისთვის სამეცნიერო მუზეუმი სათამაშო ველს წარმოადგენს, სადაც მარტივად და საინტერესოდ მიწოდებული მოვლენებით აღფრთოვანდებიან, რაც მომავალში დარგით დაინტერესებას იწვევს.
“ექსპერიმენტორიუმში” სტუმრობა საინტერესოა ყველა ასაკის ადამიანისთვის. გარდა სასკოლო ჯგუფების საგანმანათლებლო პროგრამებისა, მუზეუმში მოსული ოჯახებისთვის/მეგობრებისთვის მუზეუმის ინტერაქტიული საგამოფენო სივრცე და აქტივობები უფრო მეტად დაახლოებისა და აღმოჩენების გაკეთების საშუალებას იძლევა.

ბევრია დაინტერესებული თქვენი მომსახურებით?

საბედნიეროდ, სამეცნიერო მუზეუმით დაინტერესება ქართულ საზოგადოებაში საკმაოდ მაღალია. თუმცა, ბოლო ორი წლის განმავლობაში, ყველასთვის კარგად ცნობილი მიზეზით (COVID-19), ისევე – როგორც სხვა ბევრ მუზეუმში, “ექსპერიმენტორიუმში” ვიზიტორების რაოდენობამ იკლო. მიუხედავად იმისა, რომ მუზეუმი ყველაზე ნაკლებად წარმოადგენს ვირუსის გადაცემისთვის საფრთხის შემცველ ადგილს, საზოგადოებაში მაინც არსებობს შიშის ფაქტორი, რაც სრულებით გასაგებია და რაც, ბუნებრივია, მუზეუმში ვიზიტორების რაოდენობის კლებას იწვევს. თუმცა, ეს დროებითი და პანდემიის სტატისტიკური მონაცემების პარალელურად ცვალებადია.

მასალა მოამზადა : მარიამ ტიელიძემ

The post “ექსპერიმენტორიუმი” – ყველაზე უჩვეულო მუზეუმი თბილისში appeared first on TTimes.GE.

„თბილისი თაიმსს“ დეტალებზე რუსუდან ქაქუთია ესაუბრა. როგორც ის ამბობს, იდეა მის მეგობარს ეკუთვნის.

„მე მაქვს რამდენიმე ბრენდი. ერთერთი არის „ჩემია“ და მე გავაკეთე სამაჯურები. მათ დავურთეთ აღნიშნული იდეა და გამოვიდა QR სამაჯურები. ამ სიახლეს საკმაოდ კარგი გამოხმაურება მოჰყვა.

როგორც კი სოციალურ ქსელში გავავრცელეთ შესაბამისი პოსტი, მაშინვე ძალაინ ბევრი ადამიანი დაინტერესდა. მოგვდიოდა შეტყობინენები, შეკვეთები. უკვე იმაზეც კი ვფიქრობთ, რომ საიტი გავაკეთოთ“, – აღნიშნავს რესპონდენტი.

როგორც რუსუდანი ამბობს, შესაძლოა, სამაჯურებს კიდევ დაემატოს QR კოდით სხვა პროდუქცია

„ზოგადად, “აბარა” არის ბრენდი, რომელიც აწარმოებს ტანსაცმელს, აქსესუარებს. მას აქვს საშუალება, შექმნას რაიმე ახალი პროდუქტი. ჯერჯერობით, ჩვენ შევჩერდით სამაჯურებზე, შესაძლოა, QR კოდით კიდევ სხვა პროდუქცია დავამატოთ – იქნება ეს გულსაბნევი თუ ბრელოკი. ახლა ჩვენი მიზანია, რომ ეს პროცესი იყოს კომფორტული როგორც ჩვენთვის, ისე – მომხმარებლისთვის, რათა მან შეკვეთა სწრაფად მიიღოს.

ბევრია ისეთი, ვინც საკუთარი თავისთვის ყიდულობს. თუმცა, არიან ისეთებიც, რომლებიც საკუთარი მშობლებისთვის ან ბებია-ბაბუებისთვის გვიკვეთენ, რათა მათ ბეჭდური ვერსია სახლში არ დარჩეთ. ეს მათთვის ხშირი პრობლემაა“, – ამბობს რუსუდან ქაქუთია „თბილისი თაიმსთან“ საუბრისას.

