თბილისის მერი კახა კალაძე “ფეისბუქზე” თავის ჯანმრთელობის მდგომარეობასთან დაკავშირებით პოსტს აქვეყნებს.
როგორც ის ამბობს, მას დაუდასტურდა ვერტებრო-ბაზილარული სინდრომი და ვესტიბულოპათია და მკურნალობას თბილისის ერთ-ერთ კლინიკაში გადის.
“მეგობრებო, უამრავი შეტყობინება მომდის, მწერენ ნაცნობები და სრულიად უცნობი ადამიანები, თუ სად ვარ და რატომ არ ვჩანვარ აქტიურად.
თავს ვალდებულად ვთვლი მოგაწოდოთ ინფორმაცია: დამიდასტურდა ვერტებრო- ბაზილარული სინდრომი და ვესტიბულოპათია, რის გამოც ვიმყოფები სამედიცინო კვლევებზე თბილისის ერთ-ერთ კლინიკაში. ვმუშაობ დისტანციურ რეჟიმში და ვაგრძელებ მკურნალობას. მინდოდა, ეს ინფორმაცია ჩემგან მიგეღოთ. შეხვედრამდე”, – წერს თბილისის მერი.
