აშშ-ს პრეზიდენტმა დონალდ ტრამპმა 13 ივნისს, ირანზე ისრაელის იერიშების პირველი ტალღის შემდეგ Fox News-თან საუბრისას თქვა, რომ “საჭიროების შემთხვევაში” აშშ ისრაელს თავდაცვაში დაეხმარება. პარალელურად, მედიაში ვრცელდებოდა ცნობები, რომ ამერიკული ძალები ისრაელს ირანის მიერ საპასუხოდ გაგზავნილი დრონების ჩამოგდებაში ეხმარებოდნენ.

საფრანგეთის პრეზიდენტმა ემანუელ მაკრონმა 13 ივნისს ასევე განაცხადა, რომ მისი ქვეყანა ისრაელს ირანის თავდასხმებისგან დაცვაში დაეხმარებოდა.

გაერთიანებული სამეფოს მთავრობამ 13 ივნისს განაცხადა, რომ მის შეიარაღებულ ძალებს ისრაელისთვის რაიმე სახის სამხედრო დახმარება არ გაუწევიათ. ბრიტანეთის პრემიერმინისტრმა კირ სტარმერმა დეესკალაციის საჭიროებას გაუსვა ხაზი.

ამასთან, The Times-ის ინფორმაციით, გაერთიანებულმა სამეფომ ისრაელის თავდაპირველი იერიშების გეგმის შესახებ წინასწარ არ იცოდა.

ცნობისთვის, ისრაელმა 13 ივნისის გამთენიისას ირანის წინააღმდეგ, ბირთვული და ბალისტიკური საფრთხეების გასანეიტრალებლად, მასშტაბური სამხედრო ოპერაცია, კოდური სახელით “აღმავალი ლომი” წამოიწყო. ოპერაციაში 200-ზე მეტი ავიაგამანადგურებელი მონაწილეობდა, რომლებმაც დაახლოებით 330 ბომბით 100 სამხედრო სამიზნეზე ხუთ ეტაპად მიიტანეს იერიშები. ისრაელმა დაარტყა ირანის ბირთვული პროგრამის ისეთ საკვანძო ობიექტებს, როგორებიცაა ნათანზის, ისპაანისა და ფორდოს ბირთვული კომპლექსები.

იერიშების შედეგად მნიშვნელოვნად დაზიანებულია ირანის სამხედრო ინფრასტრუქტურაც. ირანელი მაღალჩინოსნების ინფორმაციით, თეირანის გარშემო დაბომბილია, სულ მცირე, 6 სამხედრო ბაზა.

“აღმავალი ლომის” სამიზნეები გახდნენ ირანის სამხედრო გენერლები, მეთაურები თუ ისლამური რევოლუციის გუშაგთა კორპუსის (IRGC) მაღალჩინოსნები. ოპერაციის შედეგად განეიტრალებულთა შორის არიან IRGC-ს მეთაური ჰოსეინ სალამი და საჰაერო-კოსმოსური ძალების ხელმძღვანელი ამირ ალი ჰაჯიზადე. მოკლულია რამდენიმე მეცნიერიც, რომელიც ირანის ბირთვულ პროგრამაზე მუშაობდა.

ირანმა საპასუხო იერიშის ფარგლებში ისრაელის მიმართულებით 200-ზე მეტი ბალისტიკური რაკეტა და დრონი გაუშვა, რასაც ისრაელში მსხვერპლი მოჰყვა.

The post ირანი აშშ-ს, ბრიტანეთსა და საფრანგეთს ბაზების დაბომბვით ემუქრება, თუ ისრაელს დაიცავენ appeared first on TTimes.GE.

სპექ­ტაკლში მთა­ვარ რო­ლებს ტომ ჰო­ლან­დი და ფრან­ჩეს­კა ამე­ვუ­და-რი­ვერ­სი შე­ას­რუ­ლე­ბენ.

• აღ­სა­ნიშ­ნა­ვია, რომ ფრან­ჩეს­კას­თვის ჯუ­ლი­ე­ტას როლი სა­დე­ბი­უ­ტო იქ­ნე­ბა.

