ჩვენი გემოვნების შესაბამისად, ადამიანებს ზოგიერთი ფერი სხვებზე მეტად მოგვწონს. ასე თუ ისე, ეს გაუცნობიერებლად ხდება და ჩვენ შეიძლება, არ ვიცოდეთ, რომელი ფერი რას გულისხმობს.
მიიჩნევენ, რომ
თეთრი სიწმინდის, ჰაეროვნები ფერია. ჩვეულებრივ, ამბობენ, რომ ამ ფერის მოყვარულები გულწრფელები, პატიოსნები და სანდოები არიან.
ყვითელი ძალიან პოზიტიური ფერია – ის თავის თავში ხალისსა და დადებით განწყობას გულისხმობს. ყვითელი ფერი არტისტებისთვის გამორჩეულად საინტერესოა.
ცისფერ ფერს, უფრო მეტად, სიბრძნესა და სიმშვიდესთან აიგივებენ. მიიჩნევენ, რომ ამ ფერის მოყვარული ადამიანები სუსტები არიან.
შავი – სხვა ფერებთან შედარებით, ჩვენთვის შავის “ფსიქოლოგია” უფრო მეტად ცნობილია. ის მისტიკასთან ასოცირდება. მიაჩნიათ, რომ ამ ფერის მოყვარულებს საკუთარი თავის რწმენა ნაკლებად აქვთ.
მწვანე – საკმაოდ ცნობილია, რომ მწვანე ფერი ჰარმონიასთან ასოცირდება. ის ამშვიდებს ადამიანს და სასიამოვნოს ხდის იმ გარემოს, სადაც ეს ფერი სჭარბობს,
წითელი ფერი ნებისმიერი ადამიანის ყურადღებას გამორჩეულად იპყრობს. მიჩნეულია, რომ ეს ფერი ვნების, აღგზნების მასტიმულირებელია. თუმცა, ამავდროულად, ის საკმაოდ სახიფათო და პრეტენზიული ფერია.
მასალა მოამზადა : მარიამ ტიელიძემ
