საქართველოს მთავარი პროკურატურა განცხადებას ავრცელებს და აღნიშნავს, რომ ცოტა ხნის წინ გავრცელებული ინფორმაცია მთავარი პროკურორის გადადგომასთან დაკავშირებით, სიმართლეს არ შეესაბამება.
“მედიასაშუალებებში ცოტა ხნის წინ გავრცელებული ინფორმაცია საქართველოს მთავარი პროკურორის მიერ თანამდებობის დატოვებასთან დაკავშირებით, არის სიცრუე და არ შეესაბამება სინამდვილეს. მიგვაჩნია, რომ მსგავსი სახის ინფორმაციის გავრცელება ხდება მიზანმიმართულად და ემსახურება საზოგადოების შეცდომაში შეყვანას. საქართველოს მთავარი პროკურორი ირაკლი შოთაძე მუშაობას ჩვეულ რეჟიმში აგრძელებს” ,- ნათქვამია განცხადებაში.
ცოტა ხნის წინ, ქართულ მედიაში გავრცელდა ინფორმაცია, თითქოს საქართველოს მთავარმა პროკურორმა ირაკლი შოთაძემ თანამდებობა დატოვა.