საზოგადოებისთვის ცნობილი გახდა, რომ საქართველოს დედაქალაქს წილა ხვდა პატივი, ერთი წლის განმავლობაში იყოს წიგნის მსოფლიო დედაქალაქი. ამ პერიოდის მანძილზე ძალიან კრეატიული, საინტერესო და სახალხო პროექტები, კონკურსებია დაგეგმილი. კონკრეტულად:
ინტერაქციული წიგნები პროექტი – გათვლილია უფროსკლასელებისა და სტუდენტებისთვის. ორთვიანი სასწავლო კურსის ფარგლებში, მონაწილეები შეისწავლიან თანამედროვე კომპიუტერულ ტექნოლოგიებს, რომელიც ინტერაქციული წიგნების შექმნაში დაეხმარებათ.
აუდიო წიგნები – განსაკუთრებული საჭიროებების მქონე ადამიანიებისთვის, შეიქმნება უახლესი ქართული და უცხოური მხატვრული ლიტერატურის თარგმანების აუდიოწიგნები.
კინოსცენარების კონკურსი – საქართველოს ეროვნულ კინოცენტრთან თანამშრომლობით, ჩატარდება მოკლემეტრაჟიანი ფილმების სცენარების კონკურსი.
წიგნადი ფონდები საჯარო სკოლებში – პროექტის ფარგლებში, დაგეგმილია თბილისის ყველა საჯარო სკოლის ბიბლიოთეკის განახლება.
ქართველ ავტორებთან შეხვედრა – პროექტის ფარგლებში, ქართველი ავტორები სკოლებს ესტუმრებიან და მოსწავლეებს საკუთარ შემოქმედებას გააცნობენ.
საბავშვო ბიბლიოთეკა – პროექტის ფარგლებში, დაგეგმილია თბილისში პირველი საბავშვო ბიბლიოთეკის გახსნა.
საბავშვო წიგნის ფესტივალი – პირველი საბავშვო წიგნის ფესტივალის ძირითადი მიმართულება საბავშვო ლიტერატურა და საგანმანათლებლო პროექტები იქნება.
საუბრები თანასწორობაზე – აღნიშნული პროექტი წარმოადგენს TEDTalk-ის ანალოგს. ათი თანამედროვე ქართველი ავტორი, აუდიტორიასთან, თანასწორობის თემაზე ისაუბრებს.
ურბანული ისტორიები – ურბანული ისტორიები შეხვედრების სერიაა, რომელიც, წლის განმავლობაში რამდენჯერმე, თბილისის ისტორიულ უბნებში გაიმართება.
ილუსტრაციების ბაზრობ/აფესტივალი – პროექტის მიზანია, შეიქმნას პლატფორმა ილუსტრატორებისა და დიზაინერებისთვის, რომელიც გამომცემლებსა და ილუსტრაციებით დაინტერესებულ ყველა პირს, საშუალებას მისცემს, გაიცნონ და აღმოაჩინონ ახალი სახეები.
რეპრესიების მსხვერპლ მწერალთა მუზეუმი – რეპრესიების მსხვერპლი მწერლების მუზეუმის მიზანია, შეისწავლოს და საზოგადოებისთვის ხელმისაწვდომი გახადოს, 1920-იან წლებიდან მოყოლებული, საბჭოთა ხელისუფლების მიერ რეპრესირებულ მწერლებზე არსებული ინფორმაცია.
წიგნების ფლიმარკეტი – წიგნების ფლიმარკეტი წლის განმავლობაში რამდენჯერმე ჩატარდება
Street Art – დაგეგმილია ქალაქში არსებული მრავალსართულიანი კორპუსების ლიტერატურული ნაწარმოებების ილუსტრაციებით მოხატვა
სარეზიდენციო პროგრამა ქართველი ავტორებისთვის – შეირჩევა ათამდე ქართველი ავტორი, რომლებიც რეზიდენციის ერთ თვეს ახალი ნამუშევრების შესაქმნელად გამოიყენებენ.
საგამომცემლო საქმიანობის განვითარება – პროექტის მიზანია, ჩატარდეს პროფესიული ტრენინგები ყველა საგამომცემლო კომპონენტში.
ქართველი მთარგმნელების ხელშეწყობის პროგრამა – პროექტის მიზანია, ხელი შეუწყოს ისეთი იშვიათად თარგმნილი ენებიდან მთარგმნელებს, როგორებიცაა იაპონური, პორტუგალიური, უნგრული, შვედური, ჩინური, ფინური, ესპანური და იტალიური
ლიტერატურული ფორუმი ქართველი და უცხოელი გამომცემლებისა და ლიტერატურული აგენტებისთვის – მიზანია, ხელი შეუწყოს როგორც ქართული ლიტერატურის პოპულარიზაციას საზღვარგარეთ, ასევე, უცხოური ლიტერატურისას საქართველოში
ლიტერატურული ქვესთი – წიგნის მსოფლიო დედაქალაქი თბილისი ერთი წლის განმავლობაში მსოფლიოს უამრავ ლიტერატურულ პერსონაჟს უმასპინძლებს
ლიტერატურული ქოსფლეი – ლიტერატურული გმირების კოსტიუმების შექმნისა და დემონსტრირების კონკურსი
პროფესიული პროგრამა უცხოელი გამომცემლებისთვის – ტრადიციული ბაზრობა უფრო მასშტაბური და მრავალფეროვანი გახდება: დაემატება პროფესიული პროგრამა უცხოელი გამომცემლებისთვის
საერთაშორისო კონფერენცია – საგამომცემლო სფეროს განვითარებისთვის ამიერკავკასიაში პირველად ჩატარდება საერთაშორისო კონფერენცია გამომცემლებისთვის.
ეროვნული საბიბლიოთეკო კონფერენცია – საქართველოს პარლამენტის ეროვნული ბიბლიოთეკასთან თანამშრომლობით, გაიმართება კონფერენცია ადგილობრივი ბიბლიოთეკარებისთვის
ვაჟა – ფშაველას იუბილე – სახელმწიფო ენის დეპარტამენტთან თანამშრომლობით, მზადდება უნიკალური გამოცემა “ვაჟა ფშაველას წერილები”.
გალაკტიონის იუბილე – დაგეგმილია ავტორის აქამდე უცნობი საარქივო მასალის გამოფენა ლიტერატურის მუზეუმსა და გალაკტიონის სახლ-მუზეუმში.
Storyteller’s cave – სივრცე, სადაც ნებისმიერი ადამიანი შეძლებს, საკუთარი შეგრძნებების
ციფრული ასახვით, პირადი ისტორია ააწყოს.
ქართული სანოტო საბეჭდი სტამბა – პროექტის ფარგლებში, თანამედროვე ტექნოლოგიებითა და ანიმაციით, სანოტო სტამბისა და „ივერიის” გამომცემლობის აღდგენა და მუდმივმოქმედი გამოფენის მომზადებაა დაგეგმილი.
წიგნის საერთაშორისო ბაზრობები და ფესტივალები – პანდემიასთან დაკავშირებული შეზღუდვების გათვალისწინებით, „თბილისი – წიგნის მსოფლიო დედაქალაქი 2021“ მიზნად ისახავს, ყველა შესაძლო საერთაშორისო ღონისძიებაზე ავტორებთან ერთად წარდგეს, რითაც ხელს შეუწყობს ქართული ლიტერატურის საზღვარგარეთ გაყიდვის პოტენციალის გაზრდას.
მასალა მოამზადა : მარიამ ტიელიძემ
