ემოციური, საინტერესო, ხარისხიანი – ასე შეიძლება, შევაფასოთ ნამუშევრები, რომლებსაც ლალი მჭედლიშვილი ქმნის. ხელოვანი პროფესიით ეკონომისტია. ამ მხრივ, თვითნასწავლია, თუმცა, მის მიერ შექმნილ მინიატურებს აშკარად ეტყობა, რომ ცოდნითა და გემოვნებითაა დამზადებული.
მინიატურებს ქმნით – რისგან ამზადებთ მათ?
მინიატურები მზადდება ბუნებრივი მასალით, ვიყენებ: ხეს, ბამბუკს, სელის თოკს, თიხას.
დიზაინს რის მიხედვით არჩევთ – რაიმე კონკრეტულ ხაზს მიყვებით?
ძალიან მიყვარს საქართველო. ზაფხული მოდის და რომ წარმოვიდგენ, როგორ ლამაზდება ყველა კუთხე, მეც კეთების სურვილი მიმძაფრდება ამ პერიოდში. ჯერ იბადება იდეა, ვცდილობ, რომ წარმოვიდგინო დასრულებული სახით, ამის შემდეგ ვიწყებ მუშაობას. შეიძლება, ეს გაგრძელდეს რამდენიმე დღეს და შეიძლება – ერთი თვეც, თუ რაღაც არ მომწონს, ვაკეთებ მანამ, სანამ არ მივაღწევ სასურველ შედეგს.
ამ მხრივ თვითნასწავლი ვარ. პროფესით ეკონომისტი გახლავართ. თავდაპირველად, ნამუშევრები ჩემი გემოვნებით იქმნებოდა, შემდეგ უკვე – მომხმარებლის მოთხოვნით. გარდა ამისა, ბავშვობიდან ჩემი ჰობია კერვა, ქსოვა, ქარგვა.