მასალა მოამზადა : მარიამ ტიელიძემ

The post სამაჯური შენი პერსონალური კოვიდ პასპორტის QR კოდით – სიახლე ქართულ ბაზარზე appeared first on TTimes.GE.

კაკაბაძე თვითნასწავლი მხატვარია. მისი ნანუშევრები სხვათაგან ფილოსოფიური ხედვით გამოირჩევა. ვაჟა კაკაბაძე „თბილისი თაიმსს“ უამბობს, მისი რა ნამუშევრები იქნება წარმოდგენილი გამოფენაზე

„მე ხაზს ჩემს რამდენიმე ნამუშევარს გავუსვამ. ერთერთია “დროის განზომილება“. ამ ნახატის არსი აინშტაინის გამოკვლევიდან წარმოიქმნა. როგორც ცნობილია, აინშტაინი მიიჩნევს, რომ დრო არის ნულის ტოლი. მეც ვეთანხმები მას. დრო არის შემოღებული ადამიანების მიერ, რათა მოხდეს გარკვეული პროცესების აღნუსხვა. როდესაც მე ამ შთაბეჭდილებების ქვეშ მოვექეცი, დავხატე ეს ნახატი. ეს გახლავთ საათი, რომელსაც არ აქვს ციფერბლატი. მე აქ მინდოდა, განსხვავებულობა დამეჭირა ჩემსა და სალვადორ დალის შორის. რასაკვირველია, დალი გენიოსია, ფილოსოფოსია, არამხოლოდ მხატვარი. მეც მაქვს ბევრი ნაშრომი პარალელური სამყაროების შესახებ. განსხვავება არის ის, რომ სალვადორ დალის აქვს დახატული რბილი საათები, რომლებსაც აქვს ციფერბლატები, მე ისინი საერთოდ არ დავხატე.

ამით მე გამოვიწვიე როგორც დალი, ისე – აინშტაინი. ვფიქრობ, ამის უფლება ყველას აქვს – ვინც ხატავს და ვინც ფილოსოფიაშია.

მეორე ნახატს რაც შეეხება – მას ჰქვია “მე და სამყარო”. ცენტრში მე გამოხატული მაქვს ავტოპორტრეტი, რომლის ირგვლივაც ფიგურები ავსახე, სადაც ახსნილი მაქვს ყველა ის პროცესი, რომელიც მიმდინარეობს ჩვენ გარშემო. დახატული მყავს ძაღლი, მტრედი, წერო, დელფინი. თითოეული მათგანი სიმბოლური დატვირთვისაა. გარდა ამისა, მე მაქვს გამოხატული სხვადასხვა ფიგურა, ასევე, ზღვა – სადაც ჩემს აფხაზეთს მივესალმები.

მაქვს ასეთი ნახატი – “მთვარის სონატა”. შუაში დავხატე ჩემი მეუღლის პორტრეტი, ირგვლივ კი ფერები გავანაწილე და ვიოლინოს გასაღები. ეს ყველაფერი დახატულია დინამიკაში, რომ დამთვალიერებლისთვის იყოს საინტერესო.

მაქვს დახატული პეიზაჟები – შევეცადე, რომ ყველა კუთხე გამომესახა, მათ შორის, ქართლის პეიზაჟისთვის რა არის დამახასიათებელი, კახეთის და ა.შ. დახატული მაქვს ტაო-კლარჯეთი. დახატული მაქვს კიბე, რომლის დასაწყისშიც ზის ჩაფიქრებული მამაკაცი და რომელიც ადის ცაში. მოჩანს ანგელოზი, ამით მსურს, ვაჩვენო, რომ მიწიერი და ზეციური სამყარო ერთიანია. დახატული მაქვს ოჯახის წევრების პორტრეტები. შევეცადე, მათი ხასიათები დამეჭირა და გადმომეცა.

მინდა, აღვნიშნო, რომ მე მოყვარული მხატვარი ვარ. გადაწყვეტილება, რომ მე გამოფენა მომეწყო, თვითონ მხატვრების დამსახურებაა. არის ასეთი – მხატვართა ლიგა, რომლის დირექტორია ნუგზარ მელაძე. სწორედ მან შემომთავაზა გამოფენის მოწყობა. ეს მხატვრები დაინტერესდნენ ჩემი ნახატებით და, ასე ვთქვათ, წამაქეზეს, მომეწყო გამოფენა. მათ მიიჩნიეს, რომ ჩემი ნამუშევრები საინტერესოა. ეს ჩემი პირველი გამოფენაა.

