სალომე ზურაბიშვილის თქმით, სახელმწიფოებმა უნდა იპოვონ ერთიანი მიდგომა მიგრაციის პრობლემისადმი.

„მიგრაცია ჩვენი საერთო მდგომარეობა გახდა, რომელიც ყველგან შიშსა და შფოთვას იწვევს. ზოგიერთ ქვეყანას, რომელიც კარგავს სასიცოცხლო ძალას, გონებას, ახალგაზრდა თაობები გაედინებიან ქვეყნიდან, მომავლის შიში აქვთ. სხვა ქვეყნები კი ხედავენ მასობრივად ჩასულ უცხოელ მიგრანტებს და შიშობენ, რომ ისინი დაიკავებენ ადგილობრივთა სამუშაო ადგილებს, ეროვნულ თვითმყოფადობას შეერევიან. ზოგიერთი მიგრანტი ლეგალურად შედის ქვეყანაში უკეთესი შესაძლებლობებით, უმეტესობა კი არალეგალური გზით და ეძებენ იმას, რისი პოვნაც სამშობლოში ვერ შეძლეს. თუმცა, უმეტესობა ტოვებს მათ მშობლიურ ქვეყანას, ომის განადგურებისა და დევნის გამო. ამას გარდა, კლიმატური ცვლილებების გამო, უახლოეს მომავალში სავარაუდოა დიდი რაოდენობით ახალი კატეგორიის მიგრანტების გამოჩენა, რომლებიც დატოვებენ ტერიტორიებს გაუდაბნოების, წყალდიდობების, ქარიშხლების ან ხანძრის გამო. ამ საკითხზეც პასუხი უნდა იყოს გლობალური. სახელმწიფოებმა უნდა იპოვონ ერთიანი მიდგომა, რათა დაარეგულირონ ის რაც არ შეჩერდება.

საქართველო, რომელიც დღეს, როგორც ემიგრაციისა და იმიგრაციის პირისპირ არის დამატებით 300 ათას იძულებით გადაადგილებულ პირთან ერთად, აქტიურად ეძებს გამოსავალს. არალეგალური მიგრაციის შემცირება აუცილებელია, რათა შევინარჩუნოთ ევროპული ინტეგრაციის პროცესის ერთ-ერთი უძვირფასესი სარგებელი, როგორიცაა ვიზალიბერალიზაცია. საზღვარზე უკეთესი კონტროლის გარდა, რაც საჭიროა და მიმდინარეობს, თუმცა მკაცრი სავიზო პროცედურების აღდგენამდე, არსებობს გამოსავალი, გაუმჯობესდეს ცხოვრების ხარისხი და დამკვიდრდეს ქვეყანაში სოციალური დაცვა, უსაფრთხო სამუშაო ადგილები და ცხოვრების უკეთესი ხარისხი, რომელსაც ემიგრანტების უმეტესობა სხვაგან ეძებს. საქართველო ხედავს მის ევროპული ინტეგრაციის გზას, როგორც ყველაზე პირდაპირ გზას ამ მიმართულებით და ჩვენ ამ გზაზე ვდგავართ“, – განაცხადა სალომე ზურაბიშვილმა.

მისივე თქმით, მეორე გზაა, დარეგულირდეს ნაკადები სახელმწიფოთა შორის ორმხრივი და მრავალმხრივი შეთანხმებებით, რომელიც ლეგალურად და დროებით დასაქმების საშუალებას მისცემს იმ სფეროებში, რომელიც საერთო ინტერესებშია.

„საქართველო აქტიურად მუშაობს რათა გააფორმოს შეთანხმებები ცირკულარულ მიგრაციაზე მის მთავარ პარტნიორებთან. უკონტროლო და დაურეგულირებელი მიგრაცია შეიძლება იქცეს დარღვევის მთავარ ფაქტორად, რაც დაემუქრება მშვიდობასა და სტაბილურობას, თუმცა მართვადი და რეგულირებული მიგრაცია შესაძლოა, გახდეს აქტივი უკეთესი ურთიერთგაგებისა და კომუნიკაციისთვის კულტურებსა და ცივილიზაციებს შორის, ვექტორი უფრო მეტი ტოლერანტულობისა და გამოცდილების ურთიერთგაზიარებისთვის“, – განაცხადა სალომე ზურაბიშვილმა.

The post სალომე ზურაბიშვილი – საქართველო, რომელიც ემიგრაციისა და იმიგრაციის პირისპირ არის დამატებით 300 ათას იძულებით გადაადგილებულ პირთან ერთად, აქტიურად ეძებს გამოსავალს appeared first on TTimes.GE.

