ირაკლი პეტრიაშვილისთვის გასაკვირია, რომ ოლიმპიადაზე ქართველების არწასვლა დაფიქრების საგანია.

“მთელი დღეა ვუსმენ მსჯელობას სოჭის ოლიმპიადაზე წასვლა- არწასვლასთან დაკავშირებით და ძალიან მიკვირს, რომ არწასვლა და მონაწილეობის არმიღება კიდევ დასაფიქრებელი ყოფილა. ნუთუ, ვიღაც, მფრინავის (რომელიც, ჩვენ ქვეყანას ბომბავდა) მეჩირაღდნეობაა მხოლოდ მიზეზი, რომ მონაწილეობა არ მივიღოთ ღონისძიებაში, რომლის მთავარი მასპინძელი აგდია ამ მფრინავისთვის ბრძანების მიმცემი? მავთულხლართები და ცინიკურად მიცემული ორდღიანი ვადა საკუთარი სახლების დემონტაჟისთვის? არ არის მიზეზი? სოჭის სტადიონი, რომ აფხაზეთიდან ჩატანილი ინერტული მასალებითაა აგებული და ეს ინერტული მასალები, რომ ჩვენი თანამოძმეების სისხლითაა გაჟღენთილი არც ესაა მიზეზი? მაშინ ალბათ არც ის, რომ სოჭის ოლიმპიური სტადიონიდან, მეორე იარუსიდან სადაც ქართული დელეგაცია უნდა დაბრძანდეს კარგად გამოჩნდება გაგრის ის სტადიონი, სადაც ქართველების მოკვეთილი თავებით ფეხბურთს თამაშობდნენ აფხაზეთის ომის დროს”, – წერს ირაკლი პეტრიაშვილი “ფეისბუქის” საკუთარ გვერდზე.

08.10.13

The post ირაკლი პეტრიაშვილი: „ნუთუ, ვიღაც, მფრინავის მეჩირაღდნეობაა მხოლოდ მიზეზი“ appeared first on TTimes.GE.