თამარ თოდაძის ადვოკატის, თამარ ლუკავას ინფორმაციით, გენერალური პროკურატურა ილია ჯიშკარიანისთვის აღკვეთის ღონისძიების სახით 10 ათასლარიანი გირაოს შეფარდებას ითხოვს. ამის შესახებ ჟურნალისტებს თამარ ლუკავამ განუცხადა.
“პროკურატურამ 10 ათასი ლარის ოდენობით გირაო მოითხოვა, ხოლო ჩვენ 11 ოქტომბერ გვაქვს პრესკონფერენცია 10:30 საათზე და ჩვენს მოსაზრებას იქ გაიგებთ”, – განუცხადა ლუკავამ “ინტერპრესნიუსს”.
საკრებულოს დეპუტატის ილია ჯიშკარიანისთვის აღკვეთი ღონისძიების შეფარდების სასამართლო სხდომა 11 ოქტომბერს, 12:30 საათზე, ნიუ ჰოსპიტალსში გაიმართება.
შეგახსენებთ, ისნის რაიონის საკრებულოს მაჟორიტარ დეპუტატ ილია ჯიშკარიანს 8 ოქტომბერს, საკრებულოს თანამშრომლის თამთა თოდაძის მიმართ განხორციელებული სექსუალური ხასიათის სხვაგვარი ქმედებისა და ცემის ფაქტზე ბრალი წარუდგინეს.
