ჟურნალისტებმა მომდევნო 10 დღის განმავლობაში მუშაობის გაგრძელებაზე უარი თქვეს.

როგორც ტელეკომპანიის თანამშრომლები აცხადებენ, “მეცხრე არხის” დახურვის შესახებ ინფორმაცია დღეს შეიტყვეს, რაც მათთვის მოულოდნელი იყო.

შეგახსენებთ, რომ პრემიერ-მინისტრის ბიძინა ივანიშვილის განცხადებით, “თუ პირველ სექტემბრამდე მყიდველი არ გამოჩნდება, ტელეკომპანია “მე-9 არხი” და საინფორმაციო სააგენტო “ინფო 9” დაიხურება”.

საქართველოს პრემიერ-მინისტრის ოჯახი “მეცხრე არხსა” და საინფორმაციო სააგენტო “ინფო 9”-ს მყიდველს საბაზრო ღირებულების მესამედ ფასად სთავაზობს.

მედიასაშუალებების მუშაობის შეწყვეტის შემთხვევაში თანამშრომლები კომპენსაციის სახით, 2 თვის ხელფასს მიიღებენ.

“დღეიდან, 19 აგვისტოდან პირველ სექტემბრამდე, კიდევ ვიტოვებთ დროს ამ მედიასაშულებების გასასხვისებლად. მყიდველს ამჯერად საბაზრო ღირებულების მესამედ ფასად ვთავაზობთ ტელევიზიასა და საინფორმაციო სააგენტოს, თავისი მატერიალურ-ტექნიკურ ბაზით, იმ პირობით, რომ მყიდველი ამუშავებს ტელევიზიას და თანამშრომლები შეინარჩუნებენ სამსახურს. თუ პირველ სექტემბრამდე მყიდველი არ გამოჩნდება, იძულებული გავხდებით, ტელეკომპანია “მე-9 არხისა” და საინფორმაციო სააგენტო “ინფო 9″-ის მუშაობა შევწყვიტოთ. მიუხედავად იმისა, რომ ორგანიზაციის ლიკვიდაციის შემთხვევაში კანონმდებლობა თანამშრომელთათვის კომპენსაციების გადახდას არ ითვალისწინებს, მე და ჩემმა ოჯახმა გადავწყვიტეთ ყველა თანამშრომელს 2 თვის კომპენსაცია გადავუხადოთ”, – ნათქვამია განცხადებაში.

20.08.13

The post “მეცხრე არხმა” მაუწყებლობა შეწყვიტა appeared first on TTimes.GE.