სამეგრელო-ზემო სვანეთის გუბერნატორმა ალექსანდრე მოწერელიამ, მისმა მოადგილე ნინო ვიბლიანმა და პროგრამა USAID-ის პროექტის “ზრდა საქართველოში” ხელმძღვანელმა ბრაიან კინგმა, ტურიზმის ეროვნული ადმინისტრაციის ხელმძღვანელის მოადგილის მოვალეობის შემსრულებელთან, თორნიკე ზირაქიშვილთან ერთად სამეგრელო-ზემო სვანეთის ტურიზმის განვითარების რეგიონული სიმპოზიუმი გახსნეს. სიმპოზიუმის მიზანია განისაზღვროს რეგიონში ტურიზმის განვითარებასთან დაკავშირებული პრობლემები და გამოწვევები, დადგინდეს პრიორიტეტები, რაც ხელს შეუწყობს სამეგრელო-ზემო სვანეთის მსოფლიოს მასშტაბით პოპულარიზაციას და მის, როგორც საქართველოს ერთ-ერთ საუკეთესო ტურისტული რეგიონის, წარმოჩენას. პროექტის “ზრდა საქართველოში” ფარგლებში, საქართველოს ტურიზმის ეროვნული ადმინისტრაციისა და სამეგრელო-ზემო სვანეთის სამხარეო ადმინისტრაციის მხარდაჭერით, დაარსდა სამუშაო ჯგუფი, რომლიც რეგიონში აგრო, ეკო, სათავგადასავლო და კულტურულ ტურიზმს განავითარებს.
“ჩვენი მოსახლეობის ეკონომიკური მდგომარეობის გაუმჯობესება დამოკიდებულია რეგიონში ტურიზმის განვითარებასთან, რაც პირდაპირ კავშირშია ინფრასტრუქტურის, სოფლის მეურნეობისა და განათლების განვითარებასთან. დღევანდელი ღონისძიების დიდი მოკავშირე და სულისჩამდგმელი არის ამერიკის შეერთებული შტატების პროგრამა USAID-ის პროექტი “ზრდა საქართველოში”. ჩვენ გვაქვს უნიკალური შანსი, გამოვიყენოთ ეს შესაძლებლობები”, – განაცხადა ალექსანდრე მოწერელიამ.