მე სულ ვცდილობ, შემოვიკრიბო ხალხი. რაღაცნაირად, დავანახო მათ, რომ ხელოვნება უფრო ძლიერია, ვიდრე – ნებისმიერი პანდემია. შეგვიძლია, ხელოვნებით, მუსიკის სიყვარულით, მხატვრობის სიყვარულით ვაჯობოთ ნებისმიერ სნეულებას.

მასალა მოამზადა : მარიამ ტიელიძემ

The post „შეგვიძლია, ხელოვნებით ვაჯობოთ ნებისმიერ სნეულებას“ – ვაჟა კაკაბაძის ნახატების გამოფენა გაიმართება appeared first on TTimes.GE.

ძირითადად, ის ქუთაისში ცხოვრობს. თუმცა, ლეჩხუმში აქვს სოფელი. მუშაობს ავტოდაზღვევის აგენტად სადაზღვევო კომპანიაში. ასევე, რვა წელია, რაც ტუროპერატორია. გარდა ამისა, 15 წელია, იაპონელებთან არის ავტოიმპორტში.

ლექსო გვიამბობს, როგორ დაიწყო ისტორია, რის შემდეგაც ის, დღემდე, ლეჩხუმში არსებულ, მიტოვებულ სახლებს ახალ სიცოცხლეს სძენს.

“ეს კამპანია – სოფლებში ხალხის დასახლება, დავიწყე სამი წლის წინ. იდეა ასე გაჩნდა – ქუთაისთან ახლოს, სათაფლიასთან მაქვს პატარა ნაკვეთი და ვაშენებ კოტეჯს. აქვე, ვეწევი მეურნეობას. დეკორისთვის მინდოდა, რომ სახლში ლეჩხუმური ბეღელი დამედგა. სამ წელზე მეტი ხნის წინ, წავედი ამის საძებნად. დავდიოდი სოფლებში. ერთხელაც, როდესაც იქაურ გლეხს ვესაუბრებოდი, ხის მიტოვებული სახლი, ჩემ თვალწინ, მიწასთან გასწორდა. იქ დავსვი შეკითხვა, თუ რატომ არ გაყიდა პატრონმა. მოკლედ, როდესაც იქედან გამოვდიოდი, მითხრეს, რომ სოფლის თავში ერთი ადამიანია, რომელიც ყიდის სახლს. იმ დროს მე სოციალურ ქსელებს არ ვიყენებდი, “ლაივის” ჩართვაც არ ვიცოდი. უბრალოდ, მობილურით რამდენიმე ფოტო გადავიღე, დავუკავშირდი პატრონს და ვუთხარი, რომ ამ ფოტოებს გავავრცელებდი. ისიც დამთანხმდა.

დავბრუნდი, გავაკეთე “ფეისბუქგვერდი” და დავდე ეს ფოტოები. ეს ყველაფერი გადამავიწყდა, სამი დღის შემდგომ შევედი და ასობით, ათასობით კომენტარი და გაზიარება ჰქონდა. ყიდვის ბევრი მსურველი გამოჩნდა”, – გვიყვება ლექსო.

როგორც ის აღნიშნავს, ამის შემდგომ, საკუთარ სოფელში სამუშაოდ კიდევ წავიდა. შეიარა სხვა სოფლებშიც, რათა გაეკითხა, მოეძებნა სახლები და მათი პატრონები. კვლავ გადაიღო ფოტოები და გაავრცელა. აღმოჩნდა, რომ ეს სახლიც მალევე გაიყიდა. ფოტოებზე მეპატრონის საკონტაქტო ინფორმაციას უთითებდა.

“ამ კამპანიაში მე არანაირი ფინანსური ინტერესი არ მქონია. მივიღე გადაწყვეტილება, რადგან ლეჩხუმში ბევრი მიტოვებული სახლია, როდესაც დრო და საშუალება მექნებოდა, მომეძებნა ეს სახლები და მათ შესახებ გამევრცელებინა ინფორმაცია. თან, ჩემს სოფელში საქმესაც გავაკეთებდი.