როგორც საქართველოს პრეზიდენტმა აღნიშნა, საქართველომ მნიშვნელოვან პროგრესს მიაღწია ყველა აღნიშნული მიმართულებით ისე, რომ ერთხელაც არ გადაუხვევია კურსიდან.

„ჩვენ მნიშვნელოვან პროგრესს მივაღწიეთ ყველა ამ მიმართულებით ისე, რომ ერთხელაც არ გადაგვიხვევია კურსიდან, არასოდეს დაგვითვლია, თუ რა ფასად გვიჯდება ეს ძალისხმევა და მუდამ ნათლად ვიცოდით, თუ რა მომავლისკენ, რა ბედისკენ მივილტვით.

გარკვეულწილად ეს ჩვენი მშვიდობიანი გამარჯვებაა ომსა და ოკუპაციაზე, ტრაგედიასა და ნგრევაზე, მაგრამ როდესაც მშვიდობის მიზანსა და კონფლიქტისა თუ ოკუპაციის დასრულებაზეა საუბარი, საჭიროა ვიმოქმედოთ. ჩვენ გვჭირდება მოძრაობა და გვჭირდება დიპლომატია“, – განაცხადა სალომე ზურაბიშვილმა.

როგორც მან გამოსვლისას აღნიშნა, საქართველომ უარი თქვა ძალის გამოყენებაზე, მაგრამ არ უთქვამს უარი დიალოგზე.

„ჩვენ უარი ვთქვით ძალის გამოყენებაზე, მაგრამ დიალოგზე არ გვითქვამს უარი. ჩვენ მოქნილები ვართ, მაგრამ ეს არ ნიშნავს, რომ არსებულ მდგომარეობას ვურიგდებით. ცვლილებების განხორციელება არის საჭირო და ამას მარტო ვერ შევძლებთ. ჩვენ ყველას ჩართულობა გვჭირდება რეგიონში მდგრადი მშვიდობის მიზნის მისაღწევად“, – განაცხადა საქართველოს პრეზიდენტმა.

სალომე ზურაბიშვილის თქმით, უპირველსად საჭიროა არსებული ფორმატების პოლიტიკური განზომილების გაფართოება, ასევე ექსპერტთა დისკუსიებიდან პოლიტიკურ მოლაპარაკებებზე გადასვლა.

„პირველ რიგში, საჭიროა არსებული ფორმატების პოლიტიკური განზომილების გაფართოება, რათა შესაძლებელი გახდეს არსებითი და საგნობრივი დისკუსიების გამართვა. აუცილებელია ექსპერტთა დისკუსიებიდან პოლიტიკურ მოლაპარაკებებზე გადასვლა. საჭირო იქნება ყველა მხარის პოლიტიკური ნება, რათა ჟენევის ფორმატი არა მხოლოდ კონფლიქტის მართვის, არამედ მისი გადაჭრის ინსტრუმენტი გახდეს. ასევე აუცილებელია პოლიტიკური ნება, რომ საჭიროების შემთხვევაში, ახალი ფორმატები შეიქმნას. ნებისმიერი ფორუმი და დიალოგი, ფორმალური თუ არაფორმალური უნდა იქნეს გამოყენებული, რათა რუსეთი ჩაერთოს ცეცხლის შეწყვეტის შეთანხმების პირობების მკაცრად შესრულების შესახებ დისკუსიებში, რათა ევროკავშირის სადამკვირვებლო მისიას საშუალება მიეცეს, დაკვირვება განახორციელოს მთელ ტერიტორიაზე“, – აღნიშნა საქართველოს პრეზიდენტმა.

მისი თქმით, საოკუპაციო ხაზზე დეესკალაცია უმთავრესი პრიორიტეტია.

„დეესკალაცია საოკუპაციო ხაზზე ჩვენი უმთავრესი პრიორიტეტია, რამაც კონფლიქტის ეფექტურ მოგვარებამდე უნდა მიგვიყვანოს. ასევე ყველასათვის ნათელი უნდა იყოს, რომ ახალმა კონფლიქტებმა ძველი არ უნდა დაგვავიწყოს, რადგან მშვიდობის დაყოფა და დანაწევრება არ შეიძლება“, – განაცხადა სალომე ზურაბიშვილმა გაერო-ს გენერალური ასამბლეის 74-ე სესიაზე სიტყვით გამოსვლისას.

