ალექსეი ნავალნის პრესსპიკერი, კირა იარმარში ტვიტერზე წერს, რომ რუსი ოპოზიციონერის ჯანმრთელობის მდგომარეობა ბოლო პერიოდში სერიოზულად დამძიმდა და გასულ პარასკევს ღამით, კუჭის ტკივილის გამო, ციხეში სასწრაფო დახმარების გამოძახება გახდა საჭირო
იარმარშის ინფორმაციითვე, ნავალნის 15 დღეში 8 კგ აქვს დაკლებული და ის ვერ იღებს საჭირო სამედიცინო მკურნალობას –“როდესაც ალექსეი ეკითხება რით არის ავად, ციხის ექიმი დამცინავად პასუხობს, რომ „უბრალოდ გაზაფხულია და ყველას აქვს გამწვავება“, – წერს იარმარში და არ გამორიცხავს, რომ ნავალნი ისევ მოწამლეს:
“არ გამოვრიცხავთ, რომ ციხეში ყოფნის განმავლობაში რაღაცით მოწამლულიყო, რომ მისი ჯანმრთელობა ნელ-ნელა, მაგრამ სტაბილურად გაუარესებულიყო” წერს ის.
შეგახსენებთ, რომ ნავალნი 2021 წლის 19 იანვარს შერემეტიევოს აეროპორტში დააკავეს, როდესაც ის ბერლინიდან მოსკოვში ბრუნდებოდა.
მანამდე რუსი ოპოზიციონერი ბერლინის საავადმყოფოში ნოვიჩოკით მოწამვლის შემდეგ მკურნალობდა.
