ზაფხულის მოახლოება დასვენებასთან ასოცირდება. 2020 წელს ეს სეზონიც განსხვავებულია – შესაბამისი მოცემულობები ბევრად გამკაცრებულია და ადამიანებს არაერთი არაკომფორტული რეკომენდაციის გავლა უწევთ, რაც, საბოლოოდ, გამომდინარეობს იქედან, რომ ვიყოთ დაცულები.
ბიზნესმა ნელ-ნელა დაიწყო ამუშავება. ჯანდაცვის სამინისტროს რეკომენდაციების გათვალისწინების შემთხვევაში, მათ შორის, სასტუმროებსა და რესტორნებსაც აქვთ მუშაობის გაგრძელების უფლება. თუმცა, სხვა საკითხია, რამდენად ღირებული იქნება ეს ამ ბიზნესების წარმომადგენლებისთვის. ამ თემაზე „თბილისი თაიმსი“ სასტუმროებისა და რესტორნების ფედერაციის დამფუძნებელს, შალვა ალავერდაშვილს ესაუბრა.
ალავერდაშვილის თქმით, ამ ეტაპზე, სასტუმროების მხოლოდ 15%-ია გახსნილი, თუმცა ეს იმას არ ნიშნავს, რომ მხოლოდ ამ ნაწილმა დააკმაყოფილა მოთხოვნები და დანარჩენმა ეს ვერ შეძლო. როგორც ის აღნიშნავს, დანარჩენისთვის გახსნას, უბრალოდ, აზრი არ ჰქონდა.
როგორც ალავერდაშვილმა ჩვენთან საუბრისას აღნიშნა, სასტუმროებისა და რესტორნებისთვის 2021 წლამდე არის “გადარჩენის პერიოდი”. ეს ნიშნავს იმას, რომ მოგებაზე საუბარი შეუძლებელია. ფასები არის განახევრებული და გმირობის ტოლფასი იქნები, თუ ამ ბიზნესის წარმომადგენლები ობიექტებს გახსნიან.
უკვე გახსნილი ობიექტების მონიტორინგი რეგალარულად მიმდინარეობს. დარღვვევების შემთხვევაში, გათვალისწინებულია ჯარიმა, თითოეული ობიექტოსთვის – 10 000 ლარი. ამ ეტაპზე, დაჯარიმებულია 16 მათგანი, ჯამურად, 160 000 ლარის ოდენობით.
ავტორი: მარიამ ტიელიძე