დღესდღეობით, 89 ოჯახია “გამთბარი, და არა გაყიდული. მე გაყიდვას “გათბობას” ვეძახი. სხვათა შორის, უკვე ბოლო ორი წელია, განსაკუთრებით ახალგაზრდები აქტიურობენ. ბოლოს, ერთი კვირის წინ, თბილისიდან ლეჩხუმში სამუდამოდ დასახლდნენ 22 წლის გოგონა და 27 წლის ბიჭი. ჩემს სოფელში, ჩემი სახლის ირგვლივ ოთხი ოჯახი დასახლდა. არის სოფლები, სადაც ახალი მოსახლე 2-3 ოჯახია უკვე. ლეჩხუმში გვაქვს 54 სოფელი და მგონი, თითო სოფელში დასახლებულია თითო ოჯახი მაინც”, – უამბობს ლექსო ჩარკვიანი “თბილისი თაიმსის” მკითხველს.

მასალა მოამზადა : მარიამ ტიელიძემ

The post მიტოვებული, ძველი სახლების ახალი სიცოცხლე ლეჩხუმში – ლექსო ჩარკვიანის ამბავი appeared first on TTimes.GE.

ამ ეტაპზე, მათ ჰყავთ 100 ოჯახამდე ფუტკარი, აწარმოებენ 3 ტონამდე თაფლს, ფუტკრის რძეს, ყვავილის მტვერს, პროპოლისს…

“თბილისი თაიმსს” და-ძმა დეტალებზე თავად ესაუბრა.

ჩვენ ვართ და-ძმა ლეჩხუმიდან, მე და ჩემი ძმა უნივერსიტეტის დასრულების შემდეგ დავბრუნდით მშობლიურ კუთხეში, ლეჩხუმში. ჩემი ძმა პროფესიით სურსათის ტექნოლოგია, მე მასწავლებელი ვარ და ჩვენს მაღალმთიან სოფელში დაწყებით კლასებს ვასწავლი.

როგორ იქცა თაფლის წარმოება თქვენს საქმიანობად?

მეფუტკრეობა ოჯახის ტრადიცია იყო და ჩვენც პატარაობიდანვე ვყავდით ბაბუს ჩართულები ფუტკართან მუშაობაში. ეს მშრომელი მწერი პატარაობიდანვე შევიყვარეთ, ყოველთვის გვსურდა ჩვენი მეფუტკრეობის განვითარება.

2020 წელს Social Impact Award -ის პროექტში ჩავერთეთ, სადაც გავიმარჯვეთ და მივიღეთ დაფინანსება UNDP-საგან. ამ პროეტმა ძალიან დიდი ცოდნა და გამოცდილება მოგვცა. გვყავდა პირადი მენტორი, რომელიც გვეხმარებოდა ჩვენი იდეის სწორად წარმართავში, ეს იყო ძალიან დიდი სტიმული და მოტივაცია ჩვენთვის.

ამჟამად, ვაშენებთ თაფლის გადამამუშავებელ საწარმოს, რომელიც იმუშავებს მზის პანელებით. მზის პანელებით სარგებლობა ჩვენთვის ქმნის შესაძლებლობას, ავითვისოთ ენერგიის ამოუწურავი რესურსი, გარდავქმნათ ის ელექტროენერგიად, დამატებით კი, ეკოლოგიაზეც ვიზრუნოთ.

რით არის თქვენი თაფლი გამორჩეული?

გვინდოდა, ჩვენი პროდუქცია განსხვავებული ყოფილიყო, ამიტომ, შეფუთვას ვახდენთ ხელით ნაქარგი ნამუშევრებით და უკვე თითქმის ევროპის ყველა ქვეყანაში გავაგზავნეთ სასაჩუქრედ.

ამავდროულად, ბავშვებს ვაყვარებთ და ვასწავლით მეფუტკრეობას, ვგეგმავთ სხვადასხვა პროექტს და ვმასპინძლობთ სკოლის მოსწავლეებს. ჩვენი საწარმო იქნება ცოდნის გამავრცელებელი, მოეწყობა გამოფენები, ტრენინგები…

გარდა ამისა, ჩვენ თაფლს ვაწარმოებთ მაღალმთიან რეგიონში, სადაც პესტიციდებით არ იწამლება ხეხილი, ვიყენებთ ბიოპრეპარატებს და სამომავლოდ ვგეგმავთ ბიომეურნეობაზე გადასვლას, რომელიც დიდ ხარჯებთან არის დაკავშირებული.