რო­გორც გა­მო­ცე­მა წერს, მას შემ­დეგ რაც გა­მოქ­ვეყ­ნდა ინ­ფორ­მა­ცია, რომ ფრან­ჩეს­კა ჯუ­ლი­ე­ტას როლს შე­ას­რუ­ლებ­და, მის მი­მართ სა­ზო­გა­დო­ე­ბის მხრი­დან რა­სის­ტუ­ლი შე­უ­რა­ცხყო­ფა და დის­კრი­მა­ნა­ცია და­ი­წყო.

პრო­დი­უ­სე­რე­ბი გმო­ბენ რა­სობ­რივ შე­უ­რა­ცხყო­ფას და აცხა­დე­ბენ, რომ უნდა შე­წყდეს სი­ძულ­ვი­ლის შემ­ცვე­ლი კო­მენ­ტა­რე­ბი.

კომ­პა­ნია Jamie Lloyd-მა, რო­მე­ლიც სპექ­ტაკლზე მუ­შა­ობს, გა­მო­აქ­ვეყ­ნა გან­ცხა­დე­ბა, სა­დაც ხაზი გა­უს­ვა ხე­ლო­ვა­ნე­ბის­თვის უსაფრ­თხო გა­რე­მოს შექ­მნის აუ­ცი­ლებ­ლო­ბას და სა­ჭი­რო­ე­ბას, რომ ყვე­ლა ადა­მი­ანს ჰქონ­დეს შე­საძ­ლებ­ლო­ბა, იმუ­შა­ოს შე­ვიწ­რო­ე­ბის გა­რე­შე.

სპექ­ტაკ­ლი 11 მა­ისს გა­მო­ვა და მისი ჩვე­ნე­ბა 3 აგ­ვის­ტომ­დე გაგ­რძელ­დე­ბა.

ფრან­ჩეს­კა ამე­ვუ­და-რი­ვერ­სი ბრი­ტა­ნე­ლი მწე­რა­ლი, კომ­პო­ზი­ტო­რი და მსა­ხი­ო­ბია. მუ­სი­კის გან­ხრით დამ­თავ­რე­ბუ­ლი აქვს ოქსფორ­დის უნი­ვერ­სი­ტე­ტი. და­წე­რი­ლი აქვს სა­უნ­დტრე­კი სხვა­დას­ხვა ფილ­მე­ბის­თვის. მათ შო­რის, 2022 წელს მოკ­ლე­მეტ­რა­ჟი­ა­ნი ფილ­მის­თვის – “მე­დეა”.

The post ახალი “რომეო და ჯულიეტა” ტომ ჰოლანდი და ფრანჩესკა ამევუდა იქნებიან – ჯულიეტას როლის შემსრულებელი რასისტული შეურაცხყოფის ობიექტი გახდა appeared first on TTimes.GE.

ექსპერტები შიშობენ, რომ მალე დედამიწაზე არსებული მწერების 40% შეიძლება საერთოდ გაქრეს, რაც ეკოსისტემას უზარმაზარ ზიანს მიაყენებს.
”ჩვენ მიმოვიხედეთ და …. ჰმ, როგორც ჩანს, გარშემო იმდენი ციცინათელას ვეღარ ვხედავთ, როგორც ეს ადრე იყო, – ამბობს კვლევის ავტორი სარა ლუისი Popular Science-სთან ინტერვიუში. ბევრი მწერი გადაშენების პირასაა, მაგრამ მეცნიერებმა გადაწყვიტეს, სწორედ ციცინათელა გამოეკვლიათ. ”ციცინათელა – არის მწერი, რომლის გარშემოც შეგვიძლია შემოვიკრიბოთ საერთო მხარდაჭერა, ” – აღნიშნავს სარა ლუისი.

