უწყების ოფიციალურ ვებგვერდზე განთავსებული ინფორმაციის თანახმად, რუსი სპეციალისტები მესამე ვიზიტის განმავლობაშიც რუსულ ბაზარზე საკუთარი პროდუქციის შეტანის მსურველ კომპანიებს შეამოწმებენ.

“ამ ეტაპზე სრულდება იმ 39 დაწესებულების დოკუმენტური შემოწმება, რომლებმაც რუსეთის ფედერაციაში პროდუქციის შეტანის სურვილი გამოთქვეს.

“როსპოტრებნადზორის” ექსპერტების მესამე ვიზიტი საქართველოში სექტემბრის მეორე ნახევრისთვის იგეგმება, მას შემდეგ, რაც ქართული მხარისგან უსაფრთხოების გარანტიები და დაწესებულებებში ექსპერტების დაშვების ნებართვა იქნება”, – ნათქვამია განცხადებაში.

“როსპოტრებნადზორის” ცნობით, ამ დროისთვის რუსეთის ბაზარზე დაშვებულია ალკოჰოლური სასმელის 65 მწარმოებელი და მინერალური წყლის დამამზადებელი ოთხი კომპანია.

ონიშენკოს უწყების მონაცემებით, 2013 წლის განმავლობაში 36 ქართული კომპანიიდან 14-მა, პროდუქციის სახელმწიფო რეგისტრაციის მოწმობის მიღების შემდეგ, რუსეთში ალკოჰოლური პროდუქციის 1100 პარტია შეიტანა, რომლის ჯამური მოცულობაც 4 მილიონი ლიტრია.

10.09.13

The post "როსპოტრებნადზორის" ექსპერტების მესამე ვიზიტი საქართველოში სექტემბრის მეორე ნახევრისთვის იგეგმება appeared first on TTimes.GE.