როგორც მთავრობის დღევანდელი სხდომის დაწყების წინ ჟურნალისტებს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა დავით დარახველიძემ განაცხადა, პროცესი 5 თვე გაგრძელდება და დევნილთა აღრიცხვაზე 12 კომიტეტი იმუშავებს.

“12 კომისიიდან რვა საკმაოდ დიდი შემადგენლობის კომისიაა და თითოეული მათგანის შემადგენლობა ათ-ათი წევრით განისაზღვრება, ხოლო დანარჩენი 4 შედარებით პატარაა და მათში 5-5 წევრია წარმოდგენილი. შედგენილია გრაფიკი. ისინი სხვადასხვა მუნიციპალიტეტში გადაადგილდებიან და მოახდენენ დევნილთა ხელახალ რეგისტრაციას”, – განაცხადა დავით დარახველიძემ.

მისივე განმარტებით, რეგისტრაცია 27 დეკემბერს დასრულდება.

მინისტრის თქმით, სწორედ დეკემბრის ბოლოს გახდება მათთვის ცნობილი დევნილთა ზუსტი რიცხვი, მათი სოციალურ-ეკონომიკური პირობები და შეეძლებათ მათთან მიმართებაში ახალ ხედვის და პოლიტიკის ჩამოყალიბება.

30.07.13

The post 1 აგვისტოდან 27 დეკემბრამდე დევნილთა ხელახალი რეგისტრაცია განხორციელდება appeared first on TTimes.GE.