გასულ ორშაბათს BioScience- ის ექსპერტებმა გამოაქვეყნეს კვლევა მსოფლიოში 2, 000 სახეობის ციცინათელას შესახებ.ბუნების დაცვის საერთაშორისო კავშირის (IUCN) 350 სპეციალისტის გამოკითხვის შემდეგ დადგინდა, რომ მანათობელი ხოჭოს-ციცინათელას გადაშენების სამი ძირითადი მიზეზი არსებობს: ბინადრობის არეალის შეცირება, ხელოვნური განათება და პესტიციდები.

ციცინათელას შეუძლია საკუთარი სურვილით გაზარდოს ან შეამციროს ნათების ინტენსივობა, “ჩართოს” წყვეტილი შუქი ან სულაც გამორთოს.
ტროპიკულ აფრიკაში ციცინათელების ერთ სახეობას ფანრის მაგივრად იყენებენ. ამისათვის რამდენიმე მანათობელ ციცინათელას მარლის ტომარაში ათავსებენ და ასე ინათებენ გზას.ადგილობრივი გოგონები სილამაზისთვის ციცინათელებს თმაშიც იმაგრებენ.

The post ციცინათელა – მალე ეს მწერი საერთოდ გადაშენდება appeared first on TTimes.GE.

1. სამყარო ცდილობს დებილი დაგტოვოს. საბანკო ოპერაციებით, კრედიტებითა და პროცენტებით დაწყებული, სასწაულმოქმედი დიეტებით და თვითმარქვია დიეტოლოგებით დამთავრებული, ყველა თქვენს მოტყუებას ცდილობს. გაუნათლებელს იოლად ჩაითრევ ყველაზე უნიჭოდ გათვლილ მაქინაციაშიც. სკოლა უნივერსიტეტი კოლეჯი არაფერია, მთავარია თქვენ თვითგანათლებით დაკავდეთ, მიიღოთ ბევრი და უფრო ბევრი ინფორმაცია.
2. არ დაუჯეროთ განათლების სისტემას. სანამ ისინი სასწავლო პროგრამას ამზადებენ, მანამ ახალი სისტემა უკვე დაძველებას ასწრებს. უმჯობესია ხალხის კეთილ განწყობას თუ ლიდერობით მოიპოვებთ და არა დიპლომით.
3. იკითხეთ რაც შეიძლება მეტი. გამოიმუშავეთ სწრაფად კითხვის ტექნიკა და ინფრომაციის აღქმა უფრო გაგიადვილდებათ.
4. ურთიერთობები – რაც შეიძლება მეტი იმოძრავეთ ხალხში, ყველა ადამიანს მოერგეთ. ნუ დაიწყებთ იმაზე ფიქრს, რომ ვიღაცა ცუდია. მისი ცუდის იქით მთავარია კარგი აღმოაჩინოთ.
5. მორიდებულობის გამო დრო არ დაკარგოთ. მორიდებულობა რწმენაა იმის, რომ თქვენი ემოციები შესაძლოა გადაწყვეტილებების მიღებისას ფატალური აღმოჩნდეს , ხოლო ამ დროს სიმართლე ურთიერთსაპირისპიროს გვეუბნება.
6. ვინმესთან ურთიერთობის დროს, თუ რაიმე არასასიამოვნოდ გაოცებთ, ზუსტად ამ არასასიამოვნო ურთიერთობის გაწყვეტის შემდეგ განთავისუფლდებით უსიამოვნო გაოცებებისგან.
7. შეეცადეთ უფროსებთან ხშირი ურთიერთობა დაამყაროთ. უფროსებს გამოვლილი აქვთ ის რასაც თქვენ ახლა გადიხართ, მათ გადაწყვეტილებების მიღება უფრო მარტივად შეუძლიათ. ახალგაზრდებს, უფროსი თაობის მუშაობის პრინციპისგან ბევრის სწავლა და გამოცდილების მიღება შეუძლიათ.