თაფლი მთელი საქართველოსთვის არის ხელმისაწვდომი?

ამჟამად, ჩვენი პროდუქცია სავაჭრო ქსელებში არ გვაქვს შეტანილი, გვაქვს მოლაპარაკებები სხვადასხვა სავაჭრო ქსელთან და სამომავლოდ ვგეგმავთ შეტანას. ამ ეტაპზე, ჩვენ ვაგზავნით ჩვენს თაფლს ქუთაისში, თბილისში, ბათუმში, კახეთში, სამარშუტო ავტობუსებით ვახდენთ მიწოდებას .

ჩვენ არ ვაპირებთ გაჩერებას, ვვითარდებით ყოველთვის და სამომავლოდ დიდი გეგმები გვაქვს მეფუტკრეობასთან დაკავშირებით – ჩვენი სოფლის, ჩვენი ლეჩხუმის განვითარებისათვის.

მასალა მოამზადა : მარიამ ტიელიძემ

The post ახალგაზრდა და-ძმის დაბრუნება მშობლიურ ლეჩხუმში და მეფუტკრეობის ოჯახური ტრადიცია appeared first on TTimes.GE.

„ლილიტი“ სწორედ ასეთ აქსესუარებს ქმნის – ისეთს, რომელიც ჩვენთვის ძალიან პირადულია და თავად ადამიანს ასახავს. დეტალებზე „თბილისი თაიმსს“ მისი დამფუძნებელი, ნინიკო თორაძე ესაუბრა.

„ლილიტი“ არის ბრენდი, რომლის მთავარი მიზანია, აქსესუარებით გოგონებს შთავაგონოთ თავდაჯერებულობა, საკუთარი თავის სიყვარული და შევახსენოთ, რომ ყველაფრის მიღწევა შეუძლიათ, რასაც მოინდომებენ და მიზნად დაისახავენ. 

ამჟამად, ძირითადად, ვამზადებთ ხის ფერად გულსაბნევებს, რომლის მთავარი გმირები არიან ძლიერი, საინტერესო, უნიკალური გოგონები წიგნებიდან, ფილმებიდან, სერიალებიდან…“

რა წარმოადგენს „ლილიტის“ მთავარ მიზანს?

„ლილიტის“ სლოგანი, რომელიც შეფუთვაზეცაა გამოსახული, არის – „იყავი საკუთარი თავის გმირი“. ამის მთავარი მიზეზეზი არის ის, რომ, ჩემი აზრით, არ უნდა დაველოდოთ სხვებს, როდის „გადაგვარჩენენ“. ჩვენვე უნდა გადავდგათ პირველი ნაბიჯები ჩვენი მიზნების განხორციელებისაკენ, შემდეგ კი მჯერა, ყველაფერი გამოვა. ჩვენს აქსესუარებს ასევე თან ვაყოლებთ ფერად კონვერტებს წერილით ან ბარათებს, სადაც ვუწერთ პატარა პოზიტიურ და სამოტივაციო მესიჯს. 

როდის გადადგით, ამ მხრივ, პირველი ნაბიჯები?

2017 წელს, ჩემი 20 წლის იუბილის წინა დღეს ვფიქრობდი, რისი მიღწევა მინდოდა ცხოვრებაში. მივხვდი, რომ მინდოდა, დამეწყო ჩემი ბიზნესი. მსურდა ლამაზ, ესთეტიკურ პროდუქციის შექმნასთან ერთად პოზიტიური გავლენა ჰქონოდა პროდუქციას ჩემნაირ ამბიციურ გოგონებზე, რომლებსაც დროდადრო სჭირდებათ შეხსენება, რომ ისინი არიან საკუთარი თავის გმირები და შეგვიძლია სტერეოტიპების დამსხვრევა.

დაახლოებით, ერთი წელი დამჭირდა იმისთვის, რომ სახელი შემერჩია, ლოგო მომეფიქრებინა, პირველი პროდუქცია  განმეთავსებინა სოციალურ ქსელში. მას მერე სხვადასხვა ადგილობრივ და საერთაშორისო პროექტში მივიღე მონაწილეობა. ეს პროექტები ძალიან დამეხმარა, დამეხვეწა იდეაც და პროდუქციაც. 

