თბილისის ცენტრში ახალგაზრდას მანქანიდან ესროლეს, დაჭრეს და შემდეგ დაჭრილი გაიტაცეს.
თვითმხილველთა თქმით, თავდამსხმელები ორი მანქანით იყვნენ.
დაჭრილი კლინიკაშია გადაყვანილი, უცნობია, როგორია მისი ჯანმრთელობის მდგომარეობა.
თვითმხილველი “ტვ პირველს”უყვება, რომ მინიმუმ 4 გასროლის ხმა გაიგო. შემთცვევის ადგილს სისხლის კვალი ამ დრომდე ეტყობა.
შემთხვევის ადგილზე, დოლიძის ქუჩაზე, საგამოძიებო მოქმედებები მიმდინარეობს. ექსპერტ კრიმინალისტები ერთ-ერთ ავტომობილს ასურათებენ. მთავარი მტკიცებულება საბურავია, რომელიც ექსპერტიზაზე უნდა წაიღონ, რადგან თავდამსხმელების მიერ ნასროლი ტყვია სავარაუდოდ საბურავს მოხვდა.
ადგილზე მობილიზებული პოლიციელები კომენტარს არ აკეთებენ.
როგორც შინაგან საქმეთა სამინისტროში აცხადებენ, მომხდარზე გამოძიება დაიწყო სისხლის სამართლის კოდექსის 117-ე მუხლით, რაც სხეულის განზრახ მძიმე დაზიანებას გულისხმობს და 236-ე მუხლით, რაც ცეცხლსასროლი იარაღის უკანონო შეძენა-შენახვა ტარებას გულისხმობს.
წყარო : ტვ პირველი