8. თქვენზე „მაგარი ტიპები“ იპოვეთ და რაც შეიძლება მეტი დრო გაატარეთ მათთან. შეეცადეთ მიბაძოთ, მაგალითი აიღოთ და გაუტოლდეთ, გახდეთ უფრო უკეთესი.
9. დროთა განმავლობაში უფრო კონსერვატიული გახდებით. ეს არაა გასაკვირი. აქედან გამომდინარე, გირჩევთ ყველაზე სულელური იდეების განხორციელება ახალგაზრდობაში დაიწყოთ და არ გადადოთ .
10. მაქსიმალურად გააკონტროლეთ ფინანსები. იქნებ დანაზოგით თქვენი სულელური იდეა განახორციელოთ.
11. სოციალური სტატუსის ასამაღლებლად მხოლოდ გამოცდილება გამოიყენეთ. მაგალითად ახალი და ძლიერი ნოუთბუქის ყიდვის მაგივრად წადით სამოგზაუროთ, ისეთ ადგილებში სადაც ახალ გამოცდილებას შეიძენთ. საქმის გაკეთება ძველი ნოუთბუქითაც შეიძლება, ახალი ნოუთბუქი იმ სიამოვნებას და გამოცდილებას არ მოიტანს, რასაც მოგზაურობა.
12. თუ ფინანსურად გიჭირთ შეეცადეთ პრობლემა ეკონომიით მოაგვაროთ. თუ რაიმე შეძენას გადაწყვეტთ გამოიყენეთ ინტერნეტ აუქციონები, მეორადი ნივთების მაღაზიები. სასურველი ნივთის შესაძენად შეეცადეთ მაქსიმალურად დაზოგოთ თანხა. დაელოდეთ სანამ საქმე უკეთ წავა და გექნებათ ფუფუნება დაუფიქრებლად და ფასის შეუმოწმებლად ნივთის ყიდვის.
13. პროექტების დაგეგმარება ერთ – ერთი ყველაზე კარგი საშუალებაა ლოგიკის და წარმოსახვის სავარჯიშოდ.
14. ახალგაზრდობიდან არ დაიწყოთ ჭარბი წონის დაგროვება.
15. ისწავლეთ საჭმლის მომზადება. 1. დაზოგავთ ფულს. 2. საკვები უფრო ჯანმრთელი იქნება, ვიდრე სწრაფი კვების ობიექტებში ნაყიდი ჰამბურგერი.
16. გამოიძინეთ. ხშირად გსმენიათ ალბათ ფრაზები „საფლავშიც გამოვიძინებ“, არავითარ შემთხვევაში! გახსოვდეთ „ ვერ გამოიძინეთ – ე.ი იმ დღეს თქვენ უფუნქციო ხართ“
17. სამუშაო კომპიუტერზე, ლეპტოპზე ან პლანშეტზე დააყენეთ ,,reminder-ები, გააკეთეთ ჩანაწერები და აღარ მოგიწევთ უხერხულ სიტუაციაში მოგხვედრა, როდესაც რამე დაგავიწყდებათ.
18. გაანალიზეთ, რა არის თქვენი მიზანი და ყოველთვის, როცა ხელში საშუალება ჩაგივარდებათ, გადადგით ახალი ნაბიჯი მიზნის განსახორციელებლად.
19. გახდი იმ საქმის სპეციალისტის რასაც აკეთებთ. დახარჯეთ 5 წელი საქმის გასაკეთებლად, მაგრამ არავითარ შემთხვევაში არა აქეთ იქით საბოდიალოდ.
20. ნუ ეცდებით გარშემო ხალხის გამოსწორებას, უკეთესია, ის იპოვოთ, ვინც არაა გაფუჭებული.

The post ჟულიენ სმიტი: ,,გაუნათლებელს იოლად ჩაითრევ ყველაზე უნიჭოდ გათვლილ მაქინაციაშიც” appeared first on TTimes.GE.

მსოფლიო ეკონომიკური ფორუმისა და შვეიცარიის გამოყენებითი მეცნიერების ინსტიტუტის მიერ ჩატარებული ერთობლივი კვლევების თანახმად, შვეიცარიელი ბავშვები მთელს მსოფლიოში ყველაზე ნაკლებ დროს უთმობენ  ტელევიზორებს, სმარტფონებსა და ვიდეო თამაშებს.

