„დედეე ჯიმ“ – სვანური მარილი, რომელიც უნიკალურ სურნელსა და გემოს ინარჩუნებს
 

„დედეე ჯიმ“- ერთი მოსმენითაც ცხადია, რომ ეს სიტყვები სვანურია. ის ითარგმნება, როგორც “ბებოს მარილი”. პროდუქტი, რომლის შესახებაც ახლა მოგაწვდით ინფორმაციას, სვანური მარილია, რომელიც ადგილობრივი ტრადიციებითა და ტექნოლოგიით მზადდება. დეტალურად, “თბილისი თაიმსს” გიორგი ჭკადუა ესაუბრა.

რამდენი ხანია, რაც სვანურ მარილს აწარმოებთ?
სვანური მარილის წარმოების იდეა გაგვიჩნდა 2020 წელს. გამომდინარე იქიდან, რომ ვართ სვანები და სვანური მარილის მიმართ სიყვარული ქართულ საზოგადოებაში განსაკუთრებულად დიდია, მუდმივად იყო მოთხოვნა ჩვენი მეგობრების, თანამშრომლების, ახლობლების და ყველა იმ ადამიანების  მხრიდან, ვისაც ერთხელ მაინც დაუგემოვნებია ჩვენ ოჯახში სვანური მარილით მომზადებული კერძები, გადაგვეცა მათთვის მცირე რაოდენობის სვანური მარილი.
სწორედ ამიტომ, მათ „პატივსაცემად“ ჩვენი მხრიდან „მეგობრულ ჟესტად“ მივიჩნიეთ, რომ დაგვემზადებინა საჭირო რაოდენობის მარილი და საჩუქრად გადაგვეცა ზემოაღნიშნული ხალხისთვის. რა თქმა უნდა, ჩვენი მარილის უნიკალურ გემოსა და სურნელზე „ლეგენდები“ „დომინოს ეფექტით“ გავრცელდა (როგორც ხდება, მეგობრებმა მეგობრებს უთხრეს, ახლობლებმა ახლობლებს და ა.შ). სწორედ ამის შემდეგ, გაზრდილი მოთხოვნიდან გამომდინარე, დავიწყეთ მისი წარმოება, თუმცაღა, აღსანიშნავია ის ფაქტიც, რომ თავდაპირეველად წარმოების დასაწყისში არ გვქონდა ჩვენი შეფუთვა და ლოგო, არც სახელი გვქონდა შერჩეული.
გვყავდა ჩვენი სეგმენტი და მხოლოდ მათი მოთხოვნის შემთხვევაში ვაწარმოებდით სვანურ მარილს, თუმცა, გაზრდილი მოთხოვნის შემდეგ, ყველაფერი შეიცვალა და დავიწყეთ სერიოზული ფიქრი ბიზნესის განსავითარებლად. ჩვენთვის მთავარი საფიქრალი იყო – სახელი შეგვერჩია ისეთი, რომელიც მთავარ კონცეფციას არ აცდებოდა. მთავარი კონცეფცია კი დაფუძნებულია დამზადების ტრადიციულ მეთოდზე, რომელიც თაობიდან თაობას გადაეცემა. მოვიფიქრეთ, რა თქმა უნდა, სვანური სახელწოდება “დედეე ჯიმ“, რაც ქართულად ითარგმნება, როგორც „ბებოს მარილი“. შემდეგ დავიწყეთ ფიქრი ლოგოზე, გვინდოდა რაიმე მარტივი ლოგო შეგვექმნა და ვიფიქრეთ, რომ კარგი იქნებოდა, სვანეთის რომელიმე მწვერვალი დაგვერთო ლოგოს სახით და არჩევანი შევაჩერეთ მწვერვალ ლაილაზე.
გადავწყვიტეთ, მოგვეფიქრებინა ჩვენი მარილისთვის ლოზუნგი, ბევრი ფიქრის შემდეგ – ჩვენი ინსპირაცია გახდა ერთ-ერთი ქართული ტელე-შოუს, „მასტერშეფის“ ჟიურის წევრის, ბატონი კონსტანტინე თედელურის სიტყვები – „ითამაშე გემოებით“, რაც ზუსტად ასახავდა ჩვენი მარილის გემოებით თამაშით შესაძლებლობას, სწორედ ამიტომ, ჩვენი ლოზუნგიც ზუსტად შეესაბამება ჩვენი პროდუქტის  შესაძლებლობებს და  ამიტომ #როცაგემოებითთამაშიგინდა, უნდა მოგვმართოს მომხმარებელმა და დააგემოვნოს სვანური მარილი „დედეე ჯიმ“.
 
რით არის ის გამორჩეული? მზადების ტექნოლოგიაზე რას გვეტყვით

ჩვენი მარილი გამორჩეულია იმით, რომ იგი დამზადებულია სვანური ტრადიცული, უნიკალური მეთოდით და ტექნიკით, რომელიც ხდის მას განსაკუთრებულს. აღნიშნული გზით დამზადება მოითხოვს ძალიან დიდ შრომას და დროს, მაგრამ, როგორც მოგვეხსენება, მთავარი არის ხარისხი და არ ვიშურებთ ძალ-ღონეს მისი უნიკალური სურნელის და გემოს შესანარჩუნებლად.

 
როგორია მის მიმართ მოთხოვნა?

„დედეე ჯიმი“-ს მიმართ მოთხოვნა ძალიან მაღალია. მომხმარებელი თუ ერთხელ  მაინც  გასინჯავს ჩვენს მარილს, რჩება ჩვენს მუდმივ მომხმარებლად. მნიშვნელოვანია, აღინიშნოს ის ფაქტიც, რომ ჩვენს მარილს მომხმარებლები არა მხოლოდ საქართველოში ჰყავს, არამედ უცხოეთშიც დიდია მისი მოთხოვნის მაჩვენებელი. ხშირად ვგზავნით პროდუქციას ამერიკაში, გერმანიაში, პოლონეთსა და ინგლისში. თამამად შეიძლება, ითქვას, რომ ამ ქვეყნებში გვყავს ჩვენი ერთგული მომხმარებელი, რომელიც ყოველთვის მოუთმენლად ელოდება ჩვენს მარილს და გვეუბნებიან, რომ „დედეე ჯიმი“-ს გარეშე მათი კერძები უკვე წარმოუდგენლად არასრულფასოვანია.
 
კონკურენციის შესახებაც გვითხარით – რა ვითარებაა ამ მხრივ ბაზარზე?

როგორც მოგეხსენებათ, სვანურ მარილს ბევრი კომპანია აწარმოებს და უამრავი „მოყვარული“ სტარტაპერია ამ მიმართულებითაც, თუმცაღა, როგორც ზემოთ უკვე აღვნიშნეთ, ჩვენ გვაყავს ჩვენი მომხმარებლების „აურაცხელი არმია“, რომლებიც ამბობენ, რომ „დედეე ჯიმი“-ს დაგემოვნების შემდეგ სხვა მარილს არც კი აღიარებენ, რადგან, როგორც უკვე მოგახსენეთ I’m, მისი უნიკალურობა სწორედ ტრადიციული მეთოდით დამზადებაშია, რაც ცალსახად გვაძლევს იმის უნარს, რომ კონკურენტუნარიანები ვიყოთ საქართველოს ბაზარზე. გეგმები დიდია, გვწამს და გვჯერა, რომ მივაღწევთ იმ შედეგსაც, როდესაც ჩვენი მარილი იქნება არა მხოლოდ საქართველოს ბაზარზე, არამედ ევროპის ბაზარზეც შევძლებთ მის ექსპორტს.