შეხვედრის მთავარი თემა ის საკანონმდებლო ცვლილებებია, რომლის შეთავაზებაც ეკა ბესელიას პარლამენტისთვის უზენაესი სასამართლოს მოსამართლეების არჩევასთან დაკავშირებით აქვს დაგეგმილი. დეპუტატმა ჟურნალისტებთან საუბრისას რამდენჯერმე აღნიშნა, რომ თუკი მოსამართლეთა შერჩევისა და დამტკიცების წესსა და კრიტერიუმებთან დაკავშირებით გუნდში ერთიან პოზიციაზე შეჯერება ვერ მოხერხდება, ის ალტერნატიულ ვარიანტს დააყენებს.

თანამდებობის დატოვების შემდეგ, ეკა ბესელია ამ თემაზე იურიდიული წრეების წარმომადგენლებთან და არასამთავრობო ორგანიზაციებთან შეხვედრებს პერმანენტულად მართავს.

The post ეკა ბესელია იურიდიული წრეების წარმომადგენლებს შეხვდება appeared first on TTimes.GE.

როგორც იურიდიულ საკითხთა კომიტეტის ყოფილმა თავმჯდომარემ ჟურნალისტებს განუცხადა, ამასთან დაკავშირებით ბიძინა ივანიშვილის პოზიცია დადებითია.

„ეს არის ძალიან მნიშვნელოვანი იმისთვის, რომ სისტემა არ ჩაიკეტოს და პროცესის გაჯანსაღება გარედან მოხდეს“, – აღნიშნა ეკა ბესელიამ.

ბესელია იმასაც ამბობს, რომ უზენაესი სასამართლოს მოსამართლის თანამდებობაზე ასარჩევად ერთ პოზიციაზე რამდენიმე კანდიდატის წარდგენა უნდა იყოს შესაძლებელი და პარლამენტმა მოსამართლის ათ პოზიციაზე არა 10-კაციანი სია, არამედ 20 ან 30-კაციანი სია მიიღოს და შემდგომში გაფილტროს.

The post მოსამართლეთა დანიშვა იქამდე უნდა შეჩერდეს, ვიდრე რეფორმა არ განხორციელდება-ეკა ბესელია appeared first on TTimes.GE.