კვლევის შედეგების თანახმად, ისინი ვიდეო თამაშებს საშუალოდ, კვირის განმავლობაში მხოლოდ სამ საათს თამაშობენ. ეს მონაცემები შედარებულია დიდ ბრიტანეთში მცხოვრებ არასრულწლოვანებთან, სადაც კვლევების თანახმად, საშუალოდ, კვირის განმავლობაში არასწრულწლოვნები 7 სთ-ს უთმობენ ვიდეო თამაშებს.

საინტერესო შედეგებია სმარტფონების გამოყენების სიხშირის თვალსაზრისით. შვეიცარელი 13 წლამდე ბავშვების 30%-ს არასდროს გამოუყენებია სმარტფონი.13 წლამდე ბავშების უმეტესობა კი გასართობად სხვა ციფრულ საშუალებებზე მეტად პარკებსა და სკვერებში თამაშს  ამჯობინებს.

კვლევაში ცალკე გამოყოფილია მონაცემები,სადაც ასახულია ტელევიზორის ყურების სიხშირე. როგორც ჩანს შვეიცარიელი ბავშვები კვირაში საშუალოდ 5,5 სთ-ს უთმობენ სატელევიზიო გადაცემებისა და თუ ანიმაციური და მხატვრული ფილმების ყურებას. ბრიტანელი არასრულწლოვნები 13,5 სთ-ს უთმობენ ტელევიზორის ყურებას.

აღნიშნულ კვლევაში განხილულია სხვა დამატებითი გარემოებებიც,რომლებიც ტექნოლოგიებისა და არასრულწლოვნების კავშირის არასახარბიელო შედეგებზე გვესაუბრებიან. მაგალითისთვის, ვიდეო თამაშების მომხმარებელ ბავშვებში წონის მომატების მეტი რისკი ჩანს. ესპანელ არასრულწლოვანებთან ჩატარებული მონაცემები კვლევაში ამ თვალსაზრისით, ყველაზე საგანგაშოდ გამოიყურება, ვინაიდან, არასრულწლოვნების 70%-ს საძინებელ ოთახში ტელევიზორი აქვს, რაც 30%-ით ზრდის ამ ბავშვების გასუქების რისკს.

მეცნიერების თქმით, ტექნოლოგიური თუ სატრანსპორტო საშუალებების განვითარების პირობებში არასრულწლოვნებში წონის მომატების უფრო მეტი შანსია. წონის მომატება კი კვლევაში განხილულია,როგორც ვითარება,რომელმაც შესაძლოა სხვა დაავადებები განავითაროს არასრულწლოვნებში.

ამიტომ მეცნიერების  მშობლებს ურჩევენ, რომ ბავშვებს დღეში 2-3 სთ აქტიური თამაშის საშუალება და შესაძლებლობა მისცენ. სხვადასხვა აქტივობებით ისინი ვესტიბულარული და ტაქტილური სისტემების სტიმულაციას მოახდენენ. ისინი ხელს უწყობენ ორმხრივი კოორდინაციისა თუ სხვადასხვა სტიმულების ნორმალურ განვითარებას.

წყარო: weforum.org

The post ბავშვები სმარტფონებისა და ვიდეო თამაშების გარეშე – როგორ ზრდიან შვეიცარიელი მშობლები ბავშვებს? appeared first on TTimes.GE.

“პარიზის ოლიმპიურ თამაშებზე რუსეთის დროშის ადგილი არ არის. რუსეთს, როგორც ქვეყანას, არ აქვს ადგილი იმ დროს, როდესაც ის სამხედრო დანაშაულებს სჩადის უკრაინაში. კითხვა, რომელსაც ოლიმპიურმა სამყარომ უნდა უპასუხოს არის ის, თუ რა ადგილი უნდა დაუთმოს რუს სპორტსმენებს, რომლებიც ზოგჯერ მთელი ცხოვრება ვარჯიშობდნენ შეჯიბრებებისთვის, მაგრამ შესაძლოა ამ რეჟიმის მსხვერპლად იქცნენ”, – განაცხადა მაკრონმა ფრანგულ სპორტულ გაზეთ L’Équipe-თან ინტერვიუში. 

