სასამართლო მოგებულია – ბავშვებს, რომლებიც სიღარიბის გამო დედას ჩამოართვეს და მინდობით აღზრდაში გადაიყვანეს და რომლებიც ერთი წლის წინ, დედამ მაინც დაუბრუნა, სახელმწიფომ მორალური ზიანი უნდა აუნაზღაუროს და მათ 35 000 ლარი გადაუხადოს.
მოსარჩელეები ამ საქმეში სწორედ ბავშვები იყვნენ.
მას შემდეგ, რაც შარშან მინდობით აღზრდაში მყოფი ორი შვილი (ერთი, უმცროსი დედასთან დატოვეს) სასამართლოს გზით დედასთან დაბრუნდა, ბავშვებისვე თხოვნით, საქმე სასამართლოში მაინც გაგრძელდა. ბავშვები ითხოვდნენ, რომ მათი უფლებები ბოლომდე ყოფილიყო დაცული და სახელწმიფოს მათთვის მიყენებული მორალური ზიანიც აენაზღაურებინა.
მათ უფლებებს იცავდა ორგანიზაცია „პარტნიორობა ადამიანის უფლებებისთვის“ (PHR) და ადვოკატი ანა არგანაშვილი, რომელმაც რადიო თავისუფლებას უთხრა, რომ PHR-მა სასამართლოს სამივე ბავშვის (ერთი, უმცროსი ბავშვი დედასთან იყო) შემთხვევაში მოსთხოვა მორალური ზიანის ანაზღაურება.
