დღეს ყველა, დიდიც და პატარაც, მუდმივად ახლისა და საინტერესოს ძიებაში ვართ. განსაკუთრებით, როცა საქმე ბავშვებსა და მათთვის სათამაშოების შერჩევას ეხება. „მეთამაშე“ უკვე ერთ წელზე მეტია, რაც პატარების, და არამხოლოდ, გახალისებასა და განვითარებაზე ზრუნავს. „თბილისი თაიმსს“ ნინო სვანიძე ესაუბრა.
რას ითვალისწინებს თქვენი პროდუქტი?
„მეთამაშე“ ითვალისწინებს როგორც ბავშვების, ასევე, მშობლების მოთხოვნას – მეთამაშე იმიტომ, რომ განვვითარდე.
რა ასაკის ბავშვებისთვისაა რეკომენდებული?
ჩვენ დღესდღეობით გვაქვს ორი თამაშობანა:
1.”ჩერო” – ჩრდილების თეატრი, რომლითაც 1 წლიდან 6 წლამდე ბავშვები ინტერესდებიან.
2. “გასმა”- ქვიშაზე ხატვის ყუთი ნათებით, რომელიც 3 წლიდან 99 წლამდე ასაკის ადამიანებმა შეუძლიათ, გამოიყენონ, მთავარია მონდომება.
უმეტესად, რას უწყობს აღნიშნული თამაში ხელს მოზარდებში?
1.”ჩერო” – ბავშვის თამაში უნდა იყოს დაყრდნობილი მათ ფანტაზიაზე. ფანტაზია მათ მისცემს სხვადასხვა სიტუაციის სხვადასხვაგვარად დანახვის და მოგვარების საშუალებას – ფანტაზია გარდაქმნის ძალაა. ,,ჩერო,, ხელს უწყობს მეტყველების, აზროვნების, ნატიფი მოტორიკის, წარმოსახვის და მეხსიერების უნარ-ჩვევების ჩამოყალიბებას.
2.”გასმა” – ნატიფი მოტორიკა წვრილი კუნთების ამოქმედებასთანაა დაკავშირებული, შესაბამისი მოქმედებების განხორციელება, როგორიცაა თვალისა და ხელის კოორდინებული მუშაობა, ჩაცმა, გახდა, ხატვა, წერა, მეტ სიზუსტეს მოითხოვს, ამდენად, გასაკვირიც არ არის, რომ ბავშვებს მცირეწლოვან ასაკში უძნელდებათ ამ მოქმედებებისათვის თავის გართმევა. ჩვენი თამაშობანა კი დაეხმარება პატარებს, უფრო მარტივად გაართვან თავი ამ რთულ დავალებებს.
რა წესები უნდა დავიცვათ, როდესაც მას ვიყენებთ?
“ჩერო”-ს თამაშის დროს აუცილებელია ნათება, იქნება ეს საღამოს წერტილოვანი ნათება თუ დღისით მზის სხივების ნათება.
“გასმა”-ს თამაში დროს ყურადღება უნდა მივაქციოთ პატარებს, რომ ქვიშა არ ჩაიდონ პირში.
თუ გეგმავთ, მომხმარებელს სხვა პროდუქტიც შესთავაზოთ?
რა თქმა უნდა, იგეგმება „მეთამაშეს“ განვითარება. ვმუშაობთ ახალ პროექტზე, რომელიც ჩვენს პატარებს უფრო ბევრ, ახალ, საინტერესო, სახალისო და საჭირო პროდუქტს შესთავაზებს.
„მეთამაშეს“ მიზანია პოზიტიური განწყობა და პატარების გაბედნიერება. „მეთამაშე“ ხომ 3 წლის ლილიანას იდეა იყო.
