რუსეთის ლიბერალ-დემოკრატიული პარტიის ლიდერის ვლადიმერ ჟირინოვსკის ჯანმრთელობის მდგომარეობა კვლავ დამძიმდა. ამის შესახებ ინფორმაცია რუსულ მედიაში ვრცელდება.
როგორც სტატიაში ვკითხულობთ, ჟირინოვსკის ჯანმრთელობის მდგომარეობის უარყოფითი ტენდენცია აქვს. გასული დღე-ღამის განმავლობაში პაციენტის ჯანმრთელობის მდგომარეობაში უარყოფითი დინამიკა შეინიშნება.
პოლიტიკოსს სეპტიკური შოკის დიაგნოზი დაუსვეს. ასევე, ცნობილია, რომ მას ფილტვები მთლიანად შეშუპებული აქვს.
შეგახსენებთ, 16 მარტს პოლიტიკოსის მდგომარეობის გაუმჯობესება დაფიქსირდა. ზოგიერთი გამოცემის ცნობით, მას შეეძლო დამოუკიდებლად სუნთქვა და რამდენიმე საათის განმავლობაში ვენტილატორის გარეშე ყოფნა, თუმცა, ამავდროულად, ექიმების თქმით, ჟირინოვსკი ბევრ სისხლს კარგავდა.
11 მარტს ცნობილი გახდა, რომ LDPR-ის ლიდერი ორკვირიანი მედიკამენტოზური კომის შემდეგ გონს მოეგო. მას შემდეგ მან დაიწყო პირველი ინსტრუქციების გაცემა და ახალი ამბების კითხვა.
პოლიტიკოსი საავადმყოფოში ორმხრივი პრევმონიით მოათავსეს, რომელიც მას თებერვლის დასაწყისში კორონავირუსის ფონზე განუვითარდა.
