როგორც თურნავამ დღეს მთავრობის სხდომის შემდეგ ჟურნალისტებს განუცხადა, ანაკლიის პორტი არის ერთადერთი პროექტი, რომელიც შეტანილია ქვეყნის კონსტიტუციაში.

„აღნიშნული თავისთავად არის უმაღლესი დასტური იმის, რომ ეს არის ჩვენთვის პრიორიტეტული პროექტი. მსგავსი პროექტები ყველგან ხორციელდება მთავრობის მხარდაჭერის ფონზე და მთავრობის მხარდაჭერა არის ცალსახა გამოხატული პროექტის მიმართ. აქედან გამომდინარე, იმ მაღალი რეიტინგებიდან გამომდინარე, რომელიც ყოველდღიურად უმჯობესდება, ვგულისხმობ საინვესტიციო გარემოს, გამომდინარე იქიდან, რაოდენ დიდი მხარდაჭერა გამოხატა მთავრობამ ამ პროექტის მიმართ სიტყვით, საქმით, ფინანსურად, პროექტის მიმართ სერიოზულ ინვესტორებს კითხვები არ უნდა გაუჩნდეთ“, – განაცხადა თურნავამ.

მისი თქმით, საუბარია მთავრობის არამხოლოდ სიტყვიერ, არამედ იურიდიულ და ფინანსურ მხარდაჭერაზეც.

„ჩვენ არაერთი მხარდამჭერი განცხადება გვაქვს გაკეთებული ანაკლიის პროექტის მიმართ. უფრო მეტიც, ეს არის ჩვენი სტრატეგიული პროექტი, რომელიც იმდენად მნიშვნელოვანია, რომ კონსტიტუციაშიც კი არის მოხსენიებული – ერთადერთი კომერციული პროექტია. ჩვენ ვსაუბრობთ არა მხოლოდ სიტყვიერ, არამედ კონკრეტულ ფინანსურ და იურიდიულ მხარდაჭერაზე, რომელიც უკვე გაღებულია ამ პროექტთან დაკავშირებით. ძალიან მაღალი აქტი და გამოხატულება მხარდაჭერის იყო, რომ ჩვენ არ ვსაუბრობთ კანონით და კონტრაქტით მონიჭებული უფლებით და არ ვახდენთ ამ კონტრაქტის მოშლას. ვაძლევთ დამატებით დროს წლის ბოლომდე ინვესტორს, რომ თავისი პრობლემები რამენაირად მოაგვაროს“, – განაცხადა მინისტრმა.

თურნავას შეფასებით, ასეთი მხარდაჭერა ყველა ინვესტორს დადებითად განაწყობს.

„მიმაჩნია, რომ მსგავსი მხარდაჭერა არის უპრეცედენტო და ეს ყველა სერიოზულ ინვესტორს განაწყობს დადებითად“, – აღნიშნა ეკონომიკისა და მდგრადი განვითარების მინისტრმა.

The post ნათია თურნავა – ანაკლიის პორტის პროექტის მიმართ სერიოზულ ინვესტორებს კითხვები არ უნდა გაუჩნდეთ appeared first on TTimes.GE.

კალაძის თქმით, მამუკა ხაზარაძე ჭორაობით არის დაკავებული.

„გავაკეთე შეფასებები მამუკა ხაზარაძის განცხადებებთან დაკავშირებით. ყოველთვის ვფიქრობდი, რომ ადამიანი ახალი შემოსულია პოლიტიკაში, ახალ პოლიტიკურ გუნდს აყალიბებს ეს ყველაფერი გამოადგება ჩვენს ქვეყანას, რაღაც ჯანსაღი ოპონირება იქნება, მაგრამ ეს ადამიანი დაადგა ისევ და ისევ სიყალბეს, სიცრუეს და ჭორაობას. ის, რაც მოვიდა და აკეთებს პოლიტიკურ განცხადებებს პირველივე დღიდან გვეჭორავება, გვეჭორავება ჩვენ და ეჭორავება საზოგადოებას.

რაც შეეხება ანაკლიის კონსორციუმისთვის ვადების გაგრძელებას, მივესალმები ამ გადაწყვეტილებას. ეს არის კიდევ ერთი მნიშვნელოვანი ნაბიჯი ხელისუფლების მხრიდან, რომ იმის დემონსტრირება გააკეთოს, თუ რამდენად მნიშვნელოვანია ჩვენი ქვეყნისთვის ამ პორტის მშენებლობა და პროექტის განხორციელება. თუმცა კიდევ ერთხელ ვიმეორებ, ძალიან დიდი ეჭვი მაქვს, რომ ხაზარაძემ ამ პროექტის განხორციელება შეძლოს. მას არც ფინანსური რესურსი აქვს ამის და არც გონებრივი შესაძლებლობები“, – განაცხადა კალაძემ.

The post კახა კალაძე – მეეჭვება, ხაზარაძემ ანაკლიის პროექტის განხორციელება შეძლოს, ამისთვის არ აქვს არც ფინანსური და არც გონებრივი შესაძლებლობები appeared first on TTimes.GE.

„პროექტის განხორციელება ჩვენთვის მნიშვნელოვანია. რამდენიმეჯერ მოხდა ვადის გადაწევა. იყო ხელშეწყობა იმისთვის, რომ მათ მოეტანათ გარკვეული ინვესტიცია, კაპიტალი, რათა პროექტი განეხორციელებინათ.

დღეს ჰქონდათ ბოლო ვადა, რომ წარმოედგინათ უკვე ეს თანხები იმისთვის, რომ სამომავლოდ ეს პროექტი განხორციელებულიყო, თუმცა ვერ შეძლეს. ძალიან ცუდია ეს, თუმცა იკვეთებოდა ის, რომ ესენი ვერ შეძლებდნენ ამ პროექტის განხორციელებას,“ – განაცხადა კალაძემ.

The post კახა კალაძე – იკვეთებოდა, რომ კონსორციუმი ვერ შეძლებდა ანაკლიის პროექტის განხორციელებას appeared first on TTimes.GE.