საფრანგეთის პრეზიდენტის თქმით, მნიშვნელოვანია ერთმანეთისგან განასხვაონ სპორტსმენები, რომლებიც რეალურად არიან რუსეთის ხელისუფლების ქმედებების თანამონაწილეები და ისინი, ვინც რეჟიმის მსხვერპლად იქცნენ. ამ თვალსაზრისით, IOC (საერთაშორისო ოლიმპიური კომიტეტი) უნდა მიიღოს გადაწყვეტილება, რომელიც სამართლიანი და გასაგები იქნება უკრაინელებისთვის.

“ეს არის ბალანსი, რომელიც უნდა უზრუნველვყოთ”, – დასძინა მაკრონმა.

საერთაშორისო ოლიმპიურმა კომიტეტმა რეკომენდაცია გასცა, რომ რუსმა და ბელარუსმა სპორტსმენებმა საერთაშორისო შეჯიბრებებში მონაწილეობა ნეიტრალური დროშის ქვეშ მიიღონ.სპორტსმენებმა ასევე უნდა შეასრულონ გარკვეული პირობები. კერძოდ, არ უნდა დაუჭირონ მხარი რუსეთის შეჭრას უკრაინაში, არ უნდა ჰქონდეთ კავშირი რუსეთის ან ბელარუსის ჯართან, ასევე უსაფრთხოების ძალებთან.

პარიზის ოლიმპიური თამაშები 2024 წლის 26 ივლისიდან 11 აგვისტოს ჩათვლით გაიმართება.

The post პარიზის ოლიმპიადაზე რუსეთის დროშის ადგილი არ არის – მაკრონი appeared first on TTimes.GE.

ტესტს შეუძლია გამოავლინოს ფილტვის, ღვიძლის, სარძევე ჯირკვლის, კუჭის და ნაწლავების კიბოს ადრეული ნიშნები. მედიკოსების თქმით, ისინი მუშაობენ ლაბორატორიაში საყლაპავი მილის, საკვერცხეების და პანკრეასის სიმსივნის ადრეული ნიშნების დიაგნოსტიკაზეც.  სიმსივნით დაღუპულ ადამიანთა 60% სწორედ ამ ტიპის სიმსივნით კვდება.

ტესტი შეიცავს ხელოვნური ინტელექტის ალგორითმს, ანალიზი ორგანიზმში არსებული  გენისა და პროტეინის კომბინაციით მიმდინარეობს. მედიკოსების თქმით, ტესტს შეუძლია გამოაჩინოს რვა სხვადასხვა სახეობის პროტეინი სისხლში და სხვადასხვა წარმოშობის სიმსივნური უჯრედის გენი. ტესტს რამდენჯერმე ჩაუტარდა ცდა და გამოიცადა 1005-მდე პაციენტზე, ამ დროისთვის სიზუსტის შედეგი 69%-დან 98%-მდეა გაზრდილი.სისხლის ანალიზმა კვლევის მონაწილეთა 70 პროცენტს ონკოლოგიური დაავადება დაუდასტურა. ტესტი 800 ჯანმრთელ ადამიანსაც ჩაუტარეს და ტესტმა ცდომილება მხოლოდ ერთ შემთხვევაში აჩვენა.

ამ მეთოდით უფრო სწრაფად მოხდება დიაგნოსტირება, ვიდრე ტრადიციული მეთოდებით, რომელიც გულისხმობს საეჭვო ქსოვილისგან მიღებული ქირურგიული მასალის გამოკვლევას, კომპიუტერული ტომოგრაფიას და სხვა პროცედურებს.

