30 ოქტომბერს ადგილობრივი თვითმმართველობის არჩევნების მეორე ტურია ჩანიშნული. პარალელურად, საქართველოს მესამე პრეზიდენტი, მიხეილ სააკაშვილი ციხეში იმყოფება. ის, პროტესტის ნიშნად, შიმშილობს. ასეთია ვითარება ჩვენს ქვეყანაში. ამ უკანასნელი ფაქტის შესახებ გვესმის შეფასებები. ისინი არაერთგვაროვანია. მმართველი პარტიის განცხადებით, სააკაშვილი არ არის პოლიტპატიმარი, ის დამნაშავეა და უნდა აგოს პასუხი.
საკითხს “თბილისი თაიმსთან” საუბრისას ანალიტიკოსი, ამირამ სალუქვაძე აფასებს.
“რა არის სააკაშვილისგან მოსალოდნელი – საბოტაჟი, ძიძგილაობა, რყევები, პროვოკაციები სხვადასხვა ფორმით. როგორც თვითონ დარწმუნდა, ეს არ არის ის საპატიმრო დაწესებულება, რომელიც მან დატოვა. მას დღეში, რამდენჯერაც სურვილი ექნება, აქვს შეხვედრების საშუალება შეუზღუდავად. ციხიდან გამოაქვთ მისი წერლები, მიმართვები. ახლახან მას ორი პროვოკაციული მიმართვა ჰქონდა. მათ შორის, ერთი შეეხებოდა თავდაცვის სფეროს და იყო ძალიან საზიანო. მის “ფეისბუქგვერდს” მილიონზე მეტი გამომწერი ჰყავს. ეს გამომდინარე იქედან, რომ უკრაინაში მოღვაწეობდა და იქ ძალიან ბევრი ადამიანი ცხოვრობს. პლუს, ჰყავს ქართველი, რუსი გამომწერები და ა.შ.
სწორედ ამ “ფეისბუქგვერდის” საშუალებით ცდილობს, შექმნას თემები. თუმცა, არ მგონია, ამას გრძელვადიანი პერსპექტივა ჰქონდეს. დაიღლება ამ ყველაფრით მოსახლეობა. არ შეიძლება, ყოველდღე ვსაუბრობდეთ მსჯავრდებულზე. თავად წლების განმავლობაში ასიათასობით მსჯავრდებული ჰყავს გამწარებული. ყველა მათგანს როგორი სასამართლოს უფლება და შესაძლებლობა ჰქონდა, ვიცით. ამიტომ, ეძებოს საკუთარი სამართალი ევროპულ სასამართლოებში და დაამშვიდოს ქვეყანა. თუმცა, ეს მოწოდება რიტორიკული”, – განმარტავს ანალიტიკოსი.
სალუქვაძის შეფასებით, აქცია, რომელიც მათ გამართეს, იყოს დაძაბულობის წინაპირობა.
“დაძაბულობის მოსამზადებელი იყო ის აქცია, რომელიც გამართეს. თავისი ჭკუით, შექმნეს სიტუაცია, თითქოს, ძალიან ბევრი მომხრე ჰყავთ. გასაგებია, ჰქონდათ მოლოდინები მათ ოპონენტებს, რომ ბევრად ნაკლები იქნებოდა აქციაზე. თუმცა, რაოდენობა არც ისეთი იყო, რომ კრიტიკული მასა შეექმნა. ძალიან შორს არიან იმ კრიტიკული მასისგან, რომელიც საჭიროა, რომ პოლიტიკურ პროცესებზე ზემოქმედებას ახდენდეს. საერთოდ, თუ ჩვენ გვსურს განვითარება, უნდა შევეშვათ მასებით მუქარებსა და მუსკულებით საუბარს. ეს იყო სწორედ მუსკულების ჩვენების მცდელობა, რაც არ გამოუვიდათ, რადგან ყველაფერი დაინახა საზოგადოებამ, გაკეთდა სიუჟეტები. ისედაც გასაგებია, როდესაც სოფლებიდან ადამანები მიკროავტობუსებით ჩამოჰყავთ, ეს ხალხი შეიძლება, იყოს მხარდამჭერი, მაგრამ ეს არ არის რევოლუციური მუხტის შემქმნელი და ვერც შექნიდნენ.
მუხტი ჩვენ გვინახავს მისი ხელოსუფლების პირობებში. ამ ყველაფრით ზიანდებიან ისევ ის ადამიანები, რომლებიც ჩართულები არიან. ჩვენს სახელმწიფოს ერთი წელი არ ჰქონია მშვიდი. მუდმივად არის დაძაბულობა. ადრე, მათი ხელისუფლებაში ყოფნის დროს დაძაბულობის მიზეზები თავად იყვნენ, რადგან პროტესტის ძირითადი მიზეზი მაშინ იყო ხელისუფლების ძალადობა, მოსაახლეობის ფართო მასების დამცირება, ბიზნესის დატერორება და ა.შ. დღეს უკვე თვად არიან, რბილად რომ ვთქვათ, სიმშვიდის დამრღვევები”, – განაცხადა ამირან სალუქვაძემ “თბილისი თაიმსთან” საუბრისას.
