საქართველოს პრემიერ-მინისტრმა, ირაკლი ღარიბაშვილმა ხმა ვაკის მე-11 საარჩევნო უბანზე მისცა. პრემიერი საარჩევნო უბანზე ოჯახთან ერთად მივიდა. როგორც ირაკლი ღარიბაშვილმა ჟურნალისტებს განუცხადა, მან ხმა მისცა საქართველოს მომავალს, წინსვლას, განვითარებას, სტაბილურობას. “მე ხმა მივეცი ჩვენი შვილების ბედნიერ მომავალს. ჩვენ გვაქვს მტკიცე ნება, რომ ეს არჩევნები, რომელიც არის ძალიან მნიშვნელოვანი, ჩვენი ქვეყნის განვითარებისთვის და სტაბილურობისთვის, ჩატარდეს მაქსიმალურად მშვიდ და დემოკრატიულ გარემოში. ჩვენ ამისათვის ყველა წინასწარი პირობა დაცული გვქონდა და დღესაც მაქსიმალურად მობილიზებული ვართ, რომ დღევანდელი არჩევნები, ეს დღე ძალიან წარმატებული იყოს ჩვენი ქვეყნის განვითარების ისტორიაში” , – განაცხადა ღარიბაშვილმა. მან კიდევ ერთხელ მოუწოდა ყველა პარტიას, აქტივისტსა თუ მხარდამჭერს, მაქსიმალურად შეიკავონ თავი ემოციებისგან და ნებისმერი პროვოკაციისგან. “ასევე მინდა მივმართო სამართალდამცავებს, მაქსიმალურად დროულად და ეფექტურად აღკვეთონ ნებისმიერი პროვოკაცია, ნებისმიერი მცდელობა რაიმე დარბევის ან ჩაშლის”, – განაცხადა ღარიბაშვილმა. 15.06.14
