რუსეთის თავდაცვის მინისტრმა სერგეი შოიგუმ, პატაკი ჩააბარა ქვეყნის მთავარსარდალსპუტინს, ყველაზე მსხვილი სამხედრო წვრთნების დასრულების შესახებ.

პრეზიდენტ პუტინის ბრძანებით, უეცარი სამხედრო შემოწმებები დასავლეთის, სამხრეთის და ცენტრალურ სამხედრო ოლქებში ჩატარდა. ამჯერად მასშტაბური შემოწმება აღმოსავლეთის სამხედრო ოლქში მიმდინარეობდა.

შესაბამისი განკარგულება პუტინმა თავდაცვის მინისტრს უშუალოდ შემოწმების დაწყებამდე 12 ივლისს გააცნო. მომდევნო დღეს, 13 ივლისს გამთენიისას, საბრძოლო განგაში აღმოსავლეთის სამხედრო ოლქში დისლოცირებულ ყველა სამხედრო ნაწილში გამოცხადდა.

ეს რუსეთში ჩატარებული ყველაზე ფართომასშტაბიანი და მსხვილი სამხედრო სწავლება იყო.

მასში მონაწილეობდა 160,000-მდე ჯარისკაცი, 5000-მდე ტანკი 1000-ზე მეტი ქვეითთა საბრძოლო მანქანა და სხვა სახის ჯავშანტექნიკა, 130 სხვადასხვა დანიშნულების თვითმფრინავი და შვეულმფრენი და 70-მდე სამხედრო და დამხმარე ხომალდი.

25.07.13

ექსპერტების ნაწილი მსგავს მანევრებს ძალის დემონსტრირებით ხსნის. თავად რუსეთის სამხედრო და პოლიტიკურ ხელმძღვანელობას ამასთან დაკავშირებით განსხვავებული მოსაზრებები აქვს.

სწავლების მსვლელობისას, საბრძოლო სროლების (ისინი ერთდროულად 5 პოლიგონზე მიმდინარეობენ) და საჰაერო იერიშების გარდა, აქტიურად მუშავდება შეთანხმებული მუშაობა სამოქალაქო სტრუქტურებთან, სხვადასხვა სახის საჯარისო ნაწილებს შორის, ჯარების დროული და ეფექტური გადასროლა, ფართო ტერიტორიაზე თავდაცვისა და შეტევის ეფექტური მანევრები.

ჯარები უკვე დაუბრუნდნენ დისლოკაციის ადგილებს.

The post რუსეთში ყველაზე მაშტაბური სამხედრო წვრთნები ჩატარდა appeared first on TTimes.GE.