ფონდ “ღია საზოგადოება საქართველოs” ცნობით, საჯარო ინფორმაციის ხელმისაწვდომობასთან დაკავშირებული კვლევა 2012 წლის ივლისი – 2013 წლის ივნისის მონაცემებს ეყრდნობა.

ყველაზე ანგარიშვალდებული და ყველაზე დახურული საჯარო დაწესებულებები www.opendata.ge-მ გამოავლინა.

კვლევის შედეგების პრეზენტაცია დღეს სასტუმრო “რედისონში” გაიმართება. ღონისძიებას გახსნიან საქართველოს პრემიერ-მინისტრი ბიძინა ივანიშვილი და ფონდ “ღია საზოგადოება-საქართველოს” აღმასრულებელი დირექტორი ქეთი ხუციშვილი.

პრეზენტაციას საჯარო დაწესებულებების, საერთაშორისო ორგანიზაციების, დიპლომატიური კორპუსის, მედიისა და არასამთავრობო ორგანიზაციების წარმომადგენლებიც დაესწრებიან.

“მოწვეული საზოგადოება დეტალურად გაეცნობა პროექტის შედეგებს, განიხილება საჯარო ინფორმაციის ხელმისაწვდომობის პრაქტიკა და 2012 წლის 1-ლი ოქტომბრის საპარლამენტო არჩევენებამდე და არჩევნების შემდგომ პერიოდში საჯარო ინფორმაციის ხელმისაწვდომობის ტენდენციების შედარებითი ანალიზი. საქართველოს იუსტიციის სამინისტრო წარმოადგენს წინადადებებს საჯარო ინფორმაციის ხელმისაწვდომობის საკანონმდებლო მექანიზმებს გაუმჯობესებასთან მიმართებაში”, – განმარტავენ ინფორმაციის თავისუფლების განვითარების ინსტიტუტში.

IDFI პროექტს www.opendata.ge 2010 წლიდან ახორციელებს. ონლაინბაზა ნებისმიერ დაინტერესებულ პირს საშუალებას აძლევს, თვალი ადევნოს საჯარო ინფორმაციის ხელმისაწვდომობის ტენდენციებს საქართველოში, სხვადასხვა უწყებების ანგარიშებს, გეგმებსა და ბიუჯეტის ხარჯვას. www.opendata.ge-ზე საჯარო დაწესებულებებიდან ოფიციალურად გამოთხოვილი სხვადასხვა შინაარსის საჯარო ინფორმაცია ქვეყნდება.

12.09.13

The post ყველაზე ანგარიშვალდებული და ყველაზე დახურული საჯარო დაწესებულებები დასახელდება appeared first on TTimes.GE.