მერაბ მამულაშვილი, პროფესიით ავტომობილებისა და საავტომობილო მეურნეობის ინჟინერი, უკვე 37 წელია ამ სფეროში საქმიანობს. ამჟამად, ტრანსპორტისა და ურბანული განვითარების სააგენტოში, მარშრუტების დაგეგმარების სამსახურის ხელმძღვანელის პოზიცია უკავია. მას მიაჩნია, რომ მუნიციპალური ტრანსპორტით სარგებლობა უნდა იყოს ხელმისაწვდომი, ხალხის მოთხოვნების პრიორიტეტებზე მორგებული, ინფრასტრუქტურულად უფრო გამართული და მომსახურება გარანტირებული. სწორედ ამ მოტივაციით აირჩია მერაბმა საკუთარი პროფესია და დღემდე ერთგულად ემსახურება დედაქალაქის სატრანსპორტო განვითარებას.
„დედაქალაქში საზოგადოებრივი ტრანსპორტი წარმოადგენს „ცოცხალ ორგანიზმს“ და მასში ნებისმიერი ცვლილებაც კი თავის გამოხმაურებას იწვევს საზოგადოებაში. დღეისათვის დედაქალაქში მსუბუქი მანქანების მოჭარბებული რაოდენობიდან გამომდინარე, ხშირია შემთხვევები საგზაო შეფერხებებზე, შესაბამისად გაზრდილია ჰაერის დაბინძურება და საგზაო შეფერხებებიდან გამომდინარე, შემცირებულია საზოგადოებრივი ტრანსპორტით მომსახურების საიმედოობა, რაც ამცირებს მის მიმზიდველობას“, – ამბობს მერაბი.
მასალა მოამზადა: თორნიკე ყრუაშვილმა
