სიტყვა „მეკობრე“ ჩვენთვის ბავშვობასთან ასოცირდება. სწორედ ამ პერიოდში გვსმენია პირველად მის შესახებ. შემდეგ უკვე, ფილმებიდან, წიგნებიდან მათ შესახებ მეტი გავიგეთ.
მეკობრეობა ქურდობასა და ნივთების გატაცებას გულისხმობს. ეს პროცესი კი ზღვასა და გემებს უკავშირდება.
მეკობრეობა სათავეს ანტიკური პერიოდიდან იღებს. ძალიან დიდი ხნის წინ გაჩენილი ეს „პროფესია“ მსოფლიოსთვის, ეკონომიკისთვის საფრთხეს დღემდე წარმოადგენს.
სიმბოლურია დროშა, რომელიც ყაჩაღებს წარმოადგენს – დროშები იყო მრავალფეროვანი, თუმცა, საერთო იდეის – სიკვდილის მატარებელი. ყველაზე მეტად, ცნობილია დროშა – „მხიარული როჯერი“.
ალბათ, ბევრმა არ იცის, რომ ასეთი ცნებაც არსებობს – „დაკანონებული მეკობრეობა“. ის ცნობილია, როგორც „კაპერობა“. ადრე ასე უწოდებდნენ საზღვაო ძარცვასა და ყაჩაღობას, რომელიც მიმართული იყო სხვა ქვეყნის გემების წინააღმდეგ და რომელსაც მხარს ხელისუფლება უჭერდა.
საინტერესოა, რომ მეკობრეები ყოველთვის იცვლიდნენ საკუთარ ნამდვილ სახელებს. ფილმებიდანაც ხომ სწორედ ასე გვსმენია. ამას ერთადერთი მიზანი ჰქონდა – ისინი მიუწვდომლები ყოფილიყვნენ მართლმსაჯულებისთვის.
როგორც უკვე აღვნიშნეთ, მეკობრეობა საფრთხეს 21-ე საუკუნეშიც წარმოადგენს. დღესაც, აღნიშნული ყაჩაღობის ასობით და მეტი ფაქტის შესახებ გვესმის მთელი მსოფლიოს მასშტაბით. გარდა იმისა, რომ მეკობრეობა ზიანს ქვეყნების ეკონომიკას აყენებს, ამ პროცესებს ათობით ადამიანი ეწირება. მიჩნეულია, რომ ამ მხრივ ყველაზე საშიში რეგიონი ინდოეთის ოკეანის აუზია.
მასალა მოამზადა : მარიამ ტიელიძემ