The post სალომე ზურაბიშვილი – ჩვენ უარი ვთქვით ძალის გამოყენებაზე, მაგრამ დიალოგზე არ გვითქვამს უარი, მოქნილები ვართ, მაგრამ ეს არ ნიშნავს, რომ არსებულ მდგომარეობას ვურიგდებით appeared first on TTimes.GE.

„შევხვდი მის უწმინდესობას. ვისაუბრეთ ჩვენს ვიზიტებზე უცხოეთში. ჩვენს ევროპელ პარტნიორებს მაღალი ნდობა აქვთ საქართველოს მიმართ, რაც ჩვენი ეროვნული ინტერესებისთვის უნდა გამოვიყენოთ.

ასევე, ვისაუბრეთ დიასპორის წარმომადგენლებთან და სტუდენტებთან შეხვედრებზე, ქართველოლოგიის მიმართულების გაძლიერებასა და განვითარებაზე. კიდევ ერთხელ მივიღე ძლიერი სულიერი თანადგომა, რაც ჩემს საქმიანობაში მეტ ძალას მმატებს“, – აღნიშნულია სალომე ზურაბიშვილის ოფიციალურ „ფეისბუქ“-გვერდზე გამოქვეყნებულ ინფორმაციაში.

The post სალომე ზურაბიშვილი პატრიარქს შეხვდა appeared first on TTimes.GE.

სალომე ზურაბიშვილის განცხადებით, პრეზიდენტს, საკუთრი უფლებამოსილებების ფარგლებში, შეუძლია რეგიონის ადვოკატირება, რეგიონსა და ცენტრალურ ხელისუფლებას შორის შუამავლის როლის აღება რეგიონის გაძლიერებასთან დაკავშირებით და საკუთარი ხედვის შემუშავება რეგიონის განვითარების მიმართულებით.

პრეზიდენტმა იმერეთში დასრულებულ ვიზიტთან დაკავშირებით მოსახლეობას დეტალური ინფორმაცია მიაწოდა და აღნიშნა, რომ წყალტუბოსა და ქუთაისს ერთობლივად, უდიდესი ტურისტული პოტენციალი გააჩნია.

“სამწუხაროდ, ხშირად, ჩვენ ვუყურებთ საკითხებს ნაწილ-ნაწილ და არა მთლიანობაში. მთლიანობაში ქუთაისს ძალიან დიდი პოტენციალი აქვს. ანუ, ქუთაისი და წყალტუბო, ქუთაისი და გელათი, ქუთაისი და მისი შემოგარენი. ძალიან ბევრი რამ არის ქუთაისში და ეს მთლიანობა უნდა იყოს ნაჩვენები, თუკი ჩვენ გვინდა, რომ ეს პოტენციალი მაქსიმალურად გამოვიყენოთ,”- აღნიშნა საქართველოს პრეზიდენტმა.

პრეზიდენტს მიაჩნია, რომ ქუთაისმა უნდა დაიბრუნოს საქართველოს კულტურის დედაქალაქის ნიშა და ამისათვის თავად აპირებს საქართველოს პარტნიორებთან გააძლიეროს მუშაობა, რათა საქართველო აქტიურად იყოს წარმოდგენილი ევროპის კულტურულ ცხოვრებაში.

“როცა დავდივარ სხვადასხვა ვიზიტებზე, ერთერთი ჩემი დანიშნულებაა, რომ მივიტანო პარტნიორებამდე ჩვენი კულტურა. გავაგებინო, მათ, რომ ეს კულტურა არის მსოფლიოს და ევროპის კულტურის ნაწილი. საქართველო ახლოსაა ევროკავშირში გაწევრიანებასთან, ბრექსიტისა და ევროკავშირში პოლიტიკური გარემოებების გამო ჯერ კიდევ არის წინააღმდეგობები, მაგრამ საქართველოს შეუძლია მოითხოვოს და ევროპის კულტურის შემადგენელი ნაწილი გახდეს”,- განაცხადა სალომე ზურაბიშვილმა.

მისი თქმით, როცა საზღვარგარეთ ეცნობიან ჩვენს კულტურას არ ისმის კითხვა: – რატომ უნდა მიგვიღონ ევროპაში. ამიტომ ქუთაისში კულტურის მიმართულებები და სფეროები უნდა განვითარდეს.

