“მაიმუნის ყვავილთან” გასამკლავებლად ქართული ჯანდაცვა მზად არის. ჯერ ხომ ის არ არის გავრცელებული და ვფიქრობთ, არც გავრცელდება. ის არ არის ახალი ვირუსი, ჩვენ მის შესახებ ყველაფერი ვიცით. ეს არის ძველი ვირუსი, რომელიც ახლა გააქტიურდა. უფრო მეტად, ყურადღებით უნდა ვიყოთ, რომ, მოგზაურობის თვალსაზრისით, საზოგადოება იყოს გაცილებით ინფორმირებული სიმპტომებთან დაკავშირებით, რათა ზაფხულის თვეების დასრულების შემდგომ ჩვენ არ გავხდეთ მიმღები, ასე რომ ვთქვათ. ამიტომ, მოგზაურობის დროს უნდა ვიყოთ ფრთხილად და ვაკონტროლოთ კონტაქტები”, – ამის შესახებ პროფესორმა, ექიმმა-თერაპევტმა, მაკა ბულეიშვილმა “თბილისი თაიმსთან” საუბრისას განაცხადა.
ბულეიშვილმა განმარტა, რამდენად არის მზად საქართველოში ჯანდაცვის სფერო, რომ “მაიმუნის ყვავილს” გაუმკლავდეს.
“ამის შესახებ დაავადებათა კონტროლის ეროვნულ ცენტრს სრული ინფორმაცია აქვს, რადგან მის შესახებ, როგორც აღვნიშნე, ცნობილია. რამდენადაც ვიცი, შესაბამისი ზომებიც უკვე მიღებულია. როდესაც ჯანდაცვის მსოფლიო ორგანიზაცია აკეთებს განაცხადს, რა თქმა უნდა, დაავადებათა კონტროლის ეროვნული ცენტრი მყისიერად მიყვება მათ ინსტრუქციას. შესაძლებელია, რომ უკვე განაცხადიც იყოს გაკეთებული ვაქცინაციასთან დაკავშირებით, ასევე, არსებობს შესაბამისი ანტივირუსული მედიკამენტი. რიგმა ქვეყნებმა უკვე გაატარა პროფილაქტიკური ღონისძიებები. უნდა იყოს ვაქცინა, ამავე დროს, შესაბამისი ვირუსული მედიკამენტი. თუ ეს მედიკამენტი დროულად გაკეთდა, თავისთავად ცხადია, ჩვენ, აღმოცენების შემთხვევაში – და არა პრევენციული თვალსაზრისით, შესაძლებელია ადამიანის გამოჯანმრთელება ძალიან მალე”, – განაცხადა მაკა ბულეიშვილმა.
