ნებისმიერი ნაწარმოები ემოციებთანაა დაკავშირებული. იმის განცდა, რომ გადმოცემული ამბავი ოდესღაც, სადღაც ნამდვილად მოხდა, ამ ემოციებს აასმაგებს. არსებობს წიგნები, რომლებიც სწორედაც რომ რეალურ ამბებს ასახავს.
სუადი – ცოცხლად დამწვარი – ისტორია, რომელიც ქალთა ჩაგვრას ასახავს. ამბავი სისასტიკეზე, უსამართლობაზე, ბრძოლაზე და მთავარი გმირი, რომელიც, უბრალოდ, მსხვერპლია.
შინდლერის სია – მოგზაურობა პოლონეთსა და მეორე მსოფლიო ომის რეალობაში. ამბავი სიკვდილისგან უამრავი ებრაელის ხსნისა, ამბავი სიმამაცისა, ამბავი უდიდესი რისკისა…
მე ვარ მალალა – 14 წლის პაკისტანელი გოგონას ისტორია. მალალამ უდიდესი სიმამაცე გამოიჩინა და, ქალთა უფლებების დასაცავად, “თალიბებს” დაუპირისპირდა. ეს არის ავტობიოგრაფია, რომელიც “თალიბების” სროლას გადარჩენილ გოგონაზე გვიამბობს.
ანე ფრანკის დღიური – მთელს მსოფლიოში უდიდესი დაინტერესებით სარგებლობს დღემდე, განურჩევლად სქესისა და ასაკისა, ყველა ადამიანში.13 წლის ებრაელი გოგონას ამბავი, რომელოს სავსეა ემოციებით, შიშით, იმედით, რწმენით…
ეგზორცისტი – ნამდვილი, შემაძრწუნებელჯ ამბავი, რომელიც 12 წლის გოგონას გარშემო ვითარდება. ის თავიდან ბოლომდე საშინელებათა ჟანრია. წიგნი 1949 წელს მომხდარ რეალურ ამბებს ასახავს.
მასალა მოამზადა : მარიამ ტიელიძემ
