ხონის მუნიციპალიტეტში, კინჩხაში, ოკაცეს კანიონის მიმდებარე ტერიტორიაზე 4 სექტემბერს ტრაგედია მოხდა. დაიღუპა 35 წლის ავთო კულუმბეგოვი, რომელიც ალერგოლოგ ბიძინა კულუმბეგოვის ძმაა.
ახალგაზრდა კაცი კინჩხში მეგობართან ერთად იმყოფებოდა. არსებული ინფორმაციით, ახალგაზრდები მანქანით იყვნენ, მაგრამ უამინდობის გამო, ავტომობილიდან გადმოსვლა მოუწიათ და გზის ფეხით გაგრძელება გადაწყვიტეს. ნაწვიმარ ადგილზე, ავთოს ფეხი დაუცდა და დიდი სიმაღლიდან გადავარდა. სამწუხაროდ, ადგილზე მისულ მაშველებს და მედიკოსებს ის გარდაცვლილი დახვდათ.
ბიძინა კულუმბეგოვმა თანაგრძნობისთვის საზოგადოებას მადლობა გადაუხადა.
„ტრაგიკულად დავკარგე ჩემი ერთადერთი, საფიცარი ძმა. მადლობა ყველას თანაგრძნობისთვის“,- წერდა ბიძინა კულუმბეგოვი სოციალურ ქსელში.
გუშინ მან ძმის ფოტო სოციალურ ქსელში გააზიარა. ავთოს მეგობრები კი ტრაგიკულად დაღუპულ მეგობარზე თბილ მოგონებებს აქვეყნებენ:
„ღმერთო!!! რატო გვწირავ?! ასეთი გულის პატრონები არ უნდა მიდიოდნენ… როგორ გიყვარდა ეს ადგილები, რატომ ასე“.