“ერთერთი მიმართულება, რომელიც სამომავლოდ ძალიან მნიშვნელოვანია, ეს არის არქეოლოგია. აქ იმყოფება პოლონეთის ელჩი და ძალიან მადლობელი ვარ, რომ დღეს გვესწრება ამ ღონისძიებაზე. იმიტომ რომ არსებობს პოლონურ- ქართული ერთობლივი არქეოლოგიური მისია, რომელიც დაარსდა ამ უნივერსიტეტში და რომელიც იძიებს სწორედ ძველი კოლხეთის არქეოლოგიას და მე მინდა შევთავაზო მათ, რომ ეს არქეოლოგიური ექსპედიციები ჩატარდეს პრეზიდენტის პატრონაჟის ქვეშ”, – აღნიშნა პრეზიდენტმა.

პრეზიდენტის განცხადებით, წყალტუბო საქართველოს საგანძურია და მისი სანატორიუმები არქიტექტურით, ადგილმდებარეობითა და პარკებით ევროპის კურორტებსაც ვერ შეედრება. წყალტუბო ქუთაისის გარეშე ვერ იარსებებს.

“არ მომეწონა წყალტუბოში, რომ წყალტუბოში მოხდა სანატორიუმების პრივატიზაცია, მაგრამ

საინვესტიციო პირობები არ არის შესრულებული”, – აღნიშნა სალომე ზურაბიშვილმა.

პრეზიდენტის განცხადებით, ეს უნდა იყოს განვითარების მთლიანი სტრატეგია. დღეს შეიძლება დადგა დრო იმისათვის, რომ ამ ყველაფერს გადავხედოთ მთლიანობაში და იყოს ხელისუფლების ნება, რადგან ძალიან ბევრი სხვა რამ გაკეთდა და გაცოცხლდა. აეროპორტი, მართლაც ძალიან მნიშვნელოვანია”, – განაცხადა პრეზიდენტმა.

სალომე ზურაბიშვილმა რეგიონში მცირე და საშუალო ბიზნესის განვითარების მნიშვნელობაზე ისაუბრა და აღნიშნა, რომ მათზე დგას დღეს ქვეყნის ეკონომიკის გაძლიერება.

“მე რაც ვნახე ამ რეგიონში ძალიან იმედისმომცემია. რეგიონების განვითარება მხოლოდ პატარა და მცირე ბიზნესზეა აგებული, ჩვენ ვერ დავბრუნდებით დიდი ფაბრიკების დროში, ეს გასულია. მაგრამ მცირე ბიზნესს, რომელიც ძალიან მოქნილია შეუძლია ძალიან სწრაფად ევროპულ დონეზე აიყვანოს თავი. ამის მაგალითები არის აქ- აღფრთოვანებული ვარ კომპანიით “ჰერბია”, რომელიც სამაგალითოა – როგორ შეიძლება პატარა ოჯახური ბიზნესი გახდეს საშუალო და იყოს სამაგალითო რეგიონისთვის. ძალიან მნიშვნელოვანია, რომ ქალები არიან ჩართულები ამ მიმართულებით და ეს არის ამ რეგიონის განვითარების ძალიან დიდი გზა”, – აღნიშნა პრეზიდენტმა. პრეზიდენტი თავის გამოსვლაში გეგუთის გზაზე დაყრილი საყოფაცხოვრებო ნარჩენების თემასაც შეეხო და აღნიშნა, რომ არ შეიძლება საქართველოს კულტურის დედაქალაქში არსებობდეს ასეთი ადგილები.

“ვიცი, რომ ამ პრობლემის მოსაგვარებლად არსებობს პროექტი, ვიცი რომ ამაზე მუშაობენ და მხოლოდ ერთი რამ შემიძლია ვთქვა, ეს მუშაობა რაც შეიძლება სწრაფად უნდა დასრულდეს, რადგან, ტურიზმის განვითარება, ქალაქის და კულტურის განვითარება, სხვაგვარად შეუძლებელია”, – აღნიშნა პრეზიდენტმა.

The post სალომე ზურაბიშვილი ქუთაისში საზოგადოების სხვადასხვა სფეროს წარმომადგენლებს შეხვდა appeared first on TTimes.GE.

პრესკონფერენცია პარასკევს უნდა გამართულიყო, თუმცა „ტვ პირველის“ ჟურნალისტის, ლევან ჩხაიძის დაღუპვის გამო, საქართველოს პრეზიდენტის ადმინისტრაციამ მისი გადადების გადაწყვეტილება მიიღო.

„21-23 იანვარს გაიმართა სალომე ზურაბიშვილის პირველი სამუშაო ვიზიტი ბრიუსელში. შედგა უაღრესად მნიშვნელოვანი და ნაყოფიერი შეხვედრები, როგორც ევროკავშირის, ისე ნატო-ს უმაღლეს წარმომადგენლებთან. თუმცა, იქიდან გამომდინარე, რომ ტრაგიკულად დაიღუპა ჩვენი კოლეგა ლევან ჩხაიძე, ჩვენ მართებულად მივიჩნიეთ, ბრიფინგი გადაგვედო“, – განაცხადა საქართველოს პრეზიდენტის პრესსპიკერმა, ხატია მოისწრაფიშვილმა.

მისივე თქმით, პრესკონფერენცია 17:00 საათზე გაიმართება და მედიის წარმომადგენლებს საშუალება ექნებათ, მიიღონ პასუხები მათთვის საინტერესო ყველა კითხვაზე.

The post სალომე ზურაბიშვილი ბრიუსელში ვიზიტს დღეს პრესკონფერენციაზე შეაჯამებს appeared first on TTimes.GE.

მხარეებმა ხაზგასმით აღნიშნეს ევროპასთან უვიზო რეჟიმის სიკეთეების უაღრესად დიდი მნიშვნელობა, როგორც პრაქტიკული განზომილების თვალსაზრისით, ასევე, მისი პოლიტიკური მნიშვნელობის მიმართულებით.

შეხვედრისას საუბარი შეეხო იმ პრობლემატიკას, რომელიც დაკავშირებულია ევროკავშირის ქვეყნებში თავშესაფრის მაძიებლობის პრინციპის ბოროტად გამოყენებასთან.

როგორც შეხვედრის დასრულების შემდეგ საქართველოს საგარეო საქმეთა მინისტრის მოადგილემ ვახტანგ მახარობლიშვილმა აღნიშნა, ევროპულმა მხარემ დაადასტურა და პოზიტიურად შეაფასა ის ძალისხმევა, რომელსაც ქართული მხარე ახორციელებს საინფორმაციო კამპანიის წარმოების, საკანონმდებლო ცვლილებებისა და ასევე ორმხირივი თანამშრომლობის მიმართულებებით.

ქართულმა მხარემ კიდევ ერთხელ აღნიშნა, რომ საქართველო გააგრძელებს ამ მიმართულებით ძალისხმევას და მზადაა, როგორც ბრიუსელთან, ასევე ევროკავშირის წევრ სახელმწიფოებთან ახალი შესაძლებლობები ეძიოს იმისათვის, რომ ეს პრობლემა, საბოლოო ჯამში, აღმოიფხვრას.

მხარეებმა ისაუბრეს ასევე, ცირკულარული მიგრაციის- დროებითი შრომითი მიგრაციის თემატიკაზე.

ევროკომისარის მხრიდან გამოითქვა მზაობა, რომ მათ დამატებით იმუშაონ შესაბამის ქვეყნებთან და დამატებით წაახალისონ იმისათვის, რომ საქართველოსთან მსგავსი ტიპის შეთანხმებები დაიდოს.

The post საქართველოს პრეზიდენტმა ევროკომისართან თავშესაფრის მაძიებელთა და ცირკულარული მიგრაციის თემატიკაზე იმსჯელა appeared first on TTimes.GE.

შეხვედრაზე მხარეებმა ისაუბრეს საქართველოს ევროპულ მისწრაფებებზე, იმაზე თუ რაოდენ მნიშვნელივანია ეს წელი საქართველო ევროკავშირის ურთიერთობისთვის, რადგან აღინიშნება აღმოსავლეთ პარტნიორობის ათი წლისთავი. აღსანიშნავია ის ფაქტი, რომ პრეზიდენტმა დეტალური ინფორმაცია მიაწოდა საქართველოს ოკუპირებულ ტერიტორიებზე არსებულ მძიმე ჰუმანიტარულ მდგომარეობასთან დაკავშირებით.

შეხვედრები ასევე დაგეგმილია, ევროპული საბჭოს პრეზიდენტთან, დონალდ ტუსკისთან, ევროკომისიის პრეზიდენტთან, ჟან-კლოდ იუნკერთან, ევროპარლამენტის პრეზიდენტთან, ანტონიო ტაიანისთან. საგარეო საკითხებთან დაკავშირებით შეხვდება ევროპის კავშირის უმაღლეს წარმომადგენელს, ფედერიკა მოგერინის და შეხვდება ევროკომისარს მიგრაციის, საშინაო საქმეთა და მოქალაქეობის საკითხებში დიმიტრის ავრამოპულოსს.
საქართველოს პრეზიდენტის ვიზიტი ბრიუსელში 23 იანვრამდე გაგრძელდება.

The post სალომე ზურაბიშვილი იოჰანეს ჰანს შეხვდა appeared first on TTimes.GE.