თუ გეგმავთ, პროდუქცია კიდევ უფრო მრავალფეროვანი გახადოთ?

რამდენიმე თვის წინ ბიზნეს გრანტი ავიღე და საშუალება მაქვს, გავამრავალფეროვნო პროდუქცია. ახალი აპარატურის გამოყენება ისეთი ადვილი არ აღმოჩნდა, როგორიც მეგონა, თუმცა, თანდათან ვსწავლობ გამოყენებას და დაახლოებით ერთ თვეში დავამატებთ ჩანთებს, მაისურებს, ტელეფონის ქეისებს…

ძალიან ბევრი სამომავლო გეგმა მაქვს. პირველ ყოვლისა, მინდა, უფრო მეტ ადამიანს გავაცნოთ „ლილიტი“ როგორც საქართველოში, ისე ჩვენს საზღვრებს გარეთ. ვფიქრობ, საერთაშორისო ბაზარზეც შეიძლება, საინტერესო იყოს ჩვენი აქსესუარები და ბრენდის კონცეფცია. 

სამუშაო ნამდვილად ბევრია და ნელ-ნელა ვცდილობ, წინ წავიდე. განვითარებში ძალიან ბევრი ადამიანი მეხმარება, დაწყებული ოჯახის წევრებით, დამთავრებული კმაყოფილი მომხმარებლებით, რომლებიც ძალიან დიდ მოტივაციას მაძლევენ, რომ არ გავჩერდე. ყველასი ძალიან მადლიერი ვარ.

თქვენი ნამუშევრების შეძენა სად არის შესაძლებელი?

ამჟამად, ჩვენი პროდუქციის ნახვა რამდენიმე მაღაზიაშიც შეგიძლიათ: ახალი აღმაშენებლის N14ში მაღაზია “არტ-სიმფონიაში”; ექვთიმე თაყაიშვილის N1ში (თსუს მეორე კორპუსის პირდაპირ) მაღაზია “იდეაში”; თამარ ჭოველიძის N3-ში (სასტუმრო რუმსის მიმდებარედ) მაღაზია “სამალავში”; ანა პოლიტკოვსკაიას N3-ში ყვავილების მაღაზია “ანემონეში”

ასევე,  პროდუქციის დათალიერება და შეძენა შეგიძლიათ სოციალურ ქსელებში.

მასალა მოამზადა : მარიამ ტიელიძემ

The post „იყავი საკუთარი თავის გმირი“ – ბრენდი, რომლის მიზანიც ადამიანების მოტივირებაა appeared first on TTimes.GE.

რა იყო თქვენი პირველი პრაქტიკული ნაბიჯები?

აღნიშნულ ადგილზე (დეკორატიული მებაღეობის კოლეჯში), როგორც წარჩინებულმა სტუდენტმა, დავიწყე პრაქტიკული და თეორიული ტრენინგების ჩატარება. ამ დროის განმავლობაში, ვეწეოდი საკუთარი საფუტკრის განვითარებას, ვეცნობოდი სხვადასხვა უცხოურ კვლევას, ევროპულ მიდგომებს პრაქტიკულ მეფუტკრეობაში და ვცდილობდი, რაც შეიძლება მეტი სიახლე დამენერგა საკუთარ საფუტკრეში. გარკვეული პერიოდის შემდეგ, სხვადასხვა მიზეზიდან გამომდინარე, კურსები გაუქმდა,  გადაწყვიტე, საკუთარ საფუტკრეში თავად მომეწყო მეფუტკრეობის შესწავლით დაინტრესებული პირებისთვის მოკლევადიანი კურსი. მივიღე გადაწყვეტილება, სწავლა გამეგრძელებინა და ჩავაბარე სსიპ ილია წინამძღვრიშვილის სახელობის კოლეჯში მეფუტკრეობის პროგრამაზე.

2019 წელს დავწერე პროექტი და მივიღე დაფინანსება ავსტრიის განვითარების ფონდისგან.  პროექტის ფარგლებში, მოვაწყე ინოვაციური აგროტურისტული ობიექტი ,,აპისახლი” – ხის კოტეჯი, სადაც ხდება ფუტკრების ჰაერით სუნთქვითი პროცედურა, სადემონსტრაციო საფუტკრე, რომელიც აღჭურვილია სხვადასხვა საინტერესო სკის ტიპებით და მეფუტკრეობით დაინტერესებულ პირებს სთავაზობს კომფორტულ გარემოს ცოდნის მისაღებად.

ზოგადად, რას გულისხმობს თქვენი საქმიანობა?

ობიექტი ,,აპისახლი”- რომელიც მდებარეობს თბილისთან ახლოს, სოფ. სართიჭალაში, წარმოადგენს აგროტურისტულ ობიექტს, სადაც ნებისმიერ დაინტერესებულ ვიზიტორს შეუძლია, ჩაერთოს აგროტურებში მეფუტკრეობის განხრით, გაეცნოს ფუტკრების საინტერესო ცხოვრებას, მიიღოს მონაწილეობა საფუტკრის სამუშაოებში, დაწუროს თაფლი და დააგემოვნოს ფუტკრის პროდუქტები. ობიექტზე შესაძლებელია თაფლის, ყვავილის მტვრისა და ფუტკრის პროდუქტებისგან დამზადებული ხელნაკეთი საპნების შეძენა.

ხის ეკო კოტეჯში (აპისახლში), განთავსებულია ბადიანი სკა, საიდანაც ხდება ფუტკრების ჰაერით სუნთქვითი პროცედურა, რაც ძალიან სასარგებლოა ადამიანის ჯანმრთელობისთვის, იმუნიტეტის ასამაღლებლად, სასუნთქი სისტემის დაავადების მქონე ადამიანებისთვის. სკაში თავმოყრილია ფუტკრის ყველა პროდუქტი, რომელთა ერთობლიობაც სპეციფიკურ ,,არომატს” წარმოქნის. ტელევიზორის ყურება შესაძლოა, ჩავანაცვლოთ ფუტკრების ყურებით, რადგან მათი ცხოვრება გამორჩეულია სხვადასხვა საინტერესო ქცევით.

შესაბამისი ინვენტარით აღჭურვილი სადემონსტრაციო საფუტკრე კი განკუთვნილია მეფუტკრეობის შესწავლით დაინტერესებული მსურველებისთვის, მათ შეუძლიათ მიიღონ ინფორმაცია თანამედროვე მიდგომებზე და რეგულაციების შესაბამისი პროდუქცის წარმოებაზე, რაც ხელს შეუწყობს საკუთარი საფუტკრის მენეჯმენტში და სუფთა პროდუქციის წარმოებაში.

სამიზნე ჯგუფს ვინ წარმოადგენს?

„აპისახლში“ ვიზიტი ნებისმიერ მსურველს შეუძლია (უცხოელი / ადგილობრივი), ვინც მეფუტკრეობით და სოფლის მეურნეობით არის დაინტერესებული, ან უბრალოდ ქალაქური ცხოვრებისგან დასვენება სურს და  ბენებრივ გარემოს ეძებს.

„აპისახლში“ ვიზიტი სკოლის მოსწავლეებსაც შეუძლიათ, ბავშვების ჩართულობა სოფლის მეურნეობაში მეტად მნიშვნელოვანია. მათ შეუძლიათ, მეტი ინფორმაცია მიიღონ ფუტკრების ცხოვრებასა და მნიშვნელობაზე ეკოსისტემისთვის, გარემოს დაცვასა და სოფლის მეურნეობაზე.

„აპისახლი“ დამწყებ მეფუტკრეებს სთავაზობს ადგილზე მისვლით, საფუტკრის რევიზიის სერვისს, რაც გულისხმობს საფუტკრეში ჩასატარებელს სხვასასხვა სეზონურ სამუშაოს, დაავადებების მენეჯმენტსა და მკურნალობას, თაფლის დაწურვას და აშ.

მასალა მოამზადა : მარიამ ტიელიძემ

The post ფუტკრის ჰაერით თერაპია – რას გვთავაზობს „აპისახლი“ appeared first on TTimes.GE.

„პირველ ყოვლისა, ის, რომ სოციალურად დაუცველთა რაოდენობა გაიზარდა, გამოწვეულია ეკონომიკური კრიზისით, ეკონომიკური ვარდნით. ხშირად, როდესაც რიცხვებს ვასახელებთ, შესაძლოა, ადამიანები პირდაპირ ვერ აღიქვამენ, 6.2 %-იანი ეკონომიკური ვარდნის უკან რა დგას – ეს არის უმუშევრად დარჩენილი ათიათასობით ადამიანი, შემოსავალშემცირებული მოქალაქეები და, მათ შორის, სოციალურად დაუცველები – ადამიანები, რომლებიც მანამდე ახერხებდნენ, ეცხოვრათ სოციალური დახმარების გარეშე, მაგრამ ახლა უკვე მას იღებენ, რადგან ქვეყანაში არის ეკონომიკური ვარდნა“, – აღნიშნავს კეპულაძე.

როგორც ის განმარტავს, შესაძლოა, აღნიშნულის მიზეზი წინასაარჩევნო მოცემულობებს უკავშირდებოდეს, რაც ნაკლებსავარაუდოა.

„შესაძლოა, ეს უკავშირდებოდეს წინასაარჩევნოდხელოვნურად გაზრდილ სიებს, რადგან, როგორც წესი, სოციალური დახმარების მიმღებები სამთავრობო ძალისთვის, „ქართული ოცნებისთვის“ საინტერესო ელექტორატია. თუმცა, ეს მიზეზი ნაკლებად. მთავარი მიზეზი, რა თქმა უნდა, არის ეკონომიკური კრიზისი, მაღალი ინფლაცია და უმუშევრობა“, – განმარტავს გიორგი კეპულაძე „თბილისი თაიმსთან“ საუბრისას.

მასალა მოამზადა : მარიამ ტიელიძემ 

The post სოციალური დახმარების მიმღებთა რაოდენობა რეკორდულად გაიზარდა – რა გახდა ამის მიზეზი appeared first on TTimes.GE.

საინტერესოა, რომ ჩვენთან არასდროს ჩატარებულასაწებლების კვლევა. თუმცა, შესაბამისი პროექტიუკვე არსებობს და ძალიან საინტერესოდმიმდინარეობს – აღმოჩენების კვალდაკვალ.

აღნიშნული პროექტის ხელმძღვანელი ქეთიკვიჭიძეა. კვლევა ეთნოგრაფიულია და ის  კეთდებაეთნოგრაფ ნოდარ შოშიტაშვილთან ერთად. მონაცემები რეგიონების მიხედვით აღიწერება. ასევე, საინტერესოა, რომ მოხდება ფოტო–ვიდეოარქივაცია, ფოტოგრაფ პაატა ვარდანაშვილთანერთად.

“თბილისი თაიმსის” შეკითხვებს ქეთი კვიჭიძე პასუხობს.

“ამ ეტაპზე, ვიკვლევთ საწებლებს. უკვევიყავით იმერეთში, სამეგრელოში, გურიაში, აჭარის  ნაწილსა და სამცხე–ჯავახეთში. უახლოეს მომავალში ვგეგმავთ რაჭა–ლეჩხუმში, კახეთსა და ქართლში წასვლას. ვიკვლევთ საწებლების სტრუქტურას, რეცეპტურას, ტექნიკას, სახელწოდებებს და ა.შ.”

ამ შემთხვევაში, რა წარმოადგენს თქვენს მიზანს?

ერთერთი კომპანიის დაკვეთაა ეს ყველაფერი. აპირებენ, რომ ბაზარზე სხვადასხვა საწებლითშემოვიდნენ. მათი დაკვეთაა, რომ გაკეთდესძირეეული კვლევა, რათა ყველაფერი სწორადდაიგეეგმოს.

საქართველოში მსგავსი კვლევა არასდროსჩატარებულა. ეს არის პირველი შემთხვევა, რაცქვეყნისთვისაც მნიშვნელოვანი იქნება  და, რა თქმაუნდა, ამ კომპანიისთვისაც.

ამ დრომდე ჩატარებული კვლევიდანგამომდინარე, რა შედეგზე არის შესაძლებელისაუბარი?

ბევრი საინტერესო პროდუქტი აღმოვაჩინეთ. აღმოჩნდა, რომ, გარდა ტყემლისა, საწებელი ბევრისხვადასხვა პროდუქტისგანაც მზადდება. შესაბამისად, ამ მხრივ ძალიან საინტერესოპროცესია.

The post საქართველოში პირველად, საწებლებს რეგიონების მიხედვით გამოიკვლევენ appeared first on TTimes.GE.