საქსტატის ინფორმაციით, 2013 წლის მაისში 2013 წლის აპრილთან შედარებით ინდექსის ფორმირებაზე ძირითადი გავლენა იქონია ფასების ცვლილებამ დამამუშავებელ მრეწველობაში. ფასები გაიზარდა 0,1 პროცენტით და შესაბამისად, სექციის წვლილმა ინდექსის პროცენტული ცვლილების საერთო მაჩვენებელში 0,08 პროცენტული პუნქტი შეადგინა.

ფასების ზრდა დაფიქსირდა შემდეგ ქვესექციებზე: ცელულოზა-ქაღალდის მრეწველობა და საგამომცემლო საქმიანობა (19,2 პროცენტი); საკვები პროდუქტების (სასმელების ჩათვლით) და თამბაქოს წარმოება (1,4 პროცენტი). ფასები შემცირდა ქვესექციებზე: მეტალურგიული მრეწველობა და ლითონის მზა ნაწარმის წარმოება (3,4 პროცენტი); ქიმიური წარმოება (4,8 პროცენტი).
2013 წლის მაისში 2012 წლის მაისთან შედარებით ინდექსის ფორმირებაზე ძირითადი გავლენა იქონია ფასების ცვლილებამ შემდეგ სექციებზე: დამამუშავებელი მრეწველობა: მოცემულ პერიოდში ფასები შემცირდა 1,4 პროცენტით და სექციის წვლილმა ინდექსის პროცენტული ცვლილების წლიურ მაჩვენებელში -1,21 პროცენტული პუნქტი შეადგინა. ფასები შემცირდა მეტალურგიულ მრეწველობასა და ლითონის მზა ნაწარმის წარმოებაზე (13,5 პროცენტი). ამასთან, ფასები გაიზარდა საკვები პროდუქტების (სასმელების ჩათვლით) და თამბაქოს წარმოებაზე (4,4 პროცენტი).

სამთომოპოვებითი მრეწველობა: ფასები გაიზარდა 17,1 პროცენტით და სექციის წვლილმა ინდექსის მთლიან ცვლილებაში 0,75 პროცენტული პუნქტი შეადგინა.

14.06.13

The post მწარმოებელთა ფასების ინდექსი საქართველოში მაისში 0,01 პროცენტით შემცირდა appeared first on TTimes.GE.