მედიცინის სფეროს ერთ-ერთი უმთავრესი მიზნისკენ პირველი ნაბიჯი გადადგმულია. სისხლის ანალიზის სახელწოდებაა CancerSEEK, კვლევის შესახებ ინფორმაცია იანვრის თვეში ჟურნალ Science-ში გამოქვეყნდა. ანალიზის ღირებულება პირველ ეტაპზე 500$ იქნება.

წყარო: www.forbes.com

The post Forbes: სისხლის საერთო ანალიზით სიმსივნის დიაგნოსტირება უკვე შესაძლებელია appeared first on TTimes.GE.

გამოცემის ინფორმაციით, აქამდე ჯონსონის ყველაზე დიდი ჰონორარი 23,5 მილიონ დოლარს შეადგენდა, რომელიც მან ფილმისთვის „ჯუმანჯი: ახალი დონე“ მიიღო. ჯონსონი – წარსულში ცნობილი რესლერი – ჰოლივუდის ერთ-ერთ ყველაზე წარმატებულ მსახიობად ითვლება. ფილმებმა მისი მონაწილეობით მსოფლიო გაქირავებაში 12,5 მილიარდ დოლარზე მეტი მოაგროვა.

ჯონსონამდე ყველაზე დიდი ჰონორარის რეკორდი რობერტ დაუნი-უმცროსს და უილ სმიტს ეკუთვნოდათ, რომლებმაც ფილმებისთვის „პირველი შურისმაძიებელი: დაპირისპირება“ და „მეფე რიჩარდი“ 40-40 მილიონი დოლარი მიიღეს.

The post დუეინ ჯონსონმა კინოს ისტორიაში ყველაზე დიდი ჰონორარი – 50 მილიონი დოლარი მიიღო appeared first on TTimes.GE.

უკრაინა გერმანიისგან დამატებით  Marder-ის ტიპის 20 ჯავშანმანქანას და  Leopard 1-ის ტიპის 30 ტანკს მიიღებს. ასევე მოსალოდნელია, 2022 წლის ბოლოს დაანონსებული 18 ერთეული თვითმავალი ჰაუბიცის, ოთხი IRIS-T-SLM საჰაერო თავდაცვის სისტემის, 12 IRIS-T-SLS გამშვებისა და ამ სისტემებისთვის საჭირო ასობით მართვადი რაკეტის,  ასევე  200 სადაზვერვო უპილოტო საფრენი აპარატის, 100 საბრძოლო და 100-ზე მეტი ლოჯისტიკური მხარდაჭერისთვის საჭირო ავტომანქანის მიწოდება. 

ცნობისთვის, ეს არის შეიარაღების ყველაზე დიდი პაკეტი, რომელიც გერმანიამ, უკრაინის შეიარაღებული ძალების გასაძლიერებლად 2022 წლის თებერვლის ომის დაწყების შემდეგ უზრუნველყო.

The post გერმანია უკრაინას 2,7 მლრდ ევროს ღირებულების სამხედრო დახმარების პაკეტს გამოუყოფს appeared first on TTimes.GE.

მას ძირითადად დაბადების შემდეგ მკურნალობენ ემბოლიზაციით; ამ მეთოდით, ვენის დასაბლოკად, ქირურგები მასში სპეციალურ მასალას ათავსებენ, მაგალითად, შედედების აგენტს, რომელიც სისხლს შედედებას უწყობს ხელს და შესაბამისად, ხელს უშლის სისხლის ნაკადს.

თუმცა, დაბადების შემდეგ, მდგომარეობა შეიძლება სწრაფად გაუარესდეს. პლაცენტის დაბალი რეზისტენტულობა ხელს უწყობს სისხლის ნაკადისა და წნევის რეგულირებას, რაც ნაყოფის გარკვეულ თავდაცვას განაპირობებს, მაგრამ ეს თავდაცვა დაბადებისთანავე ქრება. დაბადებიდან მალევე, იხურება პატარა სისხლძარღვი, რომელიც ფილტვის არტერიას აორტასთან აერთებს; ამის გამო, იმატებს წნევა ფილტვის არტერიებში.

