გავრცელებული ინფორმაციის თანახმად, ფელტმანის დღის წესრიგში სირია, ეგვიპტე, ლიბანი, აგრეთვე ირანსა და გაეროს შორის თანამშრომლობის გაზრდის საკითხები შედიოდა.

ფელტმანი ირანის საგარეო უწყების ხელმძღვანელს ჯევად ზარიფს შეხვდა. ზარიფმა შეხვედრაზე ხაზგასმით აღნიშნა, რომ ირანს გაეროსთან თანამშრომლობის გაგრძელება სურს. მან შეშფოთება გამოთქვა რეგიონში განვითარებული მოვლენებისა და ძალადობის გავრცელების გამო და დასძინა: ”რადიკალური ჯგუფების გავრცელება რეგიონის საზღვრებით არ შემოიფარგლება და იგი გავლენას მოახდენს მსოფლიოს სხვა რეგიონებსა და დასავლურ ქვეყნებზე”.

ფელტმანმა კი იმედი გამოთქვა, რომ რეგიონში სტაბილურობისა და უსაფრთხოების დამყარების, ტერორიზმისა და ნარკოკონტრაბანდასთან ბრძოლაში, განათლებისა და ჯანდაცვის მსგავს საკითხებში ირანსა და გაეროს შორის თანამშრომლობა გაღრმავდება და გაგრძელდება.

29.08.13

The post ჯეფრი ფელტმანი თეირანში იმყოფება appeared first on TTimes.GE.