საჯარო რეესტრის ეროვნული სააგენტოს ინფორმაციით, მათგან 95,2 % სამეწარმეო სუბიექტია (ინდივიდუალური მეწარმე, სოლიდარული პასუხისმგებლობის საზოგადოება, შეზღუდული პასუხისმგებლობის საზოგადოება, სააქციო საზოგადოება, კომანდიტური საზოგადოება, კოოპერატივი, უცხოური სამეწარმეო იურიდიული პირის ფილიალი), ხოლო 4,8 % – არასამეწარმეო სუბიექტი (არასამეწარმეო იურიდიული პირი, უცხოური არასამეწარმეო იურიდიული პირის ფილიალი, საჯარო სამართლის იურიდიული პირი).

ამასთან, ოფიციალური მონაცემებით, ამავე თვეში ბიზნესის რეგისტრაციის თვის ინდექსი 0,833 დონეზე დაფიქსირდა.

“აგვისტოს თვეში კლება დაფიქსირდა წინა თვესთან (17,3 %-ით), ხოლო ზრდა – წინა წლის იმავე თვესთან (26,7 %-ით) შედარებით. 2013 წლის აგვისტოში წინა თვესთან შედარებით სამეწარმეო სუბიექტების რაოდენობა 18,4 %-ით შემცირდა, ხოლო არასამეწარმეო სუბიექტების რაოდენობა – 11,5 %-ით გაიზარდა.
განსხვავებული ტენდენცია დაფიქსირდა წინა წლის იმავე თვესთან შედარებით: სამეწარმეო სუბიექტების რაოდენობის ზრდა 24,0 %-ით და არასამეწარმეო სუბიექტების რაოდენობის ზრდა 2,2-ჯერ. ამავე თვეში ბიზნესის რეგისტრაციის თვის ინდექსი სამეწარმეო და არასამეწარმეო სუბიქტების მიხედვით შესაბამისად 0,816 და 1.370 დონეებზე დაფიქსირდა”, – აცხადებენ სააგენტოში.

მათივე ინფორმაციით, აგვისტოში ბიზნესსუბიექტთა უმეტესობა დარეგისტრირდა ინდივიდუალური მეწარმის, (2 235 ერთეული, ანუ რეგისტრირებულ ბიზნესსუბიექტთა 61,3 %) და შეზღუდული პასუხისმგებლობის საზოგადოების (1 220 ერთეული, ანუ რეგისტრირებულ ბიზნეს სუბიექტთა 33,5 %) სახით.

“როგორც ჩანს, ბიზნესსუბიექტთა 94,8 % მხოლოდ აღნიშნულ სამართლებრივ სტატუსებს ანიჭებს უპირატესობას. ამავე თვეში ქვეყანაში დარეგისტრირდა: 172 არასამეწარმეო იურიდიული პირი, 8 უცხოური სამეწარმეო იურიდიული პირის ფილიალი, 3 სააქციო საზოგადოება, 2 კოოპერატივი, 2 სოლიდარული პასუხისმგებლობის საზოგადოება, 1 უცხოური სამეწარმეო იურიდიული პირის ფილიალი და 1 საჯარო სამართლის იურიდიული პირი”, – განმარტავენ უწყებაში.

18.09.13

The post საქართველოში რეგისტრირებულია – 3 644 ბიზნესსუბიექტი appeared first on TTimes.GE.