იშვიათი პრენატალური (დაბადებამდელი) მდგომარეობის სამკურნალოდ, ბოსტონის ბავშვთა ჰოსპიტლისა და Brigham and Women’s ჰოსპიტლის ქირურგებმა მეთოდი, სახელად ემბოლიზაცია გამოიყენეს. დაავადებას გალენის ვენის მალფორმაციას (VOGM) უწოდებენ და წარმოადგენს სისხლძარღვთა ანომალიას, რომლის გამოც, ბავშვის დაბადების შემდეგ, მისი თავის ტვინის გარკვეულ ნაწილში სისხლი სახიფათოდ ჩქარა მოძრაობს. პროცედურის წარმატება აჩენს იმედს, რომ ამ დაავადების მკურნალობა იქამდე იქნება შესაძლებელი, ვიდრე გართულებათა რისკი გაიზრდება.

მიუხედავად იმისა, რომ ამ გზით მკურნალობა მსოფლიოში პირველად მოხდა, პროცედურა აბსოლუტური გამარჯვებით დასრულდა.

„მიმდინარე ცდაში, გალენის ვენის მალფორმაციის დაბადებამდევე სამკურნალოდ ვიყენებთ ულტრაბგერით მართვად საშვილოსნოსშიდა ემბოლიზაციას. მკურნალობის პირველ შემთხვევაში, აღფრთოვანებული დავრჩით პათოლოგიის აგრესიული შემცირებით“, – ამბობს ბოსტონის ბავშვთა ჰოსპიტლისა და ჰარვარდის სამედიცინო სკოლის ნეიროინტერვენციული რადიოლოგი დარენ ორბახი.

მისი განცხადებით, ახალშობილი უკვე ექვსი კვირის არის, პროგრესირებს გამორჩეულად კარგად, არ საჭიროებს პრეპარატებს, ჭამს ნორმალურად და იმატებს წონაში. თავის ტვინში არ შეიმჩნევა რაიმე უარყოფითი ეფექტები.

ჩვილი ორი დღის შემდეგ დაიბადა,რადგან პროცედურამ საშვილოსნოს გარსების ნაადრევი რღვევა განაპირობა. თუმცა, დაბადების შემდეგ, ჩვილის გულ-სისხლძარღვთა სისტემა ნორმალურად მუშაობდა და არ საჭიროებდა დამატებით მხარდაჭერას ან ქირურგიულ ჩარევას. გამომდინარე იქიდან, რომ მშობიარობა ნაადრევი იყო, ჩვილი ჰოსპიტალში რამდენიმე კვირის განმავლობაში დატოვეს და ექიმები მის თავის ტვინზე დაკვირვებას აგრძელებდნენ.

საერთოდ არ შეიმჩნეოდა რაიმე ნევროლოგიური დარღვევა, სითხის დაგროვება ან სისხლდენა, დედა-შვილი სახლში სრულიად ჯანმრთელები გაწერეს.

ვინაიდან ის მიმდინარე ცდის პირველი პაციენტია, მეთოდი ჯერ საერთოდ არ არის მზად ფართო გამოყენებაში დანერგვისთვის. ერთი წარმატებული შემთხვევა საკმარისი არ არის, რათა თამამად ითქვას, რომ ეს მეთოდი ზოგადად წარმატებულია. მომავალმა შემთხვევებმა შეიძლება ასე კარგად არ ჩაიაროს; ჯერ კიდევ დასადგენია, აღემატება თუ არა ამ პროცედურის სარგებელი რისკებს.

თუმცა, შედეგები ძლიერ იმედისმომცემია. ამ დროისათვის, ბავშვი შესანიშნავად არის, რაც იმაზე მიუთითებს, რომ პრენატალური ქირურგია შეიძლება ბევრისთვის სასიცოცხლოდ მნიშვნელოვანი გახდეს.

წყარო:

The post პირველად მსოფლიოში – ნაყოფს თავის ტვინის ოპერაცია, დაბადებამდე, საშვილოსნოში ჩაუტარეს appeared first on TTimes.GE.