დღეს “ხელისუფლების საერთაშორისო მონიტორინგის ცენტრმა” მოაწყო ფორუმი თემაზე “საქართველოს მთავრობის ხარისხი – Economist Intelligence Unit-ის ექსპერტიზა”.
შეხვედრაზე განიხილეს საერთაშორისო ორგანიზაცია Economist Intelligence Unit-ის მიერ მომზადებული ანგარიში. საერთაშორისო ორგანიზაციამ EIU-ის (Economist Intelligence Unit) მსოფლიო ბანკის მეგა-პროექტის The Worldwide Governance Indicators (WGI) ფარგლებში მსოფლიო მთავრობების საქმიანობის ხარისხი შეაფასა, რომელთა შორისაც საქართველოს 2013 წლის მთავრობის ანალიზიც წარმოადგინა. EIU-ის მიერ შეფასება განხორციელდა 4 აგრეგატის მიხედვით : მთავრობის ეფექტიანობა; რეგულირების ხარისხი; კანონის უზენაესობა; არჩევანის თავისუფლება და ანგარიშვალდებულება.
აღნიშნული 4 აგრეგატის მიხედვით, საქართველოს 2013 წლის მთავრობა საქმინობის ხარისხით რეგიონში, მეზობელ ქვეყნებთან შედარებით ლიდერის პოზიციაზეა. EIU-ის შეფასებით, საქართველო მთავრობა ეფექტიანობის დონით ევროკავშირის რამდენიმე სახელმწიფოს უსწრებს, ხოლო რეგულირების ხარისხის მიხედვით აშშ-ზე უკეთესი მაჩვენებელი აქვს. აღსანიშნავია, რომ საქართველოს მთავრობა “არჩევანის თავისუფლების და ანგარიშვალდებულების ხარისხით” ისტორიული მაქსიმუმის დონეზეა შეფასებული.
როგორც “ხელისუფლების საერთაშორისო მონიტორინგის ცენტრის” საქართველოს ოფისის ხელმძღვანელმა ლანა ებრალიძემ განაცხადა: “EIU-ის ექსპერტიზა ყოველწლიურად განახლებადია. დაფიქსიებული წარმატების შესანარჩუნებლად და განსავითარებლად, საქართველოს მთავრობას მიმდინარე და მომავალი წლისათვის ბევრი ქმედითი ნაბიჯის გადადგმა მოუწევს. 2015 წლის მთავრობის ძირითადი საერთაშორისო გამოწვევა ევროასოცირების ხელშეკრულების ეფექტიანი გამოყენებაა.”
Economist Intelligence Unit-ი კომერციული ბიზნეს ინფორმაციის პროვაიდერი მსოფლიოს ერთერთი უდიდესი ორგანიზაციაა (შტაბ-ბინით ლონდონში). იგი მსოფლიო მაშტაბით 500-ზე მეტ კორესპონდენტს და ექსპერტთა ჯგუფებს აერთიანებს. მსოფლიო ბანკის მეგა-პროექტს The Worldwide Governance Indicators (WGI) ფარგლებში EIU-ი ჩართულია, როგორც ქვეყნების მიმოხილვითი სერვისის და საერთაშორისო ექსპერტიზის განმახორცილებელი პარტნიორი ორგანიზაცია.
03.11.14
