სასტუმროში მოთავსებულ ყველა პირს და ბინაზე დატოვებულთა ნაწილს 3სავალდებულო გამოკვლევა ჩაუტარდება.
აღნიშნულთან დაკავშირებით ინფექციური საავადმყოფოს ხელმძღვანელმა თენგიზ ცერცვაძემ ჯანდაცვის მინისტრთან შეხვედრის შემდეგ ისაუბრა.
„შერჩევით, ეს აქამდეც ტარდებოდა, მაგრამ დღეიდან სავალდებულო და სისტემური იქნება. მინდა გითხრათ, რომ ევროპისა და ამერიკის არც ერთ ქვეყანას ასეთი ვალდებულება არ აქვს აღებული – რომ ბინაზე დატოვებულებს ეს სამი ძირითადი გამოკვლევა ჩაუტაროს.
D-დიმერის განსაზღვრა გაძლევს სიგნალს, აქვს თუ არა თრომბოებოლიური გართულების რისკი პაციენტს, მეორე – სისხლის საერთო ანალიზი გაძლევს წარმოდგენას, რამდენად მძიმეა პროცესი და ხომ არაა ბაქტერიული გართულება და მესამე – სატურაციის განსაზღვრა, რომელიც ძალიან მნიშვნელოვანია და ის ბინაზე არსად არ კეთდება; მისით განისაზღვრება, ჟანგბადდამოკიდებული ხომ არაა ბინაზე დატოვებული პაციენტი“ – განაცხადა ცერცვაძემ.
