„ჩვენ გვგონია,რომ შეიძლება მცდელობა ჰქონდეთ, მაგრამ გაყალბებას ვერ მოახერხებენ. ჩვენ დავიცავთ ჩვენს ხმებს და დაველოდებით საბოლოო შედეგს. სანამ დადგება საბოლოო შედეგი, ინდიკატორი იქნება ეგზიტ პოლი. ამაში გასაკვირი რა არის“. არჩევნების შემდეგ სავარაუდო დესტაბილიზაციის მოწყობის ბრალდებებს „ნაციონალური მოძრაობის“ წევრმა სერგი კაპანაძემ ტელეკომპანია „იმედზე“, გადაცემა „ღია ეთერში“ უპასუხა.
„ „ნაციონალური მოძრაობა“ არ გეგმავდა არასოდეს, არ გეგმავს და არც აპირებს,რომ რაიმე ძალისმიერ სცენარზე იფიქროს. სამწუხაროდ როგორც ჩანს ხელისუფლებას ურჩევნია დებატები ამ კუთხით წაიყვანოს, იმიტომ,რომ არ აქვს პასუხები ქვეყნის მთავარ პრობლემებზე.
ჩანაწერი მოვისმინე და დამრჩა შთაბეჭდიელბა,რომ ეს იყო უნიჭოდ გაკეთებული კომპილაცია, თანაც სუს–ის მიერ. ჩანაწერიც და მონტაჟიც უნიათო იყო. „ქართული ოცნება“ ბოლო პერიოდში აჟღერებს დაპირებებს, მათ შორის გაზრდილი პენსიებს. დღეს გამოქვეყნდა ბიუჯეტში და მასში არ დევს გაზრდილი პენსია, გაზრდილი სოციალური დახმარება. ამ თემებზე უჭირთ პასუხის გაცემა.
ნაცონალურ მოძრაობას აქვს მრავალმხრივი გამოცდილება, 2003 წელს „ნაციონალურ მოძრაობას“ გაუყალბეს არჩევნები, თუმცა შემდეგ ეს ხალხი სახლში წავიდა. „ნაციონალურ მოძრაობას“ ასევე აქვს არჩევნებში გამარჯვების და დამარცხების გამოცდილებაც. ჩვენ 2012 წელს ყველანარი ძალადობის და ექსცესები გარეშე დავტოვეთ ხელისუფლება. მე მაქვს კითხვა ოპონენტების მიმართ, ისინი რომ ამ არჩევნებს წააგბენ, აპირებენ რომ მშვიდობიანად გადააბარონ ხელისუფლება სხვას, ისევე როგორც ჩვენ გადავაბარეთ?
გამოვრიცხავ,რომ ნაციონალური მოძრაობა ან ვინმე მოძრაობის შიგნით გეგმავდეს რაიმე დესტაბილიზაციას. ამ ოთხი წლის განმავლობაში ჩვენ გვქონდა კონკრეტული სტრატეგია ამოცანების მისაღწევად, გვქონდა რამდენიმე მრავალათასიანი მიტინგი და ყველა მათგანი იყო მშვიდობიანი. სხვა ტიპის პარტია ვართ, სხვა ტიპის სტრატეგიებით. მხარდაჭერა კარგად გამოჩნდა ბათუმში და ზუგდიდში, სადაც მოსახლეობასთან მორიგ შეხვედრაზე 20 ათასამდე ადამიანი მოვიდა. მხარდაჭერა ასევე კარგად გამოჩნდება ოთხშაბათს, 5 ოქტომბერს მრავალათასიან მიტინგზე,რომელიც გვექნება თბილისის ცენტრში.
ყველა კვლევაში მოსახლეობას აინტერესებს ეკონომიკური საკითხები, უმუშევრობა, სოციალური საკითხები. წინასაარჩევნო კამპანია უნდა იყოს ამ თემებზე ორიენტირებული. ის,რომ ამერიკის შეერთებულლი შტატები ამბობს,რომ წინასაარჩევნო კამპანია საკითხებზე მორგებულიაო, პირველ რიგში ჩვენი დამსახურებაა,“–განაცხადა სერგი კაპანაძემ.
მანანა ღოღობერიძე
