მამაკაცებიც ისევე ზრუნავენ საკუთარი თავის მოვლაზე, როგორც ქალბატონები? ისინიც ისეთივე დროს ახმარენ შესაბამისი საშუალებების შერჩევას, როგორც მდედრობითი სქესის წარმომადგენლები? საინტერესოა, როგორი ტენდენციაა, ამ მხრივ, საქართველოში. კომპანია „წვერა“ სწორედაც რომ მამაკაცებისთვის შეიქმნა, თუმცა, მან ქალბატონებსაც არაერთი გადაწყვეტილების მიღება გაუმარტივა.
როგორ ქმნის „წვერა“ საკუთარ პროდუქციას და რატომ არის ის კომფორტული? საკითხის შესახებ „თბილისი თაიმსს“ კომპანიის თანადამფუძნებელი, გეგა ლატარია ესაუბრა.
დეტალურად, რას გულისხმობს თქვენი საქმიანობა?
“წვერა” მომხმარებლებს სთავაზობს პრემიუმ ხარისხის, მამაკაცის თავის მოვლის საშუალებებს, რომელთა დიზაინი და შეფუთვა შექმნილია საქართველოში. პროდუქცია მზადდება 100%-ით ნატურალური ეთერზეთებისგან, არის სრულიად უსაფრთხო და ორგანული. ,,წვერა,, ასევე გთავაზობთ პირველ ქართულ, პროფესიონალური მოხმარების ტრიმერს, რომელიც უპრობლემოდ უმკლავდება ნებისმიერი ტიპისა და სიხშირის თმას. ასევე, აქვს ძალიან დაბალი ხმა, რაც კიდევ უფრო მოსახერხებელსა და კომფორტულს ხდის მის გამოყენებას.
თქვენი პროდუქციის წარმოშობის შესახებ რას გვეტყვით?
პროდუქცია მზადდება თმისა და წვერის მოვლის სამშობლო ინდოეთში, უმაღლესი ხარისხის ინგრედიენტებისგან. თითოეულ პროდუქციას აქვს რამდენიმე არომატი, რაც მაქსიმალურად მორგებულია სხვადასხვა გემოვნების ადამიანზე.
ზოგადად, როგორ შეაფასებთ – საქართველოში მამაკაცები თავის მოვლას საკმაო ყურადღებას აქცევენ?
რაც შეეხება მამაკაცების დაინტერესებას თავის მოვლის საშუალებების მიმართ. შეიძლება ითქვას, რომ დაინტერესება ამ მხრივ ყოველდღიურად იზრდება. ქალბატონებსაც გავუმარტივეთ მამაკაცებისთვის საჩუქრის არჩევის პროცესი. ქართული ბაზარი დიდი სიმპათიით შეხვდა ჩვენს ბრენდს, მოსწონთ პროდუქციის ხარისხი.
დიდი გამოხმაურება გამოიწვია ასევე პირველი ქართული ბრენდის ტრიმერმაც, მისი ვიზუალით, კომპაქტური ზომითა და შესაძლებლობებით არაერთი მომხმარებელია კმაყოფილი. ბრენდის შექმნამდე ძალიან დიდი დრო დაგვჭირდა პროდუქციის ბრენდირებაზე, ყუთის საუკეთესო მოდელების შექმნაზე. ვფიქრობ, საინტერესო პროექტი გამოგვივიდა, რისთვისაც მადლობას ვუხდი თითოეულ ჩვენს თანამშომელს, თითოეულ პარტნიორ კომპანიას შეტანილი წვლილისთვის. მადლობა თითოეულ მომხარებელს, რომელიც გვერდში უდგას ჩვენს ბრენდს და ეხმარება მას განვითარებაში. ჯერ ორიოდე თვეა, რაც დავიწყეთ ოპერირება ქართულ ბაზარზე, წინ მრავალი განსახორციელებელი გეგმაა!
მასალა მოამზადა : მარიამ ტიელიძემ