ესტონეთი ახალი პრეზიდენტი კერსტი კალიულაიდი გახდა. მის კანდიდატურას ქვეყნის 101 ადგილიანი პარლამენტის 81-მა წევრმა დაუჭირა მხარი, წინააღმდეგი 17 კანონმდებელი იყო. 46 წლის კერსტი კალიულაიდი ესტონეთის პირველი ქალი პრეზიდენტი გახდა. ის ქვეყნის პრეზიდენტის თანამდბეობაზე ერთადერთი კანდიდატი იყო არჩევნების რამდენიმე უშედეგო რაუნდის შემდეგ.
კერსტი კალიულაიდი 2004-2016 წლებში ევროპის აუდიტორთა სასამართლოში ესტონეთის წარმომადგენელი იყო. 2011 წელს ის ტარტუს უნივერსიტეტის მმართველთა საბჭოს წევრი